17.11.01

Flottur
Ég fór á fund í morgun hjá samfylkingunni. Þetta var reyndar ekki alvöru landsfundurinn heldur nokkurs konar hliðarfundur með þessum palestínumanni sem er hér í heimsókn. Hann var fínn. Mikið gaman, mikið stuð.Newcastle Brown rúlar. Bara minna á það.
Óli Njáll  17:14| link ------------------

16.11.01

Föstudagskvöld
Já, ætli maður kíki ekki í bæinn á eftir. Gera eitthvað sniðugt. Nánar tiltekið fá sér Newcastle Brown sem er besti bjór í geymi. Fær 4 stjörnur hjá bjórsvelg þessarar síðu. Annars hlýtur Ágkúst Flauelshring að vera versti bjórsvelgur sem um getur í veraldarsögunni. Manninum tókst að vera 3 tíma með einn lítinn flöskubjór í gær. Já, ég þarf greinilega að ala drenginn upp.
Óli Njáll  20:42| link

ó mig aumann
Ég er svo illilega haldinn ritteppu í dag að það er engu lagi líkt. Ég sé fram á helgi dauðans við að púsla þessari ritgerð saman. Ég held ég taki mér bara hlé það sem eftir er dagsins og mæti svo ferskur við tölvuna klukkan 8 í fyrramálið. Og svo er náttúrulega alltaf landsfundur "Alþýðubandalagsins" á morgun.
Óli Njáll  17:51| link

morgen,morgen
Hvert skildi ég vera að fara á morgun. Giskið einu sinni! Ég er á leiðinni á landsfund Samfylkingarinnar:)
Óli Njáll  15:18| link

Leikhús
Jæja, þá hafa mér áskotnast frímiðar í leikhús. Nánar tiltekið á sýningu að eigin vali hjá LÍ. Þá er bara spurningin hvern á að taka með sér. Ég reyndar veit alveg hver er þar efstur á blaði en sennilegast mun það ekki ganga eftir. Þeir sem hafa óstjórnlega löngun til að koma með mér í leikhús verða að senda nafn, kennitölu og síma á oni@hi.is og ég mun svo velja hæfasta umsækjandann. Ef umsækjandi er kvenkyns er ekki slæmt ef að mynd myndi fylgja.
Óli Njáll  13:41| link

Úff,púff
Já, ekki var hún nógu góð mætingin á fundin okkar í gær. Samtals 16 manns. Samt hinn ágætasti fundur. En Fulgi mætti og var þetta fyrsta skref hans í að afneita sinni framsóknarvillu og ganga byltingunni á hönd. Reyndar er spurning hvort drengur sé velkominn aftur eftir að hafa verið staðinn að morðtilraun við félaga Stefán Jónsson. Greyið maðurinn sem sat bara með sinn bjór á Næstabar lenti í 20 mínútna upplestri af upphæðum og prósentutölum um íslenskan landbúnað og náði naumlega að sleppa lifandi, en eins og allir vita er Gústus stórskeinuhættur þegar hann byrjar á þessum pistli.(sem ég hef reyndar þurft að hlusta á ca. 49 sinnum, alltaf eins). Já, rauðhærðir glæpamenn er hættulegastir allra.
Óli Njáll  09:28| link ------------------

15.11.01

Út um heim allan
Já, nú er þessi síða uppfærð beint frá Smáralind í Kópavogi. Nánar tiltekið í landsbankanum meðan ég bíð eftir að röðin komi að mér. Landsbankinn hér er einmitt opinn til klukkan 8 í kvöld og bjargar það mér alveg. Ég nefnilega fór í Hólagarð áðan þar sem ég hélt að Íslandsbanki væri opinn til 7 en hann var bara opinn til 6. Aumingja þeir, nú skipti ég aldrei við þá aftur. Landsbankinn rúlar. En Smáralindin rúlar ekki, hún er frekar leiðinleg.
Óli Njáll  18:37| link

Furðulegheit
Ég hef verið að uppgötva það að undanförnu að sumum þykja færslurnar mínar hálffurðulegar á köflum. Engar áhyggjur, ef þú skilur ekki færsluna þá er það vegna þess að þú átt ekki að skilja hana og kemur þér í raun ekki við.
Einnig vil ég taka fram að hinn margrómaði Lambkáli er full sáttur við sína nafngift hér á síðunni og menn geta andað rólega yfir því. Í staðinn kallar hann mig Kókos þannig að nokkuð jafnt er á með okkur komið.
Óli Njáll  16:20| link

Massi 2001
Já, nú fór project massi 2001 í nýjar hæðir. Í fyrsta lagi þá er ég farinn að léttast auk þess að styrkjast sem hlýtur að teljast hinn fullkomni árangur. En maður vill alltaf meira og er til að leggja þó nokkuð á sig. Ég fór því í heilsuhúsið áðan og keypti mér sólkjarnafræ. Þetta þykir víst magnað hollt og nú mun ég varla borða annað en nokkurs konar skyrhræring sem mun samanstanda af skyri og sólkjarnagraut. Sólkjarnar kosta 237 krónur í heilsuhúsinu.
Óli Njáll  16:16| link

VInir múrsins
Merkilegt hvað Múrverjar eru hrifnir af þeim Stefáni Hrafn Hagalín og Ara Skúlasyni þessa dagana. Ég legg til að stofnaður verði klúbburinn Vinir Múrsins, með þessa tvo sem heiðursfélaga.
Óli Njáll  13:11| link

15
Það er víst fimmtándi í dag. Það þýðir skattadagur. Maður borgar náttúrulega sín gjöld á síðasta degi. Annað væri tóm steypa. En semsagt þá er þetta ekki góður dagur. Sérstaklega ekki þegar útldnir hafnfirskir mykjudreifarar gefa manni nýtt netfang og ég er ekki í stuði fyrir brandara. Ég er satt að segja bara ekkert í voðalega góðu skapi þessa stundina en það lagast vonandi eftir því sem líður á daginn.
Óli Njáll  09:40| link ------------------

14.11.01

Lífið er...
...kjötbollur. Nei, ekki alveg en samt sem áður voru kjötbollur í matinn áðan. Nú væri freistandi að koma með nokkur brot úr sögu kjötbolla á Íslandi en sökum sagnfræðilegrar vanþekkingar minnar þá neyðist ég til að sleppa því í bili. En, bíðið spennt. Einhvern tímann mun ég fletta ofan af kjötbolluspillingunni sem skekur íslenskt samfélag.
Óli Njáll  19:48| link

lúlla smá
Var að vakna. Það er hressandi að leggja sig aðeins yfir daginn enda vaknaði ég fyrir klukkan átta í morgun til þess að fara að skutlast með auglýsingar út um allan bæ. Ég er samt smáþreyttur ennþá.
Óli Njáll  17:13| link

Er lífið hringur
Satt að segja er ég farinn að hallast að því. Allavega hendist maður fram og til baka frá 40 upp í 350 gráður og til baka með ógnarhraða án þess að ráða neitt við neitt.
Annars fór ég á 2001 í gær. En hvað það er leiðinleg mynd, sama þó að menn röfli um einhverja kvikmyndalega snilld þá er þessi mynd bara kjaftæði. Hvað var málið með apana? Já, ég bara spyr.
Óli Njáll  14:33| link ------------------

13.11.01

Hvílík viðbrögð
Viðbrögðin við saltfiskpistlinum hafa ekki látið á sér standa. Nú virðist sem flestir lesendur þessarar síðu séu forfallnir saltfiskneytendur og borði hann lágmark 3 sinnum í viku. Fjölmargir hafa einnig óskað eftir meiri upplýsingum um saltfiskverkun á Íslandi. Ég á enn eftir að ákveða mig en það kæmi nú ekkert á óvart þó ég myndi lauma inn nokkrum pistlum um saltfisk á Íslandi, fyrr og nú. Að lokum vil ég taka fram að saltfisk á að borða með kartöflum og smjöri og með því á að bera fram rúgbrauð. Vínsmakkari síðunnar mælir með súrsunarmysu og munngát með þessum þjóðarrétti.
Óli Njáll  20:53| link

Lífið er...
...saltfiskur. Nei, kanski ekki alveg en samt sem áður er saltfiskur í kvöldmat. Þess má einmitt geta að saltfiskverkun á Íslandi fór fyrst í gang fyrir alvöru upp úr miðri 18. öld með tilkomu almenna verslunarfélagsins sem höfðu viðskiptasambönd við Miðjarðarhafið sem tryggði Íslendingum ódýrt salt. Áður hafði salt verið flutt inn frá Þýskalandi og var dýr vara. Með tilkomu aukinnar saltfiskverkunar dró svo smátt og smátt úr skreiðarvinnslu hér á landi.
Óli Njáll  18:23| link

Guðspjallið skrifaði
guðspjallamaðurinn Osama.
Óli Njáll  18:20| link

Herre gud
Var að koma úr tveggja tíma stífum fyrirlestri um einokunarverslun. Sem betur fer er hann búinn.
Óli Njáll  15:11| link

Helvítis ryksugur
Djöfull er leiðinlegt að ryksuga bílinn sinn. En það er búið og gert. Nú er hann hreinn og fallegur þessi elska. Þess má geta að bíllinn minn ber nafnið Jörgen 2. og er hefur viðurnefnið Daddi.
Óli Njáll  14:05| link

Upptjúnnaður
Ég er alveg ofvirkur í dag. Þarf að þrífa bílinn minn og moka út úr honum. Mig langar ekkert til þess, það er fátt sem ég hata meira en bílahreingerningar. En á máli hagfræðinnar er þetta víst fórnarkostnaður.
Óli Njáll  09:05| link ------------------

12.11.01

Snemma
Ég ætla snemma að sofa í kvöld. Bara rétt bráðum. Kanski maður gluggi aðeins í hið skemmtilega áróðursrit "Moskvulínuna" sem ég byrjaði á í gær.
Óli Njáll  22:43| link

Ha
Fréttir herma að einhver flugvél hafi hrapað. Hvað með það. Lífið heldur áfram og ég hef mikilvægari hlutum að sinna.
Óli Njáll  21:57| link

Óréttlæti og réttlæti
Eitt helsta óréttlæti heimsins er án efa það að sódavatn kostar jafn mikið og gos út í búð. Það er sérstaklega áhugavert með tilliti til þess að sótavatn kostar í bíó aðeins brot af verði kóks. Gagnvart heilsuboltum eins og mér er þetta náttúrulega fáránleg ósanngirni að maður þurfi að fara í bíó til að fá sódavatn á sanngjörnu verði. Að lokum vil ég leggja til að aðgangseyrir í bíóborgina verði tvískiptur eftir því hvort myndin er í Sal 1 eða annaðhvort 2 eða 3. Það er ekki bíótjald í sölum 2 og 3 heldur venjulegt heimilissjónvarp.Það á að kosta 150 krónur í þá sali. Takk fyrir og lifið heil.
Óli Njáll  21:56| link

Atkvæðagreiðslu lokið
Já hann Tomas sigraði aftur í baráttu bræðranna og því bæði hinn aumari og hinn kerlingalegri Jónassonur!!!! Þess má einnig geta að aðeins eitt atkvæði skildi bræðurna að í þessari hatrömmu baráttu.
Óli Njáll  21:52| link

Fyrsta blogg vikunnar
Já það er hér. Til hamingju með það. Var áðan í viðtali dauðans og var bara uppgefinn eftir það. En góð púlæfing í ræktinni getur ávallt hresst mann við og er ég eiturhress þessa stundina. Og hvar skildi ég vera? Jú,jú á bókhlöðunni. Gaman, það. Spurning dagsins: Hvor er hinn kerlingalegri Jónassonur?
Óli Njáll  11:40| link ------------------

11.11.01

Atkvæði
Atkvæðagreiðslu er lokið. Tommi er hinn aumari Jónassonur með öllum greiddum atkvæðum. En á morgun verður önnur skemmtileg spurning dagsins. Þangað til vantar mig enn góðar hugmyndir að hugljúfri bíómynd. Að lokum vil ég taka fram að kjúlli er langflottastur.
Óli Njáll  20:52| link

Spurning dagsins
Hver er hinn aumari Jónassonur??

Svör óskast send á oni@hi.is
Óli Njáll  15:41| link

Basket
Djöfull er ég góður í körfubolta. Tók einmitt Lambkála næstum því í nefið áðan. Tapaði baqr 30-10 eða eitthvað ámóta. Ekki að marka að dvergurinn er aðeins 20 cm stærri en ég og auk þess búinn að mæta á þúsund sinnum fleiri körfuboltaæfingar en ég. Ekki erfitt þar sem körfuboltaferill minn entist í 3 vikur á sínum tíma. En ég er alger náttúrutaalent í þessari íþrótt:) Næst þá mun ég salta hann.
Óli Njáll  15:39| link

Sunnudagur
Hafið þið áttað ykkur á því að í dag er sunnudagur. Það þýðir að næsta vika byrjar á morgun. Það er mjög skemmtileg staðreynd. Véfréttin spáir góðri viku framundan.
Óli Njáll  11:25| link ------------------