24.11.01

Spurning dagsins
Á hvaða hljóðfæri spilaði Brian Jones á sínum tíma?
Óli Njáll  18:52| link

Hvaða bull er þetta
Hvað á ég að borða í kvöldmat???? Stór spurning.
Óli Njáll  18:49| link

fgfg
Óli Njáll  17:20| link

sdfsdfs
Óli Njáll  17:16| link

Lokað vegna vangoldinna gjalda
Eða réttara sagt vangoldinna lögfræðiglósa. Hin mjög svo auma kvikmyndasíða Jónasardætra er hér með þurkuð út úr tenglasafninu, bæði sökum mikilla glósu, matar og fjárskulda Tómasínu og jafnframt er síðasta gagnrýni Sigþrúðar Ármann feit skita. Besti bíógagnrýnandi landsins fær því tvo tengla á síðunni.
Óli Njáll  12:31| link

Arg
Netið var bilað í vinnunni í morgun. Það er ekki gott mál. Annars var rosalega ekkert að gera í dag. Mér til skemmtunar sendi ég u.þ.b. 100 föx hingað og þangað að frekjast í fyrirtækjum og heimta kreditnótur. Ég er svaðalegur rukkari. Ég hef ákveðið að fyrirmynd mín í þeim efnum verði viðbjóðslegi gjaldkerinn í SHA sem er bara viðbjóðstlegasti rukkari í geymi.
Óli Njáll  12:28| link ------------------

23.11.01

Er gústi kerling
Það held ég bara. Menn sem eru tilbúnir að fórna NBA klúbbnum eru eitthvað verri.
Óli Njáll  20:15| link

NBA og vinna í fyrramálið
Mér finnst soldið skondið að fara á stofnfund NBA klúbbsins og vera á bíl. Þ.a.l. má ég aðeins drekka tvo bjóra í mesta lagi allt kvöldið. Svo þarf maður að vakna klukkan hálf sjö í fyrramálið og mæta í vinnuna. Eftir hádegi er svo stefnan sett á að villast í Kópavoginum á leið á fund SHA. Góða helgi og lifið heil
Óli Njáll  18:56| link

Kjörsonur Skrattans
Það er nafn á lagi eftir Kristján nokkurn Hreinsson. Skemmtilegt þegar maður fer að hlusta á textann að nokkuð augljóst er hver þessi kjörsonur skrattans er. Hér er hluti af textanum:
Kjörsonur skrattans er kviðsíður dvelli
sem kófdrukkinn tilbiður veraldleg gæði
hann nýtir sér meðvind með margskonar sprelli
en mótbyrinn framkallar hatur og bræði.
Sá dvergur er fyrirmynd drykkfelldra þrjóta,
hann dansar í hringi frá níu til fjögur,
á daginn hann ræðir um ranglátan kvóta
og ritar í tómstundum fánýtar sögur.

Síðan í lok lagsins eru svo þessar línur

því kjörsonur skrattans er krullhærður púki
sem kveikir í öllu sem hann er á móti.

Og ætli þetta sé ekki bara spurning dagsins: Hver skildi nú vera kjörsonur skrattans??????
Óli Njáll  13:28| link

Fals
Nú er það aðalmálið í Aðferðum, þessa dagana. Sögulegar falsanir. Ég sem góður nemandi er náttúrulega þegar búinn að uppgötva eina stórmerka og svínslega sögulega fölsun en það er einkuninn sem ég fékk fyrir uppkastið á ritgerðinni minni: 7,8!!!! Þarna er Gísli Gunnarsson tvímælalaust að falsa þessa einkunn sem í raun á að vera 9,9999(Menn eiga aldrei að fá 10 í einkunn) til þess að það sjáist ekki hvað ég er miklu hæfari sagnfræðingur en hann. Ég lýsi yfir vanþóknun minni á svona falsvinnubrögðum prófessora. Fussumsvei.
Óli Njáll  13:21| link ------------------

22.11.01

Hva
Það er kominn tími á nýja spurningu dagsins. Mér var bent á að síðasta spurning hefði verið of þung og því léttum við spurningu dagsins í dag. Hvaða íþróttagrein stunduðu þær Tonya Harding og Nancy Kerrigan?
Óli Njáll  21:49| link

Mér finnst...
...rigningin góð. Söng Helgi Björnsson eitt sinn. Nú rignir einmitt í Breiðholtinu. Það telst nokkuð fréttnæmt enda gerist það ekki oft. Hér snjóar venjulega eins og venjan er með heiðabýli langt fyrir ofan snjólínu. Hér er frost og snjór fram í September. Rigning í Nóvember hlýtur því að teljast alger stórtíðindi. Já, svo bregðast krosstré sem önnur tré.
Óli Njáll  17:59| link

Leiðin til sigurs
Já, Liverpool skíttapaði á þriðjudaginn og ekki stóðu þeir sig vel í þeim leik. Það eru nokkur atriði sem liverpool þarf sárlega að laga til að eiga möguleika í þessari keppni. Sennilega vinnum við samt ekki á þessu ári.
Í fyrsta lagi er það forgangsröðun framherja. Röðin er svona 1. Owen, 2. Heskey, 3. Fowler 4. Litmanen. Þetta er kolvitlaus röð. Hún á að vera svona 1. Owen, 2. Fowler, 3. Litmanen, 4. Heskey. Málið er að Heskey er enginn snilldar senter. Heskey er reyndar helvíti vinnusamur og gott að hafa hann í vörn í hornspyrnum og oft sinnir hann mikilli varnarvinnu á miðjunni. Gott hjá honum og hann fær plús fyrir það. En þetta er ekki framherja vinna. Framherjar eiga að skora mörk og leggja upp mörk. Það gerir Heskey ekki. Hann klúðrar bara færum(auk þess að hafa óstjórnlega þörf til að abbast upp á hornfánann, sem ég hef aldrei skilið.) Heskey leggur líka upp fremur fá færi. Um helmingur af sóknum Liverpool byggist upp á að dúndra háum boltum á hann sem hann á svo að skalla á Owen og mark. En það gengur bara sjaldnast upp. Hann vinnur að vísu oftast skallaeinvígin en boltinn fer bara eitthvert til andskotans og ekkert verður úr sókninni. Sóknarlegt gildi Heskey er því voðalega lítið. Fowler er guð, hann er náttúrutalent og það eigum við að nýta. Meðan 2-3 varnarmenn eru fastir á Owen þá er það lauflétt að byggja upp spil á Fowler sem getur léttilega raðað inn mörkum fái hann aðstoð frá miðjunni. Litmanen er líka miklu betri kostur en Heskey. Litmanen getur skorað, eitthvað sem Heskey er skelfilega lélegur í. Litmanen hefur líka frábært auga fyrir spili og banvænar sendingar. Best væri að mínu mati að láta Litmanen spila aðeins fyrir aftan Fowler og Owen og þá myndum við sjá mörkin hrannast upp. Sérstaklega er þetta sniðugt með tilliti til þess að Liverpool á í raun enga kantmenn. Því myndi ég vilja sjá leikaðferðina 4-3-1-2. Með þessa þrjá fremsta. Til að rótera hópnum þá getur Smicer leyst Litmanen af í þessari stöðu milli miðju og sóknar, Smicer er líka meira en vel nothæfur á miðjuna. Baros og Heskey geta svo verið frammi gegn liðum eins og Southampton og Leicester.
Í þessari þriggja manna miðju yrðu náttúrulega Hamann og Gerrard lykilmenn. Ásamt þeim verður svo að vera einn skapandi leikmaður t.d. Smicer, Redknapp, Riise, jafnvel Murphy. Hetjan mín Gary er því miður að eldast hratt þessa dagana og álit mitt á Berger er fyrir löngu komið í hundana. Barmby er ágætis varamaður.
Út á varnarleikinn er ekkert að setja, við eigum frábæran markmann og geymsins bestu vörn. Og þegar Babbel verður risinn úr rekkju þá verður hún bara enn betri.
Látum þetta duga að sinni. Ef einhver vill mótmæla þessum hugmyndum þá endilega sendið mér póst.
Óli Njáll  16:52| link

Aular dauðans
Ég horfði á endursýningu Gettu betur í gærkveldi og skammaðist mín mjög fyrir að vera fyrrum verzlingur. Djöfull hvað þeir voru lélegir. Það keyrði þó um þverbak þegar að þeir svöruðu að Sorpeyðingarstöðin væri búinn að hefja ÁLBRÆÐSLU. Herre gud. Annars var þetta einhver mest óspennandi úrslitakeppni sem um getur. Þegar að annað liðið fær meira en tvöfalt fleiri stig en hitt þá hýtur það að vera merki um að hitt liðið átti ekkert erindi í úrslit.
Óli Njáll  13:14| link

KFC
Ef það er eitthvað sem mig langar í núna þá er það Zingerborgari. Djöfull hvað það er langt síðan ég fékk mér einn slíkan. En það er því miður bannvara og ég verð víst bara að halda áfram að láta mig dreyma.
Óli Njáll  11:01| link

Leti
Jæja, var að vakna. Einn kostur þess að vera að jafna sig eftir veikindi er það að maður má vera latur án þess að fá samviskubit. En þetta er líka síðasti dagurinn sem ég má vera latur. Helvítis verkefnaskil um helgina og drasl.
Óli Njáll  11:00| link ------------------

21.11.01

Næstibar
Ég er að hugsa um að fara að klæða mig. Kominn tími til, klukkan er hálf átta. Og svo er það bara Næstibar þar sem fundað verður stíft til að undirbúa byltinguna. Ég ætla nú bara að vera stutt og svona aðallega bara til að komast út og fá ferskt loft, enginn bjór í þetta skiptið. Ekki einu sinni Newcastle. Kanski bara ein kók í gleri. En það er einmitt besti drykkur í heimi, sama hvað hver segir. Það er ekkert sem jafnast á við kók í gleri, litlu gleri. Það er meirisegja munur á stóru og litlu gleri. Af hvurju? Ég hef bara ekki hugmynd um það. Einnig er kók í gleri best í umhverfi mettuðu af neftóbakslykt, spilandi rommy og étandi snúð. Það er sko real life.
Óli Njáll  19:48| link

Object....
Var að horfa á Jennifer Aniston myndina Object of my affection. En hvað þetta er léleg mynd. Eitt atriði fer þó alveg með mann. Ok, gott og vel þó maðurinn sé hommi í myndinni þá held ég að ekki nokkur heilvita maður myndi svara í símann þegar Jennifer Aniston er að afklæða hann. Slíkt bara meikar engann sens.Arg.
Óli Njáll  18:06| link

Bara að minna á...
...að samfylkingin er án efa aumasti stjórnmálaflokkur þessa lands. Flokkurinn sem endalaust hefur röflað um ESB þorir ekki einu sinni að standa við það á landsfundi og þora heldur ekki að taka ákvörðun um nafnið sitt. Eina jákvæða við þennan flokk er það að þeir skyldu fá Mustafa lækni frá Palestínu hingað. Hann var stórfínn kall.
Óli Njáll  16:10| link

Nöfnin
Kanski rétt að það komi fram að svarið við spurningu gærdagsins var Hans 1. og Margrét 2.
Óli Njáll  14:14| link

Allt að skána
Jæja, þá held ég að ég sé að lagast. Er allavega farinn að geta borðað ristabrauð og tekex. Hvílík kóngafæða:) Annars virtust margir vera vel að sér um dönsku kóngana (og drottninguna) í gær. En við skellum inn annari spurningu: Hver var ábyrgur fyrir morðinu á Pétri 3. rússakeisara og hver tók við völdum eftir hans dag? Ekki væri svo verra ef raunverulegt nafn Péturs 3. myndi fylgja með!
Óli Njáll  13:53| link

Alger steik
Já, þá veit ég afhverju ég var svona uppgefinn eftir ritgerðina mína. Fékk þessa skrambans gubbupest og ældi eins og múkki í gærkveldi, og gat þar af leiðandi ekki stutt mína menn í liverpool eins og skyldi. Þess vegna töpuðu þeir, allt mér að kenna. Annars liggjum við pabbi bara saman veikir hérna heima og eyðum morgninum í það að horfa á Oprah. Mjög, mjög, sorglegt.
Óli Njáll  11:34| link ------------------

20.11.01

Spurning dagsins
Frá því að Kristján 1 tók við völdum í Danmörku 1448 hafa nöfnin Kristján og Friðrik verið einu nöfn þjóðhöfðingja Dana með tveimur undantekningum þó. Hvaða tvær undantekningar eru þetta?
Óli Njáll  15:48| link

Uppgefinn
Þessi ritgerð hefur alveg sogað úr mér allan kraft. Ég er hreinlega alveg steindauður í dag. Kanski er ég þjakaður af Yersinina Pestis????
Óli Njáll  15:47| link

Hringavitleysa
Full ástæða til að mæla með greininni Sagan fer alltaf í hring sem SP skrifar á múrinn í dag. Að sama skapi er full ástæða til að hjóla í Múrverja fyrir að vera alls ekki að standa sig í Tyrkjapistlum. Einn og hálfur mánuður. Já, einn og hálfur mánuður án þess að minnst sé á Tyrkina. Óásættanlegt með öllu.
Óli Njáll  11:38| link

Jaaaaaaaaaaaaaaaaá
Það er það komið. Ritverkið "Samfélag á sóttarsæng" er komið út fyrir ca. 15 mínútum síðan. Þetta merka fræðirit sem án efa verður tilnefnt til íslensku bókmenntaverðlaunanna næst er einungis fáanlegt hjá höfundi og kostar ekki nema 5395 krónur á sérstöku tilboðsverði út þennan mánuð. Árituð mynd af höfundi fylgir fyrir fyrstu 20 sem panta. Upplagið er því miður frekar lítið og gildir því hið fornkveðna, fyrstir koma, fyrstir fá. Þannig að þeir sem hafa áhuga ættu að drífa sig í að næla sér í þetta stórvirki íslenskrar bókmenntasögu.
Óli Njáll  11:22| link

Barcelona
Liverpool vs. Barcelona í kveld. Við verðum án Hamanns en það verður víst að hafa það.Steven Gerrard mun bara taka miðjuna einn síns liðs í staðinn. Annars spái ég eins marks sigri Liverpool 1-0 þar sem markið kemur á ca 84 mínútu frá varamanni sem er besti senter í geimi og ber númerið 9 á bakinu.
Óli Njáll  08:40| link ------------------

19.11.01

Niðurstöður og samantekt
Það er víst það eina sem ég á eftir að skrifa af þessari blessuðu ritgerð. Allir kaflarnir komnir. Svo er náttúrulega allur frágangur eftir, svo sem laga tilvísanir og búa til heimildaskrá, stafsetja þetta og kommusetja og eitthvað ámóta. Ég er reyndar orðinn ansi ringlaður í hausnum af þessu öllu saman.
Óli Njáll  22:38| link

NBA
Þetta getur líka verið skammstöfun fyrir Newcastle Brown Ale. Nokkuð skondið það. Ég er allavega alveg til í aðdáendaklúbb þessa bjórs. Ég legg það til að Næstibar fái sér þennan ágæta mjöð í dælu enda er það einn af fáum löstum þess staðar að aðeins er hægt að kaupa NBA í flösku sem er dýrt.
Óli Njáll  20:06| link

Drasl
Maður veltir fyrir sér hvort íslenskir tónlistarmenn séu aular þegar maður heyrir textabrot eins og þetta: "Ég get allt, ég er brún eins og kókómalt". Guð minn almáttugur hvað þetta er lélegt. Má ég þá frekar biðja um Kristján Hreinsson takk fyrir. "Við sjálfstæðismenn erum hinn fullkomni flokkur, já fólkið það tilbiður okkur, en loforðin svíkjum við samt" Þetta er bara snilld.
Óli Njáll  18:13| link

Magapest
Já, nú liggja bara allir í kringum mig með magapest. Ég hef sloppið ennþá og geri það vonandi áfram. Ég veit alveg hver ástæðan er. Sítrónulýsi og vítamín. Það virkar.
Óli Njáll  09:32| link ------------------

18.11.01

Millljón
Vil ég vinna miljón? Já, af hverju ekki. Af hverju virðist alltaf heimska fólkið komast í þáttinn. Ég hringdi nú tvisvar inn um daginn og ekki virkaði það. Ég er að spá í að reyna aftur. Það er bara sorglegt að horfa á hvern bjánann af öðrum klúðra sínum málum þarna. Ég er líka á móti fólki sem þorir ekki að taka sjénsinn á einhverjum 100 köllum. Maður myndi kanski hugsa sig um á síðustu 2 spurningunum þar sem upphæðirnar hlaupa á miljónum en að setja einhvern 100kall fyrir sig(60 eftir skatt) er bara bjánaskapur. Það verður að vera smá spennufíkill og leggja þetta allt undir.
Óli Njáll  23:35| link

Magnað
Já, þetta var mögnuð pizza. En Svarti-dauði er samt magnaðari. Ég held að enginn af lesendum mínum geti gert sér grein fyrir hversu miklar afleiðingar hann hafði á land og þjóð. (nema kanski millistjórnendur með masterspróf í þessu)
Óli Njáll  23:31| link

Pizza
Af því ég veit hvað móðir mín er hrifinn af því þegar ég auglýsi kvöldmat heimilisins á þessari síðu þá tilkynnist það hérmeð að það er pizza í kvöldmatinn og það heimabökuð. Þær er bestar.
Óli Njáll  19:00| link

Já, nú gengur þetta
Jæja, einn kafli kominn nú þegar. Þetta skal hafast.
Óli Njáll  12:10| link

Ritgerð
Í dag er ritgerð og ekkert múður. Vonandi að þessi slæma vika endi vel og ég geti raðað inn köflunum í dag. Annnars fór ég á tvær meðalmenskumyndir í gær. Monsoon Wedding og Brotherhood of the wolf. Dubay var samt nokkuð fyndinn karakter ásamt perranum Taj, þeir björguðu heiðri Indlands.
Óli Njáll  10:39| link ------------------