{ Óli Njáll - keikodude@hotmail.com }

[ Naggur | ASAT | UVG | Múrinn | Praxiteles | Gamalt ]

[ Húgó | Thors | Fimmtudagur | Ármann | Sverrir | Hilma ]

[ Kolla | Sigfús | Jóhann | Bendt | Steinunn | Linkur vikunnar ]

14.10.00

Palestína
Verður nokkurn tímann friður í þessari blessuðu Palestínu? Nei, ég held því miður ekki. Vonandi kemur þó eitthvað út úr þessum fundi í Kaíró, það er löngu kominn tími á frið á svæðinu. Annars eru það enginn þjóð í heiminum sem fer jafn mikið í taugarnar á mér og Ísraelsmenn. Yfirgangurinn og frekjan í þessari þjóð er með eindæmum og það hvað veturlönd hafa ávallt staðið við bakið á þeim sama hvaða andskota þeir gera af sér fer virkilega í taugarnar á mér. Af hverju geta gyðingar í Ísrael ekki lifað í sátt og samlyndi við aðra trúarhópa á svæðinu? Er það of mikil krafa að ætlast til að þeir virði trúarbrögð og skoðanir annara manna?
Að auki fynnst mér að þeir hafi engan rétt á þessu landssvæði, þó svo að í einhverjum eldgömlum ritum sé talað um að landið tilheyri ísraelsmönnum, það fynnst mér ekki jafngilda eignarrétti. Palestínumennirnir sem þarna hafa búið öldum saman eru réttmætir eigendur þessa lands. En arabar eru ekki ríkur öflugur þrýstihópur í bandarískum stjórnmálum eins og gyðingarnir þannig að þeir mega greinilega fara fjandans til.
Þá er ég aðeins búinn að létta á mér í bili. blessbless
Óli Njáll  18:34| 
link

Stórkostleg síða
Mig langar að benda á fullkomnustu heimasíðu allra tíma. Þetta er síðan hans
Halls, nemanda í sögu og heimspeki við Háskóla Íslands.
Óli Njáll  16:48| link

Thecounter
Var að skoða tölfræðina á teljaranum mínum. Niðurstöðurnar eru merkilegar. Langflestar heimsóknir eru á fimmtudögum á bilinu 17-19. Af hverju fimmtudagar, ég er ekkert duglegri þá en aðra daga að skrifa. Ég held að ástæðan sé Þórir Hrafn félagi minn, hjá honum er nefnilega alltaf fimmtudagur. Við erum að tala um dreng sem mætti með leikfimitöskuna í skólann í heila viku vegna þess að honum fannst alltaf vera fimmtudagur og á fimmtudögum var leikfimi.
Annars eru sunnudagar mjög daprir hvað aðsókn varðar á síðuna. Ég skil það alveg. Ég gleymi alltaf að blogga á sunnudögum eða reyndar ég bara hef ekkert til að skrifa um. Á Sunnudögum gerist nefnilega aldrei neitt, maður er heima í rúminu fram yfir hádegi (nema á morgun þá þarf ég að vinna) og svo er bara deyfð og rólegheit hangandi yfir manni allan daginn. En ég elska samt sunnudaga. FRÍ.
Óli Njáll  16:32| 
link

Dalbær
Veðurklúbburinn á Dalvík spáir góðu veðri fram að jólum. Vonandi að þau hafi rétt fyrir sér ogþar sem ég trúi á vísindin þá hlýtur þetta að vera rétt hjá þeim.
Óli Njáll  14:48| 
link

Eldhúsið
Nú er bara eftir að þrífa eldhúsið. Reyndar er ég byrjaður á því, ískápurinn er orðinn hreinn og fínn og fullur af bjór.
Óli Njáll  14:47| 
link

Hallgrímur
Hallgrímur Helgason að fjalla um Alþingi í dv í dag. Þar segir hann m.a. að á Alþingi séu engir hommar eða lesbíur. Er þetta ekki rangt hjá manninum. Er ekki hæstvirtur 6. þingmaður norðurlands eystra hommi? Jú, ég held það.
Óli Njáll  14:43| 
link

Gústi
Gústi er greinilega ekki spámaður, það er öllum ljóst sem lásu djúpulaugarbloggið hans. Hann gaf nr engar líkur og hann vann. Annars fannst mér nr1. líkjast geðsjúklingi af verstu gerð og svo var hann svo ljótur og með stór eyru. Ég hefði valið nr. 3.
Óli Njáll  08:49| 
link

Lokað vegna breytinga
Nú rennur upp síðasti dagur Nýkaups. Ég er mættur fyrstur að venju og allt er slökkt, ég horfi í kringum mig með engum söknuði og veit að eftir nokkra daga verður ekkert eins og það var. Nú er það Hagkaup "Meira úrval, betri kaup".
Ég hef ekki hugmynd um hvort ég á að panta í dag.
Óli Njáll  08:17| 
link
------------------

13.10.00

Napster
Ég elska þetta forrit. Núna er ég búinn að ná mér í nokkrar sígildar perlur á við Bad með Jackson, Baby one more time með Britney og fleiri góð lög. Ég er hreinlega heillaður upp úr skónum, já gömlu góðu sauðsskinsskónum.
Óli Njáll  22:57| 
link

Tryggvi
Tryggvi Guðmundsson vill greinilega ekki leika með landsliðinu á næstunni miðað við gagnrýni hans á Atla sem reyndar á fullkomlega rétt á sér. Þegar maður spáir í því þá er það stórundarlegt að hann hafi ekki verið notaður meira miðað við góða frammistöðu hans í norsku deildinni í sumar. Enn eitt dæmið um það að Atli hefur ekki vit á því sem hann er að gera.
Óli Njáll  22:56| 
link

13
Færslurnar mínar tókust hjá bloggernum. Ég var viss um að bloggerinn myndi vera óvirkur hjá mér í tilefni dagsins.
Óli Njáll  17:05| 
link

Mustafa
Ég er að spá hvort að ég sé fráhrindandi persónuleiki. Það virðast allir vera að flýja úr vinnunni hjá mér. Mustafa nýi starfsmaðurinn minn er búinn að segja upp eftir innan við mánaðar starf og Hasan Ægir er líklega að hætta líka. En ég neita að trúa því að þetta sé út af mér, ég er ekki alveg svo slæmur.
Annars þarf ég að fara að taka til núna í íbúðinni heima þannig að hægt verði að koma þessum hræðum sem ég á von á á morgun inn í húsið. Bömmer.
Óli Njáll  17:00| 
link

Póstur
Skrattinn farinn að senda póst á öll email sem hann þekkir. Ekki veit ég tilganginn en ég veit það að ég ætla ekki að opna attachmentið því miðað við geðrænt ástand mannsins er það örugglega eitthvað sem ég hefði ekki gaman af.
Óli Njáll  16:57| 
link
------------------

12.10.00

HNN
Á ekki HNN að byrja aftur á stöð 2 einhvern tímann. Þetta voru snilldarþættir eins og allt sem radíusbræður koma nálægt. Brandarinn þeirra um það hvernig Steingrímur J. væri eins og sauðkind í framan var ódrepandi fyndinn.

Þarf að loka, bless.
Óli Njáll  21:59| 
link

Glúmur
Ég sá Glúm, (ég man ekki hvað hann heitir fullu nafni, ég er að tala um vefþjóðviljamanninn) í búðinni í gær. Mér finnst mjög fyndið að horfa á manninn. Alltaf þegar ég sé hann dettur mér í hug orðið gerpi. Mér bara fynnst hann svo gerpislegur eitthvað greyið maðurinn. En annars á maður ekki að gera grín að útliti fólks, þá ligg ég vel við höggi, hef ekki greitt mér í 3 daga og lít út eins og reytt hæna núna.
Óli Njáll  21:57| 
link

Bjössi
Bjössi er bumban
Óli Njáll  21:52| 
link

Vinna
Merkilegt hvað maður hefur ekkert að gera þegar maður á að stjórna þessari búð á fimmtudagskvöldum og hvað gerir maður þá, jújú´, netið hvað annað. Annars ætla ég að halda áfram niðurtalningunni sem ég byrjaði á. Nú þegar ég loka eftir 1 og hálfan tíma eru aðeins 2 dagar eftir af Nýkaup. Annars er fátt í gangi núna nema það að ég er að velta fyrir mér hvort að 3 kassar af bjór séu nóg fyrir 16 drekkandi manneskjur eða ætti ég að bæta þeim 4 við. ´
Íslenska landsliðið náði að hala inn 3 stig í gær. Mér líður svolítið eins og föðurlandssvikara en ég er ekkert altof ánægður með þennan sigur. Ástæður: Atli verður áfram með liðið og rústar því til andskotans. Við erum dottnir út úr keppninni örugglega þannig að ég ef við hefðum tapað þá hefði Atli kanski verið rekinn og við getað fengið dugandi þjálfara í staðinn. Hvað með það?
bless
Óli Njáll  20:38| 
link
------------------

11.10.00

DV
Af hverju er DV að verja Atla Eðvaldsson, maðurinn er einfaldlega að klúðra landsliðinu sem Gaui Kóngur byggði upp. Svo koma DVvæsklarnir og reyna að gera lítið úr afrekum Gaua Þórðar og minnast á að hann hafi einu sinni tapað 4-0 fyrir Rúmeníu og tapað 3 af fyrstu 5 leikjum sínum með liðið. Ógáfaðir blaðamenn frá helvíti. Gaui tók við lélegu búi, landsliðið gat ekki neitt og hann þurfti að endurskipuleggja allt frá grunni og skildi svo við ágætis lið sem var vel samkeppnisfært við bestu þjóðir álfunnar. Atli tekur við og á aðeins 2 leikjum sem liðið hefur spilað undir hans stjórn (ég tel ekki þessa 5 taplausu æfingaleiki með þar sem þeir voru flestir gegn einhverjum b landsliðum á spáni) hefur hann klúðrað öllu. Rekum Atla og það strax.
Óli Njáll  17:00| 
link

Mennt
Gústi vill láta einkavæða allt skólakerfið í landinu núna. Og hverjar yrðu hinar raunverulegu afleiðingar af þeirri aðgerð. Ekki frábært skólakerfi heldur stéttskipt þjóðfélag. Þeir sem ekki ættu foreldra sem væru mjög vel stæðir ættu ekki nokkurn kost á almennilegri menntun. Þeir sem komnir væru af fátæku fólki væru dæmdir til að vera fátækir um aldur og ævi meðan þeir ríku yrðu ríkari. En Ágúst sér náttúrulega engan galla við þetta kerfi enda myndi það ekki bitna á honum heldur einhverjum öðrum.
Mun skynsamlegra væri að ríkið myndi auka framlög til skólakerfisins, hækka laun kennara þannig að hæft fólk fengist í störfin, og einnig bæta aðstöðu í skólum. Bjóða þannig upp á fyrsta flokks menntakerfi sem stæði öllum til boða en ekki bara fáum útvöldum.
Óli Njáll  16:53| 
link

N-Írland
Við töpum í dag. 1-0. Ég vona svo bara að Atli verði rekinn þannig að landsliðið geti aftur átt einhvern möguleika á að geta eitthvað í framtíðinni. Einnig held ég að England tapi sínum leik.
Nú er hægt að telja niður þangað til Nýkaup deyr á nesinu. Aðeins 4 dagar eftir.
Óli Njáll  07:52| 
link
------------------

10.10.00

SUS
Getur einhver susari sem var á þingi á Akureyri um helgina staðfest fyrir mig þær fréttir að lærisveinn minn Stefán E. Stefánsson (Greinar) hafi borið upp tillögu um að afnema verkfallsrétt kennara. Ég trúi þessu ekki upp á drenginn? Hann er gáfaðri en þetta. Endilega e-mailið mig.
Óli Njáll  22:03| 
link

Skrattinn
Ég tek undir með pottbúanum að svar skrattans til Arnars er mun bitlausara en maður átti von á. Er ekki kallinn bara orðinn gamall og búinn að vera? Ég held það.
Óli Njáll  22:01| 
link

Bendt2
Herra Kusufilm er víst byrjaður að blogga og hér fær hann ókeypis auglýsingu,
snillingur.net er slóðin. Það er náttúrulega alveg fráleitt hjá manninum að tilkynna þetta ekki strax. En ég tek til baka að hann sé svikari.
Óli Njáll  21:13| link

Bendt
Herra Kusufilm a.k.a. Bendt Harðarson lofaði fyrir rúmri viku í partý að byrja að blogga og hefur ekki enn staðið við það. SVIKARI. En vil samt benda á mjög góða og ómerkilega síðu hans
www.kusufilm.com. Ef Bendt les þetta þá skora ég á þig að byrja strax.
Óli Njáll  16:19| link

Atli
80% Íslendinga vilja losna við Atla Eðvaldsson, skiljanlega. Maðurinn er ekki starfi sínu vaxinn eins og ég hef áður fjallað ýtarlega um hér á síðunni. Ég vil fá Bjarna og ekki seinna en núna.
Sambúðarparið Biggi og Siggi eru byrjaðir að blogga. Til hamingju með það. Mér hefur reyndar altaf fundist að Jón Birgir Magnússon(Biggi) eigi að heita Jón Oddur með tilliti til þess að eineggjatvíburabróðir hans heitir Jón Bjarni. Sá er einmitt fyrrum bekkjabróðir minn í Verzló og er undarlegur en ágætur drengur.
Óli Njáll  16:16| 
link

Gulur kafbátur
Þessi titilll er í boði Fulgerungens. Undarlegur maður sá skratti. En fyrst hann valdi þennan titil langar mig að óska John Lennon til hamingju með afmælið.
Óli Njáll  16:12| 
link
------------------

8.10.00

Varúð
Ekki fara á popeyes í kringlunni. Þessi staður er lífshættulegur og alveg örugglega salmonellubæli.
Óli Njáll  19:19| 
link

Símavesen
Síminn minn var í einhverju veseni í gærkveldi. Annaðhvort það eða síminn hans Fulgerungs. "Í augnablikinu næst ekki í símann" er leiðindasetning. Þar sem að pulsubróðir minn úr Hafnarfirðinum kom því ekki í bæinn varð ég að fara svangur heim að sofa og vaknaði því skelþunnur í morgun. En töfrablandan, Alkaseltzer og 2 parkódín, reddaði málunum að venju. Annars var helvíti gaman í gærkveldi á Wunderbar, altaf gaman að sjá vinnufélagana fulla í fyrsta skiptið og lenda í því að lagerstjórinn sér sig knúinn til að segja þér frá allri "skuggalegu" fortíð sinni. Okkar fimmtugi svíi sem vinnur í mjólkurkælinum vakti einnig mikla lukku fyrir "fimi" á dansgólfinu. En alveg helvíti gaman í stuttu máli.
Óli Njáll  19:18| 
link

Schumacher
Langbestur og ekki orð um það meir.
Óli Njáll  19:12| 
link

Afsögn
Þessi leikur við Tékka var algert hneyksli. 4-0. Halló. Ég krefst þess að þessi aumi þjálfari verði rekinn og það ekki seinna en núna. Hann er ekki starfi sínu vaxinn, búinn að tapa bæði fyrir Dönum og Tékkum og möguleiki okkar á að ná árangri er úr sögunni og keppnin rétt byrjuð. Liðsuppstilling mannsins var gersamlega út í hött, hreinlega fráleit. 4,5miljón punda varnarjaxlinn okkar er settur á Vinstri kantinn og næst besti framherjinn okkar er geymdur á hægri kantinum. Og af því að landsliðsmarkmaðurinn er meiddur þá skrapp Atli á elliheimilið Grund og náði í elsta vistmanninn til að standa milli stangana með frábærum árangri. Ég legg til að Bjarni Jóhannesson verði ráðinn þegar í stað í þjálfarastöðuna og þessum meingallaða krþjálfara verði hent nú þegar.
Óli Njáll  19:12| 
link
------------------




Powered by Blogger