4.11.00

Gústi
Ég er ánægður að Gústi skuli vera farinn að sjá ljósið í myndavélamálinu. Allavega er það ávallt ávísun á það að gústi er orðinn sammála manni þegar hann loksins þagnar.
Óli Njáll  00:35| link

Spurning dagsins
Hver hefur skorað flest mörk í einni heimsmeistarakeppni í knattspyrnu?
Óli Njáll  00:33| link

Hagræðing
Útskýrðu aðeins fyrir mér þessa skattahagræðingu þína, ágúst minn? Ég skil ekki alveg muninn á hagræðingu þinni og svikum
Óli Njáll  00:32| link

Svar
Stefán Hilmarsson var rétt svar og þið þurfið ekkert að skammast ykkar, þau sem vissu þetta.
Óli Njáll  00:31| link ------------------

3.11.00

Skattsvik
Hvað ertu að röfla gústus um að skattsvik séu ekki skattsvik. Þessi setning er bara bull. Skattsvik eru eins og liggur í orðsins eðli svik og þ.a.l. ólögleg. Um þetta er ekkert hægt að deila.
Þú talar um að ég vilji ekki borga of mikið til samneyslunnar. Að sjálfsögðu ekki. Aftur á móti greiði ég það sem ég á að greiða lögum samkvæmt. Mínar tekjur eru allar gefnar upp til skatts. Vissulega nýti ég mér það sem er frádráttarbært til að minka skattgreiðslur mínar t.d. síma og bifreiðakostnað í samráði við tengdóendurskoðun. Það er ekkert rangt við það, fyllilega löglegt athæfi sem ég skammast mín ekkert fyrir. Ég hef því algerlega hreinan skjöld í skattamálum ólíkt þér. Þú hreinlega viðurkennir lögbrot í pistli þínum og ert fyllilega sáttur við sjálfan þig. M.ö.o. þér fynnst það fyllilega í lagi að reyna að hirða eins mikið út úr kerfinu og þú getur en ert ekki tilbúinn að borga krónu fyrir það. Þér fynnst að einhverjir aðrir eigi að borga kostnað samfélagsins af þér. Þetta er munurinn á mér og þér, siðferðiskennd.
Hvaða bull er þetta svo með fátækan námsmanninn Fulgerung. Hættu að væla því þetta er haugalýgi í þér. Þú hefur alltaf haft allt til alls og þarft ekki að kvarta. Ef þú værir fátækur námsmaður þá værir þú væntanlega fyrir löngu búinn að losa þig við Fífí sport.
Þú ert svo sammála mér eftir allt með það að það sé rétt að skatturinn geti skoðað bankareikninga þeirra sem grunaðir eru um svik og glæpastarfsemi. Til hvers varstu þá að væla yfir þessu í byrjun?

Lifið heil
Óli Njáll  03:36| link

Kaffi
Í framhaldi af pistlinum áðan vil ég benda á að ég er ekki starfsmaður Hagkaups, ég á mig sjálfur og ræð mér sjálfur og ef ég við taka mér 32 mínútur í mat þá geri ég það. En svo ég klári nú niðurrif á pistli fluganns. Hér eru nokkrar setningar úr pistli hans.

Kerfið allt saman byggist á því að hver og einn finni þörfina innra með sér til að hafa lög og reglu til að skapa betri umhverfi fyrir sjálfan sig og Við megum ekki gleyma að lögin og reglurnar eru sett til að vernda borgarana..

Hver og einn verður vissulega að finna innri þrá til að fara eftir lögum samfélagsins, sumir bara gera það ekki því miður. Þess vegna er nauðsyn að hafa lögreglu í þessu landi, vegna þess að þessir sem geta ekki farið eftir lögum eru að ganga á rétt annara, t.d fólk sem ekur á 150km/klst í innanbæjarakstri. Það fólk er að valda öðrum stórhættu á að tína bæði lífi og limum, og það er þetta fólk sem er ábyrgt fyrir þeim u.þ.b. 26 banaslysum sem orðið hafa í umferðinni í ár. Þetta fólk hefur ekki rétt til að haga sér svona, þess vegna er það réttur hins almenna vegfaranda að yfirvöld geri ráðstafanir til að vernda hann fyrir þessu fólki m.a. með hraðaeftirlitsmyndavélum sem gegna því hlutverki að minka umferðarhraðann niður í þau mörk sem eðlilegt getur talist þ.e. u.þ.b. 50-60 km/klst innanbæjar. En Ágúst metur mannslífin greinilega ekki mikið. Réttur hans til að keyra eins og vitlaus maður er honum greinilega hjartfólgnari en samborgarar hans.
Óli Njáll  03:22| link

Ágúst og Stazi
Ágsút Fulgerungermann gerir það ekki endaslept fremur en vanalega. Hann talar um samhengi milli hraðaeftirlitsmyndavéla og myndavéla á vinnustöðum. Það er náttúrulega gersamlega út í hött. Hraðamyndavélarnar eru ekki ætlaðar til að njósna um ákveðnar persónur heldur einungis til þess að vernda borgarana fyrir ökuníðingum úr hafnarfirði sem virða hvorki lög né reglur í umferðinni. Mér finnst það mun heiðarlegri aðferð við eftirlit með umferðarhraða að setja upp myndavélar og jafnframt setja upp merkingar sem segja ökumönnum hvar þær er að finna heldur en sú aðferð lögreglunnar að liggja í leyni með ljósin slökt bak við hól og reyna að nappa þá sem aka of hratt. Slíkar aðferðir draga ekki úr umferðarhraðanum né tryggja öryggi vegfarenda heldur miða eingöngu að því að refsa einstökum ökumönnum og þjóna því litlum sem engum tilgangi. Það að fylgjast með starfsfólki með myndavélum til að tryggja að það sé ekki of lengi í kaffi eru aftur á móti persónunjósnir og þeim er ég á móti. Þetta eru nefnilega 2 algerlega óskyldir hlutir. Það sýnir nú best rökþrot þín í þessu máli að fara að vitna í einhverja kvikmynd sem þú hefur ekki séð og manst varla nafnið á til að rökstyðja þitt mál. Þetta dæmi um öfgastefnu Jóhanns Kalvíns er náttúrulega málinu algerlega óskillt, Ágúst minn, það er enginn að tala um að stofna íslenska útgáfu af Stazi. Það er einnig gott af því að vita að þú ert vel af þér um gömul lög um klæðaburð kvenna og beðmál. Hvað í fjandanum kemur það þessu máli við. Ég get líka röflað um grágáslög ef þú villt en ég sé bara ekki að það þjóni neinum tilgangi enda málinu alls óskyllt. Við vorum að fjalla um hraðamyndavélar ekki lög og reglur í fyrndinni. Reyndu síðan að halda þig við efnið ef þú ætlar að reyna að færa rök fyrir máli þínu í framtíðinni. Endalaust orðaglamur er tilgangslaust.
Óli Njáll  02:17| link ------------------

2.11.00

Útúrsnúnings hvað?
Þetta er enginn útúrsnúningur gústus minn, þetta er nákvæmlega það sem þú sagðir. Það að fjölga hraðaeftirlitsmyndavélum er enginn skerðing á persónufrelsi. Það er ekki eins og þær væru til að njósna um mann. Tilgangur þeirra væri frekar að vara ökumenn við. Ef ökumenn vissu af hraðamyndavélum á fleiri stöðum þá myndu þeir passa sig á að virða reglur um hámarkshraða og öryggi í umferðinni myndi aukast. Markmiðið með myndavélunum væri nefnilega alls ekki að auka fjárráð lögreglunnar með sektarpeningum heldur til að auka öryggi hins almenna vegfaranda.
Hvað varðar rétt yfirvalda til að rannsaka bankareikninga þá fynnst mér það eðlilegasti hlutur í heimi þegar verið er að rannsaka glæpi þar sem ávinningur brotamannsins er fjárhagslegur, þ.m.t. skattsvik. Þetta snýst ekki um að njósna um einkalíf fólks heldur að halda uppi lögum og reglum í landinu.
Óli Njáll  23:43| link

Mannréttindi
Hvernig geta sumir haldið því fram að það séu mannréttindi að fá að brjóta umferðarlögin alla daga ársins og eftirlit með því sé af hinu slæma?
Óli Njáll  22:02| link

hreinn bíll
Nú er bíllinn minn innpakkaður í teflon og fínn. Ætli það virki líka að nota matarolíu?
Óli Njáll  19:46| link

Teflon
Nú er verið að klæða bílinn minn í einhverja teflonhúð eða eitthvað ámóta. Er það ekki einhvað sem er notað í potta og pönnur?
Óli Njáll  09:44| link

Fyrirtæki vikunnar
Er Sláturfélag Suðurlands. Reyndar er þetta kúkafyrirtæki og sölumennirnir þeirra leiðinlegri en andskotinn að mínu mati. En þeir framleiða 1944, matur fyriri sjálfstæða Íslendinga og það er snilld. Kjötbollur í brúnni sósu eru vinur svanga mannsins klukkan 6 að nóttu til. Auk þess eru margar aðrar tegundir mjg góðar af 1944. Kanski ég bara fari að borða þetta oftar á nóttunni.
Óli Njáll  06:13| link

Spurning dagsins
Farið allt sem átti ég forðum.
Fangið nakið, sálin tóm.
Gamall heimur genginn úr skorðum
gráhærður orðinn af eilífum áhyggjum

Hver er höfundurinn?
Óli Njáll  01:33| link

Svar
Jon Anderson er maðurinn.
Óli Njáll  01:31| link

Fimmtudagur
Þá er kominn fimmtudagur, besti dagur vikunnar. Á fimmtudögum dettur mér í hug Þórir nokkur. Ég hef held ég aldrei skrifað um "símann" hans Þóris. Það er nú svo að Þórir er oft frekar seinn í ýmsum hlutum t.d. taka bílpróf sem hann hefur enn ekki gert þrátt fyrir að vera að nálgast tvítugt. Það var eins í gsm málum. Löngu eftir að hver einasti maður var búinn að fá sér slíkan grip þá fékk þórir sér eitt þannig stykki ef síma má kalla. Þetta var nefnilega einhvers konar gsm faxtæki frá Philips u.þ.b. 5 kíló á þyngd og umfangið eftir því. Þetta tæki burðaðist Þórir ávallt með á sér og helst sveiflandi því í allar áttir. Dag einn var símanum hans Þóris svo lokað. Ég man ég spurði Þóri hvers vegna og skýringin var einföld. Hann hafði alltaf gleymt að fara og borga reikningana, í hálft ár samfleytt. Já geri aðrir betur. Þegar Þórir borgaði loks reikningana ári síðar bilaði svo faxtækið. Þórir fékk þá hugmynd að láta gera við símann. Í ljós kom að varahlutir á tækið voru ekki fáanlegir hér á landi og það hefði þurft að sérsmíða hlutina í þetta tæki sem þykir víst ámóta nýtískulegt og geimstöðin MÍR. Þá loksins gafst þórir upp og kaypti sér loksins alvöru síma sem ég man ekki hvað heitir.

Þórir, til hamingju með nýja símann.
Óli Njáll  01:31| link ------------------

1.11.00

Kristján
Kristján Pálsson er að hækka í áliti hjá mér. Hann er að gera endalaust grín að tímaflökkörunum sem vilja breyta þessu öllu saman.
Óli Njáll  11:58| link

blablablablabla
Ég held að Alþingismenn séu sófistar. Þeir geta röflað um allann andskotann sama hversu ómerkilegur hann er. Nú eru þeir að rífast um sumar/vetrartíma. Algerlega tilgangslaust mál. Mér persónulega er reyndar nokkuð sama, mér finnst reyndar bara vesen að fara að stilla klukkuna 2 á ári og græða ekkert á því. Maður tapar bara einum klukkutíma á vorin og fær hann aftur á haustin.
Óli Njáll  11:56| link

NATÓ
Nauðsynlegt er fyrir íslendinga að vera í Nató vegna þess að við verðum að geta varið okkur gegn árásum. Eitthvað þessu líkt skrifar Björgvin nokkur Guðmundsson á frelsi.is. Þetta fynnst mér tímaskekkja. Fyrir hverju á nató að verja okkur? Kanski brjáluðum umhverfisverndarsinnum eins og síðustu heræfingar miðuðust við. Sem betur fer er það nú þannig að að okkur steðjar engin hætta á utanaðkomandi árás og vægast sagt ólíklegt að slík hætta muni steðja að á komandi árum. Það er því engin hernaðarlegur tilgangur með því að hafa bandaríska herinn hér á landi.
Óli Njáll  03:37| link

Spurning dagsins
Hver var söngvari hljómsveitarinnar Yes?
Óli Njáll  03:24| link

Svar
Það voru nokkuð margir með þetta svar. Að sjálfsögðu eru þeir í Venezúela. Egill fær plús fyrir að gera hlutina flókna en hann fór að velta fyrir sér hvort ég ætti við hæstu fossa yfir sjávarmáli
Óli Njáll  03:20| link

Kjartan
Heitir framkvæmdastjóri Sjálfstæðisflokksins ekki Kjartan en ekki Kristinn Gunnarsson?
Óli Njáll  01:33| link ------------------

31.10.00

Hverfablöð
Þessi hverfisblöð eru alveg magnaður hlutur. Ég hef hér hjá mér eitt slíkt. Vesturbæjarblaðið. Merkasta fréttin í vesturbænum í október er sú að mati ritstjóra að Heimir L. Fjeldsted og hundurinn hans Ross séu ofsóttir af Heilbrigðiseftirliti Reykjavíkur.
Já, það gerist vissulega margt merkilegt í vesturbænum.
Óli Njáll  06:59| link

Fárveikur
Ég er með brjóstsviða og á ekkert samarín. Ætli ég þjáist af vélindabakflæði???????
Óli Njáll  06:05| link

Spurning dagsins
Í hvaða landi eru hæstu fossar heims?

Óli Njáll  01:18| link

svar
heja Norge
Óli Njáll  01:15| link ------------------

30.10.00

Free at last
Þar kom að því að ég gerði eitthvað af viti. Eftir að hafa verið ofsóttur af Diðrikspóstnum illræmda árum saman fattaði ég loksins takka á hotmail "block sender". Hvernig þessi takki hefur ávallt farið fram hjá mér er mér hulin ráðgáta en í dag er ég glaður því illmennin í Diðrik geta ekki ofsótt mig lengur. Þess má geta að ég skráði mig aldrei á þennan póstlista heldur er það verk Yngva nokkurs Halldórssonar sem er illmenni inn við beinið.
Óli Njáll  21:43| link

Klámbendt
Bendt minn, hvernig væri nú að taka þennan klámsíðufídus út af síðunni hjá sér (ég meina það að maður getur aldrei notað backtakkann til að komast aftur á nagginn)

Það er hvort sem er ekkert að gera í vinnunni hjá þér, þannig að þú hefur nægan tíma til að laga þetta.
Óli Njáll  09:35| link

Hljómsveit vikunnar
Er Prefab Sprout. Þessi snilldarhljómsveit hefur m.a. sent frá sér lagið "The king of rock and roll" sem er alger snilld, en það lag er að finna á plötunni From Langley park to Memphis sem er einmitt þriðja plata þessarar snilldar hljómsveitar og kom út árið 1988. Forsprakki sveitarinnar, sem byrjaði sem bílskúrsband í smábæ einum í norðaustur Englandi, er Paddy nokkur Mcaloon, en aðrir meðlimir sveitarinnar voru bróðir hans Martin, Neil Conti og Wendy Smith. Nánari upplýsingar er hægt að nálgast á heimasíðunni sem ég gróf upp. Það tók reyndar ekkert voðalega langan tíma og krafðist ekki mikils hugmyndaflugs.

www.prefabsprout.com. (Já einfaldleikinn er alltaf bestur.)
Óli Njáll  04:34| link

Spurning dagsins
Frá hvaða landi koma Toro súpurnar vinsælu?
Óli Njáll  00:18| link

Svar
Að sjálfsögðu Gunnar Gunnarsson
Óli Njáll  00:16| link

Bíó
Fór á nýju Brendan Fraser myndina áðan með Siggu. Góð mynd. Fyndnast var þó þegar Brendan Fraser birtist í hlutverki Ágústar nokkurs Flygenrings á ströndinni, þeir náðu honum alveg helvíti vel.
Óli Njáll  00:15| link

Collymore
Tvímælalaust maður dagsins, STAN COLLYMORE. Sáuð þið þetta mark, hrein argasta snilld. Þessi maður var snillingur hjá Liverpool og er það enn þrátt fyrir að vera klikkaður í hausnum. Ég geymi enn gömlu Collymore treyjuna mína og þessi maður er og verður ávallt guð í mínum augum.
Óli Njáll  00:12| link ------------------

29.10.00

Fallinn
Svo virðist sem síðasta vígi góðtemplara á Íslandi sé fallið og það allrækilega. Spurning hvort að ég þurfi að finna mér nýjan driver.
Óli Njáll  19:26| link ------------------