8.12.00

Eru karlmenn aumingjar
Í Ofanleitinu heldur til lítil fátæk fjölskylda með þrjú börn og tvær hænur. Hjá þessari fjölskyldu ríkir skelfingar ástand. Síðasti pizzabitinn búinn og ég horfi á börnin veslast upp fyrir framan augun á mér. Ástæða þessa er sú að fyrirvinna fjölskyldunnar er letiblóð hið mesta.Hann hefur nú í hátt í mánuð ekki gert neitt annað en að sitja á sínum rassi og dunda sér í tölvunni í staðinn fyrir að afla matar í búið. Það er ljóst að með þessu áframhaldi verður fjölskyldan bara að leita á önnur mið eða kannski siga dýrinu á fyrirvinnuna, urrdann,bíttann. Guð hjálpi honum þá.
Óli Njáll  14:01| link ------------------

7.12.00

Geimnum
Nú kemur kúariðan víst úr geimnum með einhverjum halastjörnum. Ég held að Ágúst hellisbúi og Þórir hljóti að hafa komið í sömu ferð.
Óli Njáll  19:37| link ------------------

5.12.00

Hvít eða rauð jól
Ég vil mótmæla. Ég vil mótmæla þessari öfgakenntu jólatísku í ár sem fellst í því að allar jólaskreitingar eru hvítar. Allur laugavegurinn og miðbærinn í heild sinni, annaðhvert heimahús eru bara hvítar seríur. Ekki bætir úr skák að mútta gamla ætlar að hafa hvít ljós á jólatrénu í ár. skamm skamm. Ég vil fá liti, fulltfullt af litum. Ég vil fá grænan, gulan, rauðan og bláan. Þess vegna finnst mér bústaðavegurinn alveg yndislegur þessa dagana, þökk sé handbrotna kallinum og hinum þarna rétt hjá. Aftur á móti fær gatnamálastjóri stórt skamm fyrir að vera einhæfur í litavali á bústaðaveginum en það eina sem ég sé frá þeirri stofnun er rautt. Ég lendi alls staðar á rauðu ljósi á þessari götu og nýjustu ljósin við Óslandið voru ekki til að bæta það, þetta eru tilgangslaus ljós og að auki ávallt rauð. En aftur að jólaljósunum. Það er alveg 100% öruggt að ég verð að kaupa eigin jólatré í ár og á því verður marglit sería. Einnig ætla ég að kaupa mér mislit jólaföt. Bláar buxur, græna peysu, rauða sokka, gula húfu, og lita skeggið á mér fjólublátt. Meiri liti, meiri liti, meiri liti í jesú nafni. Amen (Mér er alveg sama þótt ég móðgi einhvern trúarofstækismann með þessu, þeir eru hvort sem er allir hræsnarar)
Óli Njáll  03:24| link

Ammæli
Afi minn gamli og Geir Á. áttu víst báðir ammæli í gær og óska ég þeim báðum til hamingju. Reyndar er smá aldursmunur á þeim tveimur eða u.þ.b. 71 ár ef ég er að telja rétt. Allavega varð afi 93. Gærdagurinn var því dagur tóbaksbrúkanda enda eiga þeir tveir það sameiginlegt.
Óli Njáll  03:14| link ------------------

4.12.00

Snorrastaðir
Um helgina héldum við til Snorrastaða, gimpin úr spurningabatteríi Verzló. Þetta var mögnuð ferð og bóndinn á bænum var einnig mjög magnaður en á laugardaginn skrapp hann einmitt á aðventukvöld og kom rammskakkur til baka. Ég og Hallur héldum í venjuna um kvöldið og vorum langbestu leikararnir í aktíonarý og unnum ávallt. Það verður reyndar að viðurkennast að Sigga var langbesti giskarinn í hópnum en við unnum hennar lið samt. Annars hlakka ég óheyrilega til að fá myndirnar úr ferðinni framkallaðar. Ónefndur aðili sem stundum er kallaður borgarnesdýrið, var nefnilega skrautlegur mjög. Þannig að þegar ég fæ myndirnar í hendur mun ég njóta þess að pína hann með þeim. hahahahaha.
Óli Njáll  09:01| link

Sumir hafa ekki heila...
....og samtök þess fólks kallast ungir jafnaðarmenn, allavega ef miðað er við þessa mögnuðu formannslufsu þeirra. Hvernig dettur manneskjunni í hug að vilja leggja niður Rás 2? Fyrir því eru ekki nokkur jarðnesk rök. Menn eru vissulega ósammála um það hvort að ríkið eigi að reka slíka útvarpsstöð sem Rás 2 en það er ekki það sem ég er að hugsa um núna. Að leggja stöðina niður er bara svo fáránlegt. Þessi stöð hefur gríðarmikla hlustun meðal almennings og býður oft upp á mjög vandaða þætti. Menn eins og Gestur Einar og Ólafur Páll eru alveg magnaðir. En Katrín Júlíusdóttir vill bara pakka saman og loka. Af hverju, af hverju og enn og aftur af hverju? Af þörf ríkisins til að losna við rás 2 er svona óskaplega mikil, af hverju ekki frekar að selja hana? Ég er ekki í vafa um að fjölmargir hefðu áhuga á að reka stöðina. Annars finnst mér bara ágætt að ríkið reki hana áfram. Nei, hendum henni bara í ruslið er lausn jafnaðarmanna. Hvernig ætli þeir skemmti sér á útborgunardögum? Hendi peningum út um gluggann?
Óli Njáll  01:33| link ------------------