8.9.01

Boltabulla
Já, það er ég svo sannarlega. Ég er hundfúll yfir því að Liverpool vs. Aston Villa skuli ekki vera sýndur á einni einustu stöð þannig að maður getur ekki einu sinni skroppið í Ölver að horfa á dýrðina. Ég hef nefnilega trú á að Fowler og Owen(ef hann verður með, það væri mjög sniðugt að hvíla hann núna í einn leik) muni jarða Villa menn með miklum tilþrifum. En í staðinn mun maður kanski horfa á Arsenal vs. Chelsea með öðru auganu milli þess sem maður lullast í gegnum kenslubækur.
Óli Njáll  13:28| link

Haukur
Haukur Eggertsson, Haukur Eggertsson, Haukur Eggertsson. Ég endurtek þetta bara eins oft og ég vil enda er það aulaháttur hinn mesti að vilja ekki setja eigið nafn við þær skoðanir sem menn hafa hátíðlega lýst yfir í viðurvist vitna. Auk þess verður Þórir áfram kallaður Þórir þjófur á þessari síðu enda á hann þá nafnbót skilið.
Óli Njáll  02:33| link ------------------

7.9.01

Stuldur
Þórir þjófur ritar grein á hamstur og linkar að sjálfsögðu á hana á heimasíðu sinni eins og alla aðra hluti í geimi. Í þessari grein röflar Þórir um kynjaskiptingu í íþróttum og dirfist að setja nafnið sitt undir þessa grein þó hann minnist reyndar á að hluti af þessu sé tekinn upp úr samtali við einhvern mann. Hið sanna er nú það að Tóti þjófur á ekki stafkrók af þessum skoðunum heldur er þetta algerlega orðrétt haft eftir Hauki Eggertssyni verkfræðingi hjá Þyrpingu hf. Ég fordæmi slíkan stuld og lýsi enn og aftur yfir fæð minni á hamstri.is. (Og þeir fá engann link hér)
Óli Njáll  20:01| link

Eggi Be
Ég held þá áfram að rita háskóladagbókina mína. Í morgun var sumsé fyrirlestur hjá Egga Be sem kennir ritgerðarsmíð í Aðferðarkúrsinum. Þetta er án efa sá kúrs sem er mikilvægastur en guð má vita að hann er ekki skemmtilegur. Að hlusta á fyrirlestur af blaði um heimildaskrár og tilvitnanir ásamt ræðu um mikilvægi þess að fara rétt með heimildir samræmist ekki mínum hugmyndum um skemmtiefni snemma á föstudagsmorgni.
Annars er Eggi Be nokkuð skondið fyrirbæri. Maðurinn er nefnilega það sem myndi kallast frumheimild um hippatímann en maðurinn hefur haldist óbreyttur síðan með sítt hár og skegg. World peace.
Óli Njáll  11:50| link

Enginn viðbrögð
Ég hef enginn viðbrögð fengið við pistli mínum "Burtu með svikarann" ennþá. Ég gleðst yfir því og túlka það sem svo að allir sem enn voru vaðandi í villu og svíma hafi séð ljósið.
Óli Njáll  11:45| link ------------------

6.9.01

Burtu með svikarann
Já, ég meina Atla Eðvaldsson. 3 marka tap gegn Norður Írum er algerlega ósættanlegt enda erum við að tala um lið sem gerði jafntefli við Möltu. Mannskapurinn er fyrir hendi hjá Íslendingum og hefur aldrei verið betri. Þjálfarinn er bara lélegur. Nú munu sennilega einhverjar taugaveiklaðar kerlingar mótmæla þessu og segja hversu stórkostlegt afrek það var að vinna tékka einum fleiri hér um daginn. Ég míg á slík rök enda ansi slöpp. Í fyrsta lagi voru tékkar 10 inná allan seinni hálfleik. Í öðru lagi, og það mun mikilvægara atriði, í lið tékka vantaði bæði Patrik Berger og Vladimir Smicer sem á undanförnum árum hafa verið burðarásar þessa liðs og auk þess að vera frábærir á miðjunni hjá liðinu þá hafa þeir skorað drjúgan hluta af mörkum liðsins og lagt annað eins upp. Fyrir tékka að vera án þeirra jafnast á við að frakkar væru án Zizu og Viera.
Jafntefli Guðjóns Þórðarsonar við Frakka var mun meira afrek en sigur á tékkum. Bæði út af fyrrgreindum ástæðum og einnig eru frakkar einfaldlega mun heilsteyptara lið og betra en tékkar, enda eru það frakkar sem eru heims og evrópumeistarar en ekki Tékkland. Einnig eru íslendingar með betri leikmannahóp núna en þegar Gaui var við stjórnvöldin. Eiður Smári er orðinn heimsklassa maður og Hermann orðinn einn besti varnarmaður ensku deildarinnar, einnig er Árni Gautur orðinn mjög góður markmaður og mun betri en Birkir var nokkurn tímann. Gaui rúlar og Atli sýgur svo einfalt er það.
Óli Njáll  23:44| link

Guð er til
Bara að minna menn á það að Robbie Fowler skoraði glæsimark í gær. Hann rúlar og Owen með honum.
Óli Njáll  21:44| link

Djúpur skítur
Í einum hlut er ég ekki að standa mig þessa dagana og búinn að trassa frá því um síðustu helgi. Ætli maður bæti ekki úr því þegar maður kemur heim á morgun úr skólanum.Lengi lifi Tobin.
Óli Njáll  21:40| link

Dagur í ríki Árna konungs
Jæja, þá er Árnagarður farinn að venjast enda er ég aldrei í öðru húsi í háskólanum. Þetta er ágætis pleis, vinalegt og gott. Í dag var bara einn tími, klukkan 13, þannig að ég svaf til hádegis. Það var gott. En þess tími var tími dauðans. Már lét okkur lesa einhvern handritatexta frá sautjánhundruð og súrkál og guð veit að maður skildi ekki staf í flestum þessara handrita. Síðan lýsti hann því hátíðlega yfir að í næstu viku verður skyndipróf í handritalestri. Jibbí.
Óli Njáll  17:46| link ------------------

4.9.01

Pulsa
Mig hungrar í pulsu, eina vandamálið er að hér eru engar pulsur til. Í þannig tilfellum eru 3 ráð en aðeins 2 þeirra góð. Í fyrsta lagi er hægt að sleppa því að fá sér pulsu, sem hlýtur að teljast slæmur kostur. Í annan stað er það Selectpulsa með kartöflusallati og hálfri flösku af sterku sinnepi. Helsti kostur þess er sá að það tekur mig 2 mínútur að komast þangað. Í þriðja og síðasta lagi er það Bæjarins Beztu en sá staður býður tvímælalaust upp á bestu pulsur í geimi. Sá annmarki er þó á þessu að hann er staddur í nepjunni niðri í miðbæ og þangað nenni ég ekki.

Já, lífið er auðvelt fyrir þá sem borða ekki pulsur.
Óli Njáll  17:01| link

Nú bólar
Já, loksins bólaði á mínum ástkæru tyrkjum eftir langt hlé, nánar tiltekið slétta 2 mánuði. Ég er alveg afskaplega glaður með nýjasta pistilinn sem er sá 8. í röðinni. Takk fyrir, Sverrir.
Óli Njáll  16:57| link

Þjóðarhlaðan, ekki meir
Annar dagur minn í HÍ og ég held áfram að skoða umhverfið. Í morgun var það Þjóðarfjósið þar sem stefnan var sett á að lesa Sverrissögu fram að tíma klukkan 13:15. Eftir 10 kafla fékk ég þó nóg og hélt heim á leið.Þetta er leiðindapleis, vondir stólar, vont loftslag og allt eitthvað bara óaðlaðandi. Reyndar er ég einn af þeim sem aldrei hef getað lært á bókasöfnum og það virðist ekkert vera að eldast af mér. Ég les bara heima áfram.
Óli Njáll  12:57| link ------------------

3.9.01

Þættir af gömlu fólki og misfríðu kvenfólki
Svona gæti titill góðrar bókar um fyrsta dag minn í heimspekideild hljómað. Þetta var nefnilega ansi merkilegur dagur. Ég er sumsé búinn að fara í 2 fög. Í fyrsta lagi Sagnaritun 1 hjá Dr. Áma J. sem er greinilega bara snilld þó að lesefnið sé alveg gersamlega alltof mikið og í öðru lagi var það Aðferðir hjá Önnu og Eggert sem eru líka töluverð snilld. Í þeim tímum er reyndar ein alveg gersamlega óþolandi og heimsk gömul kerling sem fer afskaplega í taugarnar á mér. Hún röflar óendanlega og skilur ekki stakt orð af því sem kennarinn segir. Mér finnst einmitt alltof mikið af gömlu fólki þarna, kanski er ég bara sjálfur gamall.
Óli Njáll  16:03| link ------------------