17.3.01

Ísland úr Nató og flugvöllinn burt
Óli Njáll  16:07| link

Undur og stórmerki
Já, Baldur bloggaði um flugvöllinn og í ljós kom að við erum á sömu skoðun um hann. Ég held að þetta hafi aldrei áður gerst með nokkuð annað mál. Já, ævintýrin enn gerast.
Óli Njáll  01:48| link ------------------

16.3.01

Ég er Mörður
Ég var að velta fyrir mér af hverju sumir nota alltaf skammstöfunina RU fyrir háskólann í Reykjavík í staðinn fyrir að nota gömlu góðu íslenskuna og hafa þetta HÍR(eða bara HR ef menn eru með svona hrikalega hommafóbíu). Og ég vil að Birta verði sungin á Íslensku, við skíttöpum hvort sem er.
Óli Njáll  19:39| link

Sjúkraflug
Það eru engin rök fyrir flugvelli í Vatnsmýrinni að það þurfi að vera hægt að lenda með sjúkraflugið í nálægð við spítalana. Þeir sem eru alvarlega slasaðir þ.e. í lífshættu eru fluttir með þyrlu beint á Borgarspítalann ekki með flugvél. Þeir sem eru fluttir í sjúkraflugi með flugvélum til borgarinnar eru ekki það mikið slasaðir að tíminn skipti öllu máli. Allavega kom þetta fram í máli einhvers læknis sem flutti ræðu hjá Samtökum um betri byggð um daginn.
Óli Njáll  09:09| link

Sigur
VIÐ UNNUM

2-0
Óli Njáll  01:42| link ------------------

15.3.01

Þökk sé Valdimari
Í þriðja bekk í Verzló varð ég þess heiðurs aðnjótandi að fá að njóta leiðsagnar Valdimars Hergeirssonar um undraheima hagfræðinnar. Eitt það fyrsta sem þessi fróði maður miðlaði til okkar fávísra nemandanna var lögmálið um framboð og eftirspurn. Í stuttu máli eftir því sem framboð er meira þá lækkar verð á vörunni og öfugt. Greinilegt er að hinn mæti drengur Ragnar Torfi hefur aldrei verið þeirrar gæfu aðnjótandi að njóta leiðsagnar Valdimars enda væri hann þá ekki að rembast eins og rjúpan við staurinn að afneita einföldum lögmálum hagfræðinnar. Ef við byggjum ca. 20000 manna byggð í vatnsmýrinni þá stóreykst framboð á íbúðarhúsnæði á höfuðborgarsvæðinu. Vissulega munu íbúðir í Vatnsmýrinni sjálfri vera nokkuð dýrar enda á besta stað í borginni en í staðinn mun verð í úthverfunum lækka. Um þetta er ekki hægt að deila nema menn eigi við andlega vanheilsu að stríða. Lægra íbúðaverð er tvímælalaust eitt helsta hagsmunamál allrar þjóðarinnar. Já, líka landsbyggðardurga eins og Ragnars. Lægra íbúðaverð þýðir nefnilega lækkun vísitölunnar og ég ætla að vera það frakkur að áætla að þetta sé nægilega einföld hagfræði fyrir hinn almenna Ragnar.
Aukin mengun. Er ekki allt í lagi heima hjá þér Ragnar minn. Hvort heldur þú að mengi meira, umferð vegna þessara örfáu hræða sem ferðast flugleiðis eða dagleg umferð ca. 20000 borgarbúa í og úr vinnu. Það munar ótrúlega miklu um það hvort að þetta fólk þarf að búa upp í Mosfellsbæ, sem er óumdeilanlega frekar hluti af landsbyggðinni heldur en Reykjavík, og keyra endalaust á hverjum degi eða hvort það getur þess vegna labbað í vinnuna. Að auki er þjóðhagslegur sparnaður vegna minni kostnaðar vegna umferðar óheyrilega mikill.
Nei, eru til hús í Keflavík. Já það eru hús og meira að segja Hótel í Keflavík, jafnvel veitingastaðir. Ég sé því ekki hvers vegna það er svona mikil nauðsyn fyrir Akureyringana hans Ragnars á leið til útlanda að koma við í Reykjavík á leið til Edinborgar. Þessi röksemdafærsla þín er því alveg út í hött kallinn minn. Ertu nokkuð í stjórnmálaskóla samfylkingarinnar?
Ragnar er fullviss um að allir hljóti að vera á leiðinni í miðbæinn vegna þess að þar séu verzlanir. Þetta bendir einungis til reynsluleysis Ragnars hvað varðar verzlunarferðir. Verzlun er smátt og smátt að færast burt úr miðbænum og á staði t.d. í Smáranum í Kópavogi. Að auki er óheyrilegur fjöldi fyrirtækja sem landsbyggðarfólk þarf að sækja þjónustu hjá staðsett utan hins hefðbundna miðbæjar. Sorgleg staðreynd Raggi litli en sættu þig við hana. Þessi samlíking við erlendar borgir á heldur ekki alveg við kallinn minn. Hún á vissulega við hvað varðar erlenda ferðamenn í borginni enda eiga þeir lítið erindi í úthverfin, en við vitum öll að innlendir og erlendir ferðamenn eru alls ekkert sami hluturinn.
Flugvélar lenda ekki í guðfræðitímum og útlendingar labba ekki um borð í fokker. Áhugaverðar fullyrðingar en að venju er röksemdafærslan ansi slöpp á bak við þær, reyndar ekki nein. Og hvað í andskotanum koma innanlandsferðir mínar útlendingum á leið til landsins við. Alls ekki neitt. Þetta er bara röfl í þér Raggi litli. Góða nótt og sofðu rótt.
Óli Njáll  23:51| link

LFC
Liverpool er þessa stundina víst að keppa á móti Porto og staðan ku vera 00. Vonandi að menn drífi sig í að skora og vinni þessa portúgala. Áfram Liverpool.

Ragnar Torfi verður tekinn fyrir seinna í kvöld.
Óli Njáll  20:34| link

Uppáhald allra
Verður maður ekki að skella inn einu bloggi um flugvöllinn núna. Ég vil hann burt og það er sko engin spurning. Best er að senda allt innanlandsflug til Keflavíkur. Reykvíkingar þurfa á þessu byggingarlandi að halda. Meira byggingarland=meira framboð á íbúðarhúsnæði=lægra verð=gott. Auk þess sem nauðsyn er að þétta byggðina á höfuðborgarsvæðinu þessi endalausa útþensla kostar miljarða í gatnakerfi og viðhald þeirra, aukinn kostnaður heimila vegna einkabíla og síðast en ekki síst meiri mengun. Að auki má benda á að þótt við höfum verið blessunarlega nokkuð laus við slys hjá flugvellinum þá er alltaf sú hætta á að einhver vél fari niður í lendingu eða í flugtaki og þá er betra að hafa völlinn í Keflavík. Það er skárra að vélin hrapi í hraunið heldur en lenda inni í miðjum guðfræðitíma í Háskólanum. Að hafa flugið á Keflavík mun heldur ekkert drepa innanlandsflugið, þeir sem halda slíku fram eru bara afturhaldsseggir sem vilja ekki breyta neinu því að völlurinn hefur alltaf verið inni í miðri borg. Það munar fólk ekki neitt að fara þennan spotta milli Reykjavíkur og Keflavíkur. Í því samhengi er oft bent á að það taki svo og svo langan tíma að komast frá Keflavík og niður í miðbæ. Ég þori að fullyrða að óheyrilega stór hluti flugfarþega er alls ekkert á leiðinni niður í miðbæ. Ef manneskja ætlar til dæmis frá Akureyri til Hafnarfjarðar þá tekur ekkert lengri tíma að lenda í Keflavík og keyra til Hafnarfjarðar heldur en lenda í Reykjavík og keyra til hafnarfjarðar. Að við tölum ekki um þann mikla fjölda fólks á landsbyggðinni sem er á leið til útlanda. Fyrir það er mun betra að fljúga til Keflavíkur í staðinn fyrir að þurfa að lenda í reykjavík og keyra til keflavíkur. Að sama skapi opnar þetta mikla möguleika fyrir ferðaþjónustu hér innanlands, það verður bara hægt að taka farþegana ferska úr flugleiðavélinni og skella honum upp í rellu á leið út á land. Eins og sést á þessari upptalningu þá eru óendanlegir kostir við það að hafa völlinn í keflavík. Kostir við það að hafa hann í Reykjavík eru aftur á móti teljandi á fingrum annarar handar.

Óli Njáll Ingólfsson

Óli Njáll  12:01| link

Varúð
Þeir sem eiga eftir að sjá myndina Hannibal eru hér með varaðir við síðunni hans Gústa þar sem er að finna nákvæma útlistingu á myndinni upp á ca. 44 blaðsíður, allavega alveg hrikalega langur pistill. Annars stóð myndin ekki undir væntingum og það eina sem heldur henni uppi er Hopkins flest allt annað í myndinni er af verri endanum. En þar sem Anthony Hopkins er einn af mínum guðum þá fær myndin 7 í einkunn. (Þar af á Hopkins 6,8)
Óli Njáll  04:07| link ------------------

14.3.01

Enn af kynjum
Kvennmenn virðast almennt ekki sáttir við þennan pistil minn um kynjafræðina. Aftur á móti virðist öllum karlmönnum standa á sama. Þetta kemur mér ekki á óvart. Enn hefur þó enginn getað bent mér á haldbær rök fyrir því að kenna þetta fag, eða með öðrum orðum vill einhver benda mér á eitthvað gagnlegt sem af þessu fagi sprettur! Ég vil þó taka fram að mér finnst ægilega gaman að fá lesendabréf
Óli Njáll  18:17| link

Ekki gott
Það virðist vera ávísun á það að fá hjartaáföll ef maður er forsætisráðherra og heitir Jón.
Óli Njáll  18:09| link

Kynjafræði
Ég get ekki annað en velt fyrir mér hvers vegna kennt er fag sem heitir kynjafræði í Háskólanum. Ég sé ekki alveg tilganginn. Hvað gerir kynjafræðingur. Auk þess sem eftir að hafa lesið námskeiðslýsingar sést að þetta er í raun útungunarstöð fyrir femínista og ætti mun frekar að heita kvenkynsfræði. Það kæmi mér ekki á óvart þó að hægt væri að finna allar þingkonur Samfylkingarinnar í þessu fagi. Hrein skelfingartilhugsun. Mér lýst ekkert á þetta. Aftur á móti lýst mér mjög vel á námskeiðið Sagnaritun 1 í íslensku, sem getur ekki verið annað en stórskemmtilegt.
Óli Njáll  09:46| link

Ó

M

A

R


Óli Njáll  08:59| link

Ég er hér staddur á algerum bömmer
Hvað varð um Valgeir stuðmann? Þessi maður var náttúrulega snilldin í sveitinni enda hafa lög þeirra verið ansi döpur eftir brotthvarf hans. Spurning dagsins er svo úr hvaða lagi fyrirsögnin hér að ofan er tekin?
Óli Njáll  08:57| link

Fréttir herma...
...að leiðtoga Öfgahægrimannafélags Íslands hafi hreinlega verið pakkað saman af vestfirskum trilluköllum í Ísafjarðarheimsókn sinni í síðustu viku :)
Óli Njáll  04:20| link ------------------

13.3.01

ÆÆÆ
Það er nokkuð ljóst að Magnús Kjartansson mun banka upp á hjá Fljúgaíhring á næstunni og handrukka hann. Helvítis glæpamenn allt saman.
Óli Njáll  00:55| link ------------------

12.3.01

Statement
Heimasíða þessi er eingöngu haldið úti í þeim tilgangi að friða huga undirritaðs og til að fá útrás til að tjá sig um undarlega hluti. Höfundi stendur nákvæmlega á sama um það hvort fólk skilur færslurnar eða ekki og lítur bara á það sem bónus ef einhver hefur áhuga á að lesa þær. Að lokum skal tekið fram að fjölföldun á efni síðunnar er með öllu óheimil. Ég elska STEF.
Óli Njáll  20:05| link

Status Quo...
...eru líka helvíti flottir. "Í hernum núna" er alveg frábært lag. Svo er skyr líka gott.
Óli Njáll  12:34| link

Kjartansgata 5...
...er flott hús.
Óli Njáll  07:40| link ------------------

11.3.01

SKÁL
Þessi fyrirsögn var í boði Ómars tannlæknis. Ekki gleyma Ómari tannlækni því Ómar tannlæknir er vinur litla mannsins(þe. Hr. Heineken)
Óli Njáll  21:50| link

Munið eftir títönunum
Mjög góð mynd. Við Sigga vorum einmitt í gær á henni ásamt u.þ.b. 10 öðrum bíógestum og skemmtum okkur mjög vel. Ég fíla svona vellumyndir. Einkunn 8,5
Óli Njáll  15:25| link ------------------