31.8.01

Póstur
Ég er kominn með nýtt netfang. oni@hi.is. Öllum er að sjálfsögðu frjálst að senda mér póst þangað og líka á minn gamla góða hotmail en þeir sem vilja skrá mig á einhverja hommapóstlista og þess háttar er vinsamlegast bent á iaflyg@if.is
Óli Njáll  20:54| link

Herre gud
Ég er með þennan frasa á heilanum núna.
Óli Njáll  20:52| link

Tyrkir
Enn bólar lítið á tyrkjunum.
Óli Njáll  20:52| link

HÍ
Það var kynningarfundur í morgun, alveg afskaplega langdreginn og leiðinlegur enda var meistari leiðinlegheitanna, Páll Skúlason, á mælendaskrá. Einnig sá maður nokkra kennara og herre gud, þeir virka flestir stórskrítnir. Einnig er sorglegt hversu margir í sagnfræðinni líta út eins og mhingar en það er einmitt versta fólk í geimi og hana nú.
Óli Njáll  14:07| link

31.ágúst
Já, hann er í dag. Sættið ykkur við það að sumarið er búið á morgun.
Óli Njáll  01:32| link

Alveg týndur
Ég leit í spegil og þekkti ekki sjálfan mig. Eftir nokkra mánuði án klippingar var farið til gamla rakarans míns, hans Björgvins, sem nú er kominn í Suðurver, og rifið ærlega af lubbanum. Ég kom sjálfum mér einnig á óvart og nennti að raka mig. Eg er því bara næstum því hræddur við þennan haus sem ég sé í speglinum.
Óli Njáll  01:31| link ------------------

30.8.01

Sítt að aftan
Ó, nei. Á eftir mun ég ráðast inn í einhvað hárklippihús og láta sópa á mér kollinn og kominn tími til. Ef ég væri smekklegur maður þá myndi ég raka mig líka, en ekki gera of miklar kröfur til mín í einu.
Óli Njáll  16:11| link

Í dag
Í dag er fimmtudagur.


Þessi yfirlýsing er í boði Þóris Hrafns Gunnarssonar sem veit hverju hann var búinn að lofa fyrir daginn í dag.
Óli Njáll  16:09| link ------------------

29.8.01

Áiiiii
Þetta er vont. Fór í fótbolta í gær í 2 klukkutíma sem var greinilega aðeins of langt. Nú er ég að drepast í ökklum og kálfum og er Jón talinn eiga stóran þátt í því fyrir svínslega tæklingu auk eigin ofreynslu. Annars má segja að ég hafi farið hamförum sólaði hvern manninn á fætur öðrum sendi hörkusendingar hvað eftir annað og skaut oftar í markvörðinn og framhjá en ég hef tölu á. Reyndar skoraði ég gullfallegt mark þegar ég skrúfaði aukaspyrnu alveg út við stöng að hætti Gary MacAllister sjálfs.


Nú hef ég ákveðið að lýsa því yfir að ég sé ekki lengur feitur en ég komst að því úm helgina að ég passa í Hugo jakkafötin mín aftur eftir ca 1 og 1/2 árs hlé. En ég er hvergi nærri hættur. Næsta markmið er að komast undir 80 kílóin.
Óli Njáll  03:15| link ------------------

28.8.01

Þórir
Þórir virðist vera týndur þessa dagana og neitar að svara tölvupósti. Það er ekki sniðugt.
Óli Njáll  14:29| link

Aðföng
Ég hata Aðföng sem geta ekki gert einn hlut af viti og kosta mig tíma en gömul formúla segir einmitt tími=peningar þannig að ég er að tapa peningum á þessum hálfvitum:(
Óli Njáll  14:28| link

Tap
Liverpool tapaði í gær fyrir Bolton á skelfilegan hátt og átti það fyllilega skilið miðað við frammistöðu sína í leiknum. Okkur vantar tvímælalaust nýjan markmann og einn góðan miðjumann.
Óli Njáll  14:27| link ------------------

27.8.01

Týndir Tyrkir
Sverrir Jakobsson er ekki að meika það þessa dagana í mínum huga. Síðasta tyrkjagrein birtist á múrnum þann 4. júlí síðastliðinn og því eru farnir að verða tveir mánuðir síðan. Það er alls ekki ásættanlegt.
Óli Njáll  07:21| link

Hrikalegt
Það er skelfilegt að ferill Hermanns Meiers skuli vera á enda eftir hrikalegt móterhjólaslys um helgina. Mér verður hugsað til allrar þeirrar vinnu sem ég er búinn að leggja í það að kenna nokkrum krakkabjálfum að muna þetta nafn. Nú þarf ég að leggja sennilega enn meiri vinnu í að berja ný skíðakappanöfn inn í sömu hausa:( Guð veit að það var nógu erftitt að fá þessa antisportista til að muna þetta eina nafn.
Óli Njáll  05:11| link

Siggi P
Sigurður Pétursson heitir maður, sonur Péturs Sigurðssonar og Sigurður þessi er einmitt fyrrum sögukennari minn. (Reyndar er sögukunnátta Sigga afskaplega takmörkuð þrátt fyrir cand.mag próf en á móti kemur að þessi maður er mesti öðlingur og prýðisnáungi.) Og nú er Siggi p. farinn að skrifa á kreml.is enda samfylkingarsinni. Mér finnst það reyndar afskaplega fyndið þar sem Siggi er rúmlega fertugur, fæddur 58 og hlýtur þar með að vera langelsti maðurinn sem skrifar á svona ungliðavefrit. En sennilega leiðist honum bara á Ísafirði og ég lái honum það ekki.
Óli Njáll  02:53| link ------------------