10.11.01

Gaui kóngur
Gaui kóngur að gera góða hluti núna. Ætli gengið á Stoke sé ekki farið að nálgast ca. 0,1 :)
Annars er spurning dagsins þessi: Hvort er breskt eða rússneskt kvenfólk fallegra?????
Óli Njáll  18:19| link

Ekkert að gera
Hér er allt ofurrólegt og þægilegt. Eiginlega bara hálf leiðinlegt. Ég vil hafa eitthvað að gera í vinnunni.
Óli Njáll  09:45| link

Vaknaður
Vaknaður og mættur í vinnu fyrir hálftíma síðan. Hér hefur ekki enn komið nokkur bíll og ég bara búinn að taka allt til á lagernum og undirbúa daginn. Nota því tímann núna til að skoða nauðsynlegustu síður og blogga í ca. 5-10 mínútur þangað til Myllan eða ámóta löðurmenni fara að raska ró minni. Ég fór á frábæra mynd í gærkveldi. Requiem for a dream. Fjórar stjörnur þar takk fyrir. Mikil sýra og mjög mögnuð mynd. Annars ætla ég í bíó fljótlega aftur. Þeir sem vilja mæla með mynd fyrir mig mega senda mér póst. En það verður að vera góð mynd. (Lambkáli, engann princess diaries húmor núna).
Óli Njáll  07:41| link ------------------

9.11.01

Skemmtilegt
Óvenju hlýtt hefur verið í veðri í dag miðað við árstíma, sérstaklega á Austfjörðum. Hitinn fór í 16°C á Seyðisfirði klukkan þrjú í dag. Þá var 14°C hiti á Reyðarfirði og 13°C í Neskaupstað. Í Reykjavík fór hitinn í 10°C, 11°C á Akureyri og 12°C í Bolungarvík. Spáð er kólnandi veðri á morgun.


Svona fréttir eru alltaf jafn skemmtilegar.

heimild: mbl.is
Óli Njáll  21:29| link

meira aðferðadæmi
Már leggur til að nemendur hjálpist að við tæknihliðina á þessum verkefnum. Ef þú lesandi góður ert ein af þremur fallegum stelpum í aðferðakúrsinum þá skal ég glaður aðstoða þig við þetta verkefni, enda er ég tölvugúru af bestu gerð:) Ef ekki þá máttu bara falla mín vegna. Kynjahlutfallið er alls ekki jákvætt í þessum árgangi og hlutfall fallegs kvenfólks enn verra, nauðsyn að bæta það.
Óli Njáll  21:09| link

Mr. nice guy
Már Jónsson er tvímælalaust að tryggja sér þann titil held ég. Nú er maðurinn búinn að lengja skilafrest á ritdómaverkefninu til 20 nóvember af því einhverjiri mhingar kunna ekki á tölvur. En ég ætla ekki að kvarta. Ég fékk fínan frest á handritaverkefnið mitt á sínum tíma þannig að ég er sáttur. Þeir sem vilja lesa stórskemmtilega ritdóma eftir mig er bent á hina heimasíðuna mína,(þá ofurkúluðustu síðu í geymi) en hún er hér.
Óli Njáll  21:06| link

Árnagarður
Hæ hó. Ég er staddur í Árnagarði og í kringum mig er að vanda fullt af illa klæddu fólki. Fatasmekkur Árnagarðs er alger falleinkunn.Hér er ég voða duglegur að gera verkefnið mitt og er reyndar búinn með það. Hvað með það, ég er bara röflandi á skemmtilegu föstudagskveldi. Stefnan er aldrei þessu vant sett á bíó á einhverja mynd sem ég hef ekki hugmynd um hvað heitir. Ég treysti bara hinum mikla kvikmyndamógul Halli Erni Jónssyni, sem nota bene er besti gagnrýnandi í geymi. Hallur er líka formaður félags dvergvaxinna laganema og gengur undir viðurnefnum eins og Lambkáli og Satansgeitin. Ég á síðan að mæta í vinnuna klukkan 7 í fyrramálið. Ekki skemmtileg staðreynd það. Gott samt að ég er búinn klukkan 12 og get þá farið í ræktina að halda áfram með project Massi 2001 sem gengur flott. Á mánudaginn hef ég hugsað mér að hafa max dag í bekkpressu og sjá hvort ég er ennþá alger eymingi eður ei. Annars þyrfti ég eiginlega að fara í bæinn annaðhvort í kvöld eða morgun. Málið er að ég gleymdi treflinum mínum um daginn annaðhvort á Kaffi Reykjavík eða Ara í Ögri.(magnaðir staðir sem ég stunda:)) Þeir sem vilja kíkja með mér sendið mér póst en einungis fyrstu 5 koma til greina.
Óli Njáll  20:52| link

Velkomin
Hér er mitt fyrsta blogg af minni nýju ferðatölvunni minni. Þetta er alveg magnað tæki. IBM rúlar.
Óli Njáll  19:32| link

Meiri Tyrki
Nú er meira en mánuður liðinn frá síðasta tyrkjapistli Múrsins. Ég er að sjálfsögðu búinn að senda inn formleg mótmæli. Margra pista bálkur um örnefni hljómar ekkert alltof vel í mínum eyrum.
Óli Njáll  17:23| link

Mikil gleði
Já, ég er í góðu skapi þessa dagana. Í tilefni af því þá hef ég ákveðið að breyta tenglasafninu mínu og skella hinni aumu kvikmyndasíðu jónassonbræðra aftur í tenglasafnið.(djö, þetta er ámóta hálfvitalegur pistill og sokkasafi og félagar skrifa).
En það fylgir böggull skammrifi(aldrei fattað þetta almennilega) Tommi missir í staðinn öll viðurnefni sín s.s. massi og hözzl. Sorry þau bara eiga ekki við lengur.
Af öðrum fréttum þá er ég búinn að kaupa mér ferðatölvu og fæ hana á eftir. IBM varð fyrir valinu eftir ráðfæringar við hunkinn Jón Birgi og Hinn auma Jónasson. Mig langar að senda Geir H. Haarde þakkir fyrir að gefa mér tölvuna á hálfvirði:)

ps. Ég fékk 9,1 í prófinu hjá Egga Be. Djöfull er ég snjall.
Óli Njáll  16:04| link ------------------

8.11.01

Riise
Magnað að hlusta á John Arne Riise tala. Hann talar frekar asnalega greyið. En við hverju er svo sem að búast, maðurinn er nú einu sinni Norðmaður.
Óli Njáll  11:12| link ------------------

7.11.01

Drasl
Tölvan heima var í tómu klúðri áðan þegar ég ætlaði að halda áfram með ritgerðina mína. Ég er því flúinn á bókhlöðuna og mig langar heim.
Óli Njáll  18:08| link

Lærabani
Mín læri eru dauð þessa stundina. En djöfull var tekið á því í ræktinni áðan. Því hef ég ákveðið að Tómas Jónasson missir hér með viðurnefnið massi þar sem ég er á góðri leið með að rústa honum.
Óli Njáll  13:51| link

Inngangur
Ég sé ekki betur en inngangurinn að minni mögnuðu ritgerð sé bara tilbúinn. Einnig er titillinn næstum kominn á hreint "Samfélag á sóttarsæng"
Óli Njáll  10:52| link

Dauði og djöfull
Hrikalegt að vakna í morgun. Ætlaði að vakna klukkan 7 en það tókst svo sannarlega ekki. Hálf níu varð niðurstaðan. Til hamingju ég með að geta ekki vaknað á réttum tíma.
Óli Njáll  09:56| link ------------------

6.11.01

Sjálfhverfa dauðans
Áðan kláraði ég verkefni í aðferðum fyrir hann Má Jónsson, tölvu- og sögunörd með meiru, verkfefnið fólst í því að skrifa ritdóm um a) mjög vandaða sögusíðu og b)mjög vandaða mynda eða textasíðu. Ég ætla nú bara að leyfa lesendum mínum að giska hvaða síða varð fyrir valinu í verkefni b :)
Óli Njáll  20:06| link

Útrás
"Vilt ekki verða litla leikfangið mitt, ég lofa að bíta laust í sælgætið þitt" En hvað þetta lag er skelfilega lélegt og sérstaklega textinn. Hljómsveitin Buttercup hljómar bara vel í samanburði við þetta.
Óli Njáll  18:38| link

Kanabis
Ó nei. Kanski strumpurinn reyki of mikið af því sjálfur fyrst hann neitar að horfast í augu við sannleikann.
Óli Njáll  15:45| link

ccm
Fór á Captein Corellis mandolin í gær. Sú mynd er ekki mjög góð. Eiginlega meðalmenska dauðans með skelfilega klisjukenndum endi.
Óli Njáll  11:34| link

Náttúran
Þessi maður hér og þessi hér eru víst síamstvíburar. Já, lífið er fullt af skemmtilegum uppákomum.
Óli Njáll  09:46| link ------------------

5.11.01

Síðasta hálmstráið
eða öllu heldur síðasta gatið á beltinu mínu. Ég er nefnilega farin að nálgast þau vandræði að þurfa að bæta við götum á beltið mitt. Mér finnst það bara í fína lagi. Annars er ég búinn að vera óheyrilega duglegur í dag. Er t.d. búinn með handbókaverkefnið sem ég á að skila í næstu viku.
Óli Njáll  19:51| link

Jón
Grein Jóns Ólafs Ísbergs "Sóttir og samfélag" er búin að vera skemmtun mín hér á hlöðunni í morgun. Ansi skemmtileg grein sem birtist í Sögu 96. En nú er henni lokið og því á ég aðeins eftir að stúdera eina heimild fyrir mína mögnuðu ritgerð. Gaman, gaman. Nú fer ég bráðum að skrifa. Þá eykst gleðin bara.
Óli Njáll  10:45| link ------------------

4.11.01

Kenning
Ég er með þá kenningu að hörðustu púrítananir séu jafnframt mestu pervertarnir. Það sama á við um hafnfirska siðapostula sem geyma klámlínunúmer í gsmsímanum sínum.
Óli Njáll  21:18| link

Snitzel
Nei, ekki Heimir heldur bara gamaldags vínarsnitzel. Frábær matur, með spælegg, lauk og kartöflum. Mikil snigld þar á ferðinni.
Óli Njáll  21:15| link

Jamm
Um hvað skildi þessi pistill snúast um. Jú mikið rétt, fótbolta. Nú er um hálftími liðinn frá því að man.utd. var kjöldregið og endaþarmsþjappað á Anfield Road 3-1. Hafi einhver efast um að Michael Owen væri bestur þá hlýtur sá hinn sami að hafa séð ljósið áðan. Og hvílíkt mark hjá rauðhærða norðmanninum Riise. David Beckham er bara ullarmígur miðað við þessar aukaspyrnu. En annars var þetta nú ekkert voðalega merkilegur sigur. MU er bara miðlungslið og ég hreinlega man ekki hvenær við töpuðum síðast fyrir þessum aulum.
Óli Njáll  14:02| link ------------------