24.2.01

Rómarveldi féll...
...árið 476 og féll aftur á síðasta fimmtudag. En nú er AS Roma búið að heimta replay(endurspilun) á leiknum við Liverpool. Annað eins bull hef ég aldrei heyrt að menn geti heimtað replay út af einum dómi sem menn eru ósáttir við. Þeir höfðu 180 mínútur til að skora fleiri mörk en Liverpool og gerðu það ekki. Semsagt, þeir töpuðu og verða bara að bíta í það súra epli. Nú vona ég eindregið að Roma klúðri ítölsku deildinni líka enda þoli ég ekki vælukjóa.
Óli Njáll  12:45| link

Líka óumdeilanlegt
Bollur eru góðar.
Óli Njáll  12:42| link

Óumdeilanlegt
Já og það óumdeilanlega er það að kvennaskólinn í reykjavík er tvímælalaust heimskasti skóli sem nokkurn tímann hefur komist í sjónvarpið í Gettubetur. Hvernig það er hægt að tapa 28-14 í annari umferð og komast samt áfram í 8liða úrsltin og vera jafnlélegur þar skil ég ekki en kvennó tókst þetta í gær.
Óli Njáll  04:44| link ------------------

22.2.01

Á kúpunni
Ég átti leið í Skipholtið áðan á hina ágætu vídeóleigu JamesBönd. Þar keyrði ég framhjá valhöll, hreysi þeirra sjálfstæðismanna. Já, ég segi hreysi enda er það réttnefni. Þetta hús er að hrynja og alveg með ólíkindum að íhaldið skuli ekki laga það. Ástand hússins er flokknum ekki beint til sóma. En kanski er íhaldið bara að fara á hausinn. Ég held samt ekki.
Óli Njáll  18:39| link

Lambkáli
Óli Njáll  09:06| link

SARK
Samtök um aðskilnað ríkis og kirkju hljóta að vera mögnuð samtök. Ég vona það allavega
Óli Njáll  09:05| link

300000 krónur
Hvernig í skrambananum stendur á því að verðlauna stóðhestar eru aðeins metnir á 300000 krónur hjá skattinum. Ég efast stórlega um að Orri frá Þúfu sé aðeins trygður fyrir þá upphæð.
Óli Njáll  09:04| link ------------------

21.2.01

Nafnið Hvort er Sigvarður eða Eyjólfur Skæringur betra nafn á breiðnef?


Þú færð kraft úr kókómjólk
Óli Njáll  11:25| link

Gæludýr
Ætli það sé hægt að flytja eitt stykki breiðnef til landsins? Mig langar nefnilega í þannig skepnu, þær eru eflaust stórskemmtilegur félagsskapur.
Óli Njáll  04:25| link ------------------

20.2.01

Skattar
Ef að maður á eina hænu eldri en 6 mánaða skal hann telja hana fram sem 600 króna eign á skattskýrslu, kjúklingur er verðmetinn á 150 krónur. Ef einhver er svo heppinn að eiga gemling skal hann talinn fram sem 4500 króna eign. Ég hef einmitt þrjá slíka á mínum snærum sem ég hyggst ekki telja fram til skatts. Kanski verð ég kærður. Að lokum skal það tekið fram að geldneyti eru metin á 30000 krónur.
Óli Njáll  10:41| link

Snjór
Nú snjóar eins og hellt væri úr fötu
Óli Njáll  09:21| link

Kostelic
Í mogganum í dag er hægt að lesa að Jarinca Kostelic hafi sigrað 8 heimsbikarmót í svigi kvenna í röð sem sé merkilegur árangur. Mér finnst þetta vissulega merkilegt hjá þessari 19 ára gömlu stúlku frá Króatíu en merkilegra finnst mér fáfræði moggablaðamanna sem taka bara úrslit ársins í ár inn í þetta en málið er að Jarinca Kostelic sigraði einmitt í 2 síðustu mótum síðasta árs og mótin því orðin 10 í röð sem hún hefur sigrað. Já, nú lýgur mogginn.
Óli Njáll  09:18| link

Jahá
Allt þykir merkilegt hjá mbl.is. Nú var ég að renna yfir innlendar fréttir og ein sú helsta var sú að maingar hefðu opnað heimasíðu og fengið Blöndal til að opna hana. Já, það þarf ekki mikið til að komast í blöðin. Þess má geta að síðan sú fær ekki margar stjörnur hjá Sarúman heimasíðugagnrýnanda eða u.þ.b. 1 1/2 stjörnu. Hún er ljót.
Óli Njáll  06:24| link ------------------

19.2.01

Merkilegt
Það er merkilegt hvað hörðustu andvígismenn ríkisútvarpsins virðast nú notfæra sér þessa þjónustu ansi mikið allavega ef litið er á færslufjölda sumra hafnfirðinga á heimasíðu sinni sem fjalla um dagskrá rúv. Þessa merku heimasíðu er að finna hér.
Óli Njáll  12:25| link

Merkilegt
Það er merkilegt hvað hörðustu andvígismenn ríkisútvarpsins virðast nú notfæra sér þessa þjónustu ansi mikið allavega ef litið er á færslufjölda sumra hafnfirðinga á heimasíðu sinni sem fjalla um dagskrá rúv. Þessa merku heimasíðu er að finna hér.
Óli Njáll  12:24| link

Meira bull
En þó að andríkismenn séu bullarar þá helt ég að flugumferðarstjórar slái þá mjög auðveldlega út í bulli. Þegar stétt með meðaltekjur um hálfa miljón á mánuði vill fá 80% hækkun þá er ekki annað hægt að segja þeim að fara fjandans til og halda kjafti. Ég hef nákvæmlega enga samúð með slíkum hræætum og illfyglum. Mér finnst heldur ekkert voðalega gáfulegt að stefna flugumferðarstjórnun á Íslandi í voða með slíkri græðgi og frekju við erum að græða miljarða á þessari þjónustu. Þannig að ég hef ákveðið að ef ég rekst á flugumferðarstjóra í dag þá tek ég einn Einar á hann og lem hann í magann.
Óli Njáll  12:17| link

Hreint bull
Enn og aftur er ég ósammála Gu'stu Fuð'gehrung. Pistill dagsins á andríki er óheyrilega léleg tilraun til að vera fyndni og jafnvel ófyndnari heldur en þessi auma heimasíða mín. Hann á að mínu mati ekkert skylt við snilld.
Óli Njáll  12:12| link

Nýliðar
Gaman að sjá nýliða á naggnum og vonandi að þeir endist eitthvað. En talandi um nýliða þá eru Man.City nýliðar í ensku úrvalsdeildinni og ég óska þeim til hamingju með að vera dottnir út úr FA cup. Það ræður bara enginn við Liverpool þessa dagana.
Óli Njáll  05:29| link ------------------

18.2.01

Svín
Réttur dagsins er steiktar svínalundir með gráðostaananassósu. Argandi, gargandi, geltandi snilld.
Óli Njáll  21:23| link

Varúð
Ég vara alla við að fara í kringluna. Það er klikkun núna.
Óli Njáll  15:27| link

Duran
Gleðilegan konudag. Þetta er fallegur dagur, heitt og gott úti og ég var kominn út klukkan 11. Ótrúlegt en satt. Ástæðan nokkuð augljós maður fór í blómabúð að sjálfsögðu. Þar var þegar slatti mikið að gera en ég hélt að ég myndi sleppa við traffíkina ef maður mætti fyrir hádegi. Augljóslega ekki. Annars er merkilegt hversu mikið af karlmönnum virðist bara kaupa hvaða blómarusl sem er bara til þess að kaupa eitthvað þarna inni. Hvílíka samansafnið af ljótum blómvöndum hef ég aldrei áður séð. Allt sami arfinn að mínu mati. Þannig að ég hélt mig bara við rauðu rósina eins og venjulega og hvet karlmenn til að falla ekki í þá gryfju að láta selja sér arfarusl á uppsprengdu verði heldur velja sjálfir í vöndinn.
Óli Njáll  12:48| link

meta hvað?
Hvað í fjáranum er þetta meta?
Óli Njáll  12:43| link ------------------