29.6.01

Maður vikunnar
Maður vikunnar er að sjálfsögðu hinn skeleggi knattspyrnudómari frá Stokkseyri, sem dæmir fyrir Þrótt, Garðar Örn Hinriksson. Garðar þessi stóð sig einmitt eins og hetja á krvellinum í gær og veifaði þar spjöldum hægri vinstri og sýndi mönnum hver fer með valdið inni á vellinum. Mér finnst það allt í lagi þó að leikmenn sem væli í dómörum fái spjöld og sama þótt þeir séu þrír í einu. Mér finnst miklu réttlátara að spjalda þá alla fyrir röfl heldur en að sigta einhvern einn út. Menn eiga bara að læra að halda kjafti við dómarann. Einnig er virðingarvert hjá Garðari að hann er oftast nær samkvæmur sjálfum sér, hann lætur menn ekkert komast upp með neitt röfl enda er þetta ekki í fyrsta skipti sem menn verða fúlir vegna spjaldagleði hans. Hann fer með þetta sama mottó í alla leiki og eru fjórir Leiftursmenn til vitnis um það.
Annars er Garðar þessi gamall vinnufélagi minn úr Hagkaupi í Grafarvogi, ágætis náungi þó léttruglaður sé.
Óli Njáll  12:15| link

Fjölmenningin blessuð
Að undanförnu hefur eitt verið að vefjast svolítið fyrir mér, það er hin svokallaða fjölmenning og hvort Ísland eigi að verða þannig samfélag. Mér finnst þetta eitthvert mesta röfl sem ég hef lengi heyrt. Samkvæmt því sem mér skilst þá erum við ekki fjölmenningarlegt samfélag. Hvað erum við þá? Einmenningarlegt samfélag? Spyr sá sem ekki veit. Er hægt að tala um að við eigum einhverja eina menningu? Nei að sjálfsögðu ekki, menning okkar tvinnast að sjálfsögðu við menningu grannþjóða okkar auk þess sem áhrif frá framandi heimshlutum hafa einnig borist hingað. Við horfum á bandarískar kvikmyndir, iðkum austurlenskar bardagaíþróttir(sem af einhverjum ástæðum þykja skárri en hnefaleikar, sennilega vegna þess að í þeim austurlensku má líka sparka í menn), dönsum afríska dansa í kramhúsinu og lemjum suðurameríkumenn af því við höldum að þeir séu Tælendingar. Allt þvaður um fjölmenningu er því bara rugl og röfl hjá fólki sem hefur ekkert þarfara við tímann að gera. Einnig sé ég engann tilgang í því að hafa það að einhverri sérstöku markmiði að stefna að fjölmenningu(hvað sem það nú er). Við eigum bara að láta hlutina þróast í friði þó að vissulega eigum við ekki að hafa fordóma í garð útlendinga og erlendra menningaráhrifa sem hingað berast.
Óli Njáll  12:08| link ------------------

28.6.01

Sorg
Ég tek undir með Gústusi Desperatusi að Jack Lemmon var sniglingur. Blessuð sé minning hans. Þeir félagar gerðu margar fyndnustu Hollywood myndir síðustu aldar. En talandi um kvikmyndir þá vil ég mæla með öllum breskum myndum sem hægt er að finna á vídeóleigum. Bretar búa nefnilega til miklu betri myndir en kaninn.
Óli Njáll  19:49| link

Öruggar fréttir herma að byltingin sé á næsta leiti!!!!!
Óli Njáll  19:46| link

Gimp vikunnar
Ég hef ákveðið að velja gimp vikunnar í dag á fimmtudegi til heiðurs Þóri "Fimmtudegi" Gunnarssyni. Hann er þó ekki þess heiðurs aðnjótandi að vera gimp vikunnar. Gimp vikunnar hlýtur nefnilega að vera kr liðið í heild sinni sem hafa reyndar verið eins og aular í allt sumar og voru að lokum flengdir af fyrnasterkum hlíðarendapiltum og hefðu hæglega getað tapað enn stærra. Pési Pés hætti svo bara í kjölfarið. Honum er hér með boðið í heimsókn til að taka við verðlaunum fyrir hönd kr liðsins.
Óli Njáll  09:59| link ------------------

25.6.01

Valur-kr
Já þau mætast víst í kvöld í fallslag enda liðin í 7-8 sæti. Í ljósi þess hvernig valsmenn hafa spilað í síðustu 2 leikjum þá er ég skíthræddur um að tapa þessum leik. Ég geri mér þó vonir um jafntefli.
Að lokum tek ég fram að Gústus hefði alveg geta sleppt að taka þetta ofátspróf enda hefur þetta lengi verið vitað að Gústus á við sama vandamál að stríða og ég, ofát. Af hverju er þetta vandamál? Ekki vegna þess að menn fitni, það má altaf laga það, heldur vegna þess að það er svo skelfilega dýrt að borða svona mikið. Ég öfunda fólk sem getur farið á mcdonalds og orðið satt af einum hamborgara og litlum frönskum.
Óli Njáll  13:10| link ------------------