{ Óli Njáll - keikodude@hotmail.com }

[ Naggur | ASAT | UVG | Múrinn | Praxiteles | Gamalt ]

[ Húgó | Thors | Fimmtudagur | Ármann | Sverrir | Hilma ]

[ Kolla | Sigfús | Jóhann | Bendt | Steinunn | Linkur vikunnar ]

24.11.00

CM
Nú er ég búinn að stúdera heimasíðu guðdómleikans þ.e. cm3.com og skoða nýja leikinn. Ég er alveg sannfærður um að þetta er pjúra snilld og get ekki beðið með að næla mér í hann. Var reyndar búinn að biðja um hann í jólagjöf en ég efast um að ég nenni að bíða það lengi. Lifi Collyer og Collyer
Óli Njáll  19:40| 
link

Bretinn kominn til vits
Nú virðast æ fleiri Bretar vera að uppgötva hið augljósa. Það er alls ekki algilt að fyrirtæki séu betur sett í höndum einkaaðila heldur en ríkisins. Allavega eru nú um 55% breta komnir á þá skoðun að þjóðnýta eigi járnbrautakerfið sem íhaldsflokkurinn lét einkavæða á sínum tíma. Ég gleðst að sjálfsögðu yfir skilningi breta á lögmálum markaðarins og vona að íslendingar beri gæfu til að láta þetta verða víti til varnaðar og hætti einkavæðingarbröltinu. (Ef ég fengi að ráða í einn dag myndi ég leggja fjandans einkavæðinganefnd niður og hananú).

Hefur fólk tekið eftir því að enn einn ókosturinn við öfgahægrimanninn er kominn í ljós. Hann er nefnilega svolítið rangeygður.(það er þó ansi lítill ókostur miðað við þankagang hans)
Óli Njáll  11:31| 
link

KlárusGústurkústur
Já, hann ágúskúst er stórmerkilegur fiskur. Eftir að hafa lesið óendanlega gagnrýni hans á UVG í gær fór ég að spá aðeins í hlutunum og ég komst að niðurstöðu. UVG hljóta að vera afskaplega andlýðræðisleg samtök, við sendum nefnilega aðeins frá okkur eina ályktun um hvert málefni þ.e. við höfum eina stefnu. Það hefði náttúrulegra verið mun lýðræðislegra að fara að fordæmi
flokkssystkyna Ágústar og hafa svona allavega 2 mismunandi ályktanir um hvert mál, þá hefði fólk frelsi til að velja. Allt annað er náttúrulega rakin forræðishyggja.
UVG eru að sjálfsögðu vinstrisinnuð samtök og bera ályktanir stofnfundar greinileg merki þess. Hr. Ágúst var náttúrulega fljótur að átta sig og með alræðisgáfu sinni dæmdi heil samtök til kommúnisma til eilífðar með engum möguleika á reynslulausn. Ef hann bara vissi hvílíkar sálarraunir ég hef liðið vegna þessa dóms hans. æææ. Reyndar voru rökin fyrir því býsna útþynnt og ekki þess vert að eyða orðum til að svara þeim enda ekki svaraverð. Með því að hugsa svolítið um rökfræði Ágústar komst ég því að niðurstöðu um Ágúst og félaga þ.e. hægri menn. Með nákvæmlega sömu rökfræði þá hljóta þeir að vera annaðhvort nasistar,fasistar eða svo að ég noti þeirra bannorð öfgahægrimenn. En þá er það munurinn á mér og Gustusi. Hann dæmir mig sem kommúnista en ég gef honum þrjá kosti. Semsagt, ég gef honum frelsi til að velja.

Lifi lýðræðið!!!!!!!!!!!!!
Óli Njáll  07:05| link

Jafnrétti kynjanna
Mér finnst það alveg stórundarlegt þetta öfuga faðernismál sem verið var að dæma í Héraðsdómi Reykjavíkur nú um daginn. Ég er nú ekki fróður um hvernig lögin eru í þessum málaflokki en mér finnst það alveg fáránlegt að karlmaður geti ekki verið sækjandi í svona máli, og tel að það hljóti að vera brot á jafnréttisþætti stjórnarskrárinnar. Einnig finnst mér það fáránlegt að móðir skuli ekki þurfa að feðra barn sitt, eins og þetta sé eitthvert einkamál hennar. Þetta á að snúast um hag barnsins og ég held að það sé öllum börnum hollt að eiga bæði móður og föður. Dómaranum finnst að það væri brot á friðhelgi einkalífs móðurinnar ef henni væri skipað að gefa upp hver væri faðirinn. Halló, er ekki allt í lagi í hausnum á þeim dómara? Fólk verður að taka ábyrgð á sínum gjörðum og þó að konan skammist sín kanski eitthvað fyrir að hafa átt samneyti við þennan man þá er það bara hennar sálfræðilegi vandi. Réttur barnisins á að eiga föður og réttur föðurs á að umgangast barn sitt á að vega þyngra. Vonandi fellir Hæstiréttur þennan dóm úr gildi enda alveg fáránlegur.
Óli Njáll  04:05| 
link

Myndaþrautir
Sigga og Gústi farinn að keppast við að mynda öfgahægrimanninn. Ég veit ekki hvort að það er bara tölvan hjá mér en myndin hans Gústa kemur bara hálf þ.e. bara efri hlutinn af andliti gústustar. Þannig að ég myndi dæma Siggu sigur miðað við þau gögn sem fyrir liggja.
Óli Njáll  03:56| 
link

Bjössi
Þar sem ég er uppfullur af forsjárhyggju ákvað ég að senda Bjössa Berg skilaboð og benda honum á mistök sín. Vonandi að hann lagi þennan pistil sinn, mér finnst það svo pínlegt þegar menn senda frá sér gallaðan texta.
Óli Njáll  03:40| 
link

Ekki alveg skilja
Björn Berg skrifar á nfvi.is grein um kennaramálið. Það er nú hálf sorglegt að menn skuli ekki afla sér þekkingar á málunum áður en þeir skrifa um þau. Björn tekur fram að Geir H. Haarde feli ríkissáttasemjara umboð til að semja við kennara. Hvað er þá samninganefnd ríkisins að hanga á einhverjum fundum fyrst að Þórir getur bara samið fyrir þá. Nei, ríkissáttasemjari semur ekki við einn eða neinn. Hann getur komið fram með sáttatillögur en ekki samið. (Reyndar er hans aðalhlutverk að hlaupa á milli fundaherbergja með kaffikönnu). Auk þess sem Björn virðist ekki skilja að auðvitað er það ríkisstjórnin sem gefur samninganefnd ríkisins ákveðnar grunnlínur í samningaviðræðunum, ekki heldur maðurinn að þeir skipti sér ekkert af málunum og gefi samningsaðilum frjálsar hendur. Annars veit ég ekki af hverju ég er að röfla þetta, ég efast stórlega um að Bjössi lesi þennan pistil minn.
Óli Njáll  01:47| 
link
------------------

23.11.00

Jamm
Nú dettar mér nokkrar ellidauðar lýs úr höfði. Ég var nefnilega að lesa pistil á frelsi.is sem var bara alveg ágætur, gæti jafnvel talið prýðisgóður. Það var pistill jhh um persónuvernd. Ég mæli með honum.
En í dag skildi ég loksins hvers vegna Ágúst fær að taka próf með lesblindum nemendum. Hann virðist ekki geti lesið einfaldan texta og það sem meira er hann skilur ekki það sem hann les sem á góðu máli kallast xxxxxxa.
Svo að enginn fari nú að halda að ég hafi eitthvað á móti lesblindu fólki vil ég taka fram að Ágúst á ekki við neina lestrarörðugleika að etja og hefur aldrei verið greindur lesblindur.
Óli Njáll  22:24| 
link

Íslendingsbull
Hvað er að íslenskum ráðamönnum að vera í alvöru að hugsa um að kaupa þetta fjárans skip fyrir miljón dollara. Það kalla ég hátt verð fyrir nokkrar spýtur sem hægt er að kaupa í Byko á mun lægra verði og fá smið til að klambra saman svo að líkist skipi. Þetta skip er algerlega ómerkilegt frá helvíti. Það er merkilegt að meðan Þjóðminjasafnið er í fjársvelti, ekki er hægt að semja við kennara eða auka framlög til menntakerfisins á annan hátt þá er hægt að eyða peningum í eitthvern trédall sem að með heppni tókst að komast til ameríku án þess að sökkva. Ég á heldur ekki orð yfir verðinu á skipinu, fylgir nokkur kvóti með?
Óli Njáll  09:35| 
link

Babe-test
Jæja, ég er búinn að halda mér aðeins of lengi vakandi núna og er orðinn sybbinn. Tók babetestið áðan og náði personal record eða 73,3% þ.e. 11 af 15. Með öðrum orðum ég er mjög lélegur í babetest en fer skánandi. jíbbí
Óli Njáll  09:27| 
link

Meðmæli dagsins
Stóratá mælir með pokemon freyðibaði í svona gulum pokemon brúsa. held að fígúran heita pichachu eða ámóta nafni.
Óli Njáll  04:35| 
link

Stigar
Eins og allir vita eru stigar stórhættuleg fyrirbæri og best að passa sig í námunda við þá. Margs konar hjátrú fylgir stigum t.d. sú að ekki megi labba undir stiga því þá elti ógæfan mann. Þórir nokkur Gunnarsson hefur aftur á móti enn meiri hjátrú í kringum stigana en flestir aðrir. Málið er nefnilega það að í Verzlunarskólanum eru 3 stigar, en Þórir notar bara 1 þeirra og líður virkilega illa ef hann neyðist til að nota annanhvorn hinna. Þórir óttast einnig suma ganga skólans t.d. þann sem liggur meðfram bókasafninu en þar labbar Þórir helst aldrei nema til að komast á safnið. En svona er Þórir, alveg kingimagnaður.
Óli Njáll  04:33| 
link

ffsdklfjsdsjdklfalaldls
Já, svona endar þetta þegar mann vantar fyrirsögn.
Það er nú meira hvað spennan í kringum endurtalninguna er að taka þessa kana á taugum. Cheney greyið bara næstum dauður í gær. Kanski bara fara þeir allir á taugum frambjóðendurnir og Clinton verður bara að halda áfram. Ætli það væri ekki bara best fyrir alla, nema kanski Hillary!

HAHAHAHA
Arsenal er brandari dagsins. 4-1 tap gegn rússneska birninum Spartak Moskvu. Vonandi fær Liverpool ekki svipaða útreið í kvöld í Grikklandi.
Óli Njáll  04:29| 
link

Svar
Hjálmar Árnason er sá stærsti
Óli Njáll  01:16| 
link

Liverpool.is
Ég var að skoða liverpool.is áðan og sé þar þær hörmungarfréttir að Staunton sé kominn með liðinu til Grikklands. Semsagt við töpum leiknum og það stórt.(Nema Staunton eigi að vera í markinu, hann er betri en Westerveld að mínu mati). Annars er fyndið með þessa liverpool síðu að þeir velja ávallt mann vikunnar. Eftir leikinn gegn Coventry fyrir viku var það Gary sjálfur McAllister. En eitthvað eru þeir ekki vissir á því hve löng ein vika er(þ.e. 7 dagar) því að Gary er enn maður vikunnar og ekki búið að uppfæra neitt. svei og skamm.
Óli Njáll  01:16| 
link
------------------

22.11.00

Spurning dagsins
Hver er stærsti þingmaður framsóknarflokksins?
Óli Njáll  04:33| 
link

Smákökur
Núna langar mig virkilega í smákökur og mjólk. Það sorglega er að ég er umkringdur af heilu stöflunum af alls kyns smákökum sem ég á því miður ekki sjálfur.
Óli Njáll  03:16| 
link
------------------

21.11.00

Tölvur
Ég bjóst aldrei við að segja þetta en mikið í andskotanum var bæði stjórnunin og tölvukerfið hjá Nýkaup mörgum sinnum betra en hjá Hagkaupsruslinu.


(Brynjar, hættu að hlægja)
Óli Njáll  03:30| 
link

Frelsun
Mér finnst það stórskemmtileg tilhugsun að Febrúar Fluguhringur Ökuníðingsson hefi verið "frelsaður". Vonandi er þetta breyting til batnaðar
Óli Njáll  02:31| 
link
------------------

19.11.00

Minning
Ég er einn af þeim sem hef skráð mig í minningarbók
Einars Arnar og með því reynt að veita aðstandendum hans stuðning á erfiðum tímum. Aftur á móti virðast aðstandendur Atla Helgasonar alveg gleymast í þessu máli öllu saman. Ég held að þeirra staða sé litlu skárri en aðstandenda Einars, það getur ekki verið auðvelt hlutskipti að vita af syni,föður,bróður eða eiginmanni í slíkri stöðu. Fjölmiðlar hafa daglega velt sér upp úr málinu, oft með langa kafla um fortíð Atla, fíkniefnanotkun hans og fleira og þetta getur ekki verið auðvelt fyrir fjölskyldu hans og vini. Mér finnst fjölmiðlar of mikið velta sér upp úr Atla sjálfum í umfjöllun sinni og oft á tíðum virðast þeir hafa mun meiri áhuga á honum og hans fortíð en glæpnum sjálfum. Ég man ekki eftir því í umfjöllun um svipuð mál að jafn mikið hafi verið spáð í fortíð sakborningsins og nú er gert. Mér finnst það ekki skipta máli að maðurinn sé fyrrum íslandsmeistari í fótbolta með Víking. Þetta er bara ógæfusamur maður og enn eitt dæmið um böl eiturlyfjanna í íslensku samfélagi.
Óli Njáll  10:35| link

Spurning dagsins
Hver er tilgangur lífsins?
Óli Njáll  09:51| 
link

UVG
Jæja, þá er loks búið að stofna formlega ungliðahreyfingu VG, það var gert á stórskemmtilegum fundi á Hótel Lind í gær. Einhverra hluta vegna tók ég að mér fundarstjórn þarna og held að þetta hafi allt gengið stóráfallalaust. Það eina sem olli mér einhverjum vandræðum var það að ég hef aldrei mætt á neina slíka fundi áður og var ekki viss á skipulaginu en með hjálp góðra manna tókst þetta allt saman. Annars höfðu fjölmiðlar ekki mikinn áhuga á þessum fundi, ætli eina leiðin fyrir ungliðasamtök til að ná athygli felist ekki í hálfbarnalegum fíflaskap svo sem skera á evrópuhnútinn niðri á torgi og annað í þeim dúr. Guð forði okkur annars frá slíkum aðgerðum og ég vona að Ungir Vinstri Grænir verði málefnaleg samtök.

LIFI BYLTINGIN (smá djók)
Óli Njáll  09:50| 
link

Netaflækja
Hvað er í gangi með þetta net núna og bloggerinn er eitthvað að klikka hjá manni
Óli Njáll  09:41| 
link
------------------




Powered by Blogger