7.10.00

Maður með mönnum
Hvert fór ég áðan?Jú,jú þangað sem allir nýtvítugir verða að fara strax. ÁTVR. Ég var greinilega ekki grunsamlegur um að vera undir tvítugu þannig að ég var ekki spurður um aldur, því miður. Ætlaði nú bara að kaupa eina ginflösku en ákvað að kaupa kippu af Carlsberg í leiðinni fyrst ég var á staðnum.
Óli Njáll  15:22| link

Formúlan
Hver er fremstur í formúluni í nótt. Jú jú, meistari Schumacher að sjálfsögðu. Þetta er svo lang besti ökumaður heims að það er ekki fyndið. Ef að Mclaren myndi kaupa Schumacher þá væri engin spurning hver myndi vinna þetta. Langbesti bíllinn + langbesti ökumaðurinn.Það væri ekki einusinni spennandi.
Óli Njáll  14:31| link

bepaid
Hvað varð um undrabarnið bepaid.com? Ég er nú skráður þarna og man eftir að hafa fengið 2 auglýsingar í byrjun en svo ekki söguna meir. Er þetta alveg dautt eða hvað? Ekki virðist allavega vera mikið að gera á Íslandi hjá þeim.
Óli Njáll  14:25| link

Naut
Naut er bara besti hlutur í heimi. Ég held að ég hafi þyngst um nokkur kíló í gærkveldi enda var étið allhrikalega.
Tékkar í dag. Ég spái að við töpum 3-2. Tékkar komast í 3-0 en Heiðar Helguson sækó nr.1 nær að setja 2 mörk á síðustu mínútunum. Ég vona samt að við náum að vinna.
Óli Njáll  12:17| link ------------------

6.10.00

Ba
Ég er í ónáð hjá Baldri núna, vonandi ekki mikilli. En þegar menn eru að rugla þá finnst mér ég knúinn að tjá mig. Að halda því fram að ég hafi nokkurn áhuga á að skipuleggja í smáatriðum aumt líf einhvers manns úti í bæ sem ég þekki ekki neitt, það er bull.
Ég biðst afsökunar á að kalla Baldur Badda. Ég vissi ekki að þetta væri touchy subject.
Óli Njáll  19:55| link

blablabla
Hjalti er búinn að hóta mér að gefa mér pakka um helgina. Ég veit ekki hvort það er gott eða slæmt. Ég bara vona það besta.
Óli Njáll  19:50| link

30
Þá er ég kominn á þrítugsaldurinn og má fara í ríkið. Þegar búinn að fá nokkra pakka og inboxið í símanum mínum er aumt eftir þær nauðganir sem stundaðar hafa verið á því í dag. Mér líður vel og hlakka til að borða mömmulagaðar nautalundir eftir stutta stund. Þetta er bara svo langlanglanglangbesti matur sem til er í geimnum. Mamma er besti kokkurinn og ef einhver reynir að mótmæla því á hann mig á fæti.
Óli Njáll  19:50| link ------------------

5.10.00

Sykurrófur
Bull og vitleysa
Óli Njáll  21:29| link

Baddi
Ákvað að fara að ráðum hans Baldurs og lesa grein hans aftur. Og kanski er ég heimskur en mér finnst þetta fín skilgreining á kommúnisma hjá honum. Ég allavega tengi venjulega vinstrimensku ekki við þetta. Annars er alltaf gaman að vera kallaður vaskur piltur. Það fyndna er þó að við það að lesa þetta mundi ég skyndilega eftir stórhljómsveitinni úr hafnafirðinum Kátum Piltum sem ef ég man rétt fluttu smelli á borð við "Feitar konur" og fleiri. Já, hafnfirðingar eru ekki alslæmir.
Óli Njáll  21:23| link

Þreyttur
Búinn að vinna frá því klukkan sex í morgun og kemst ekki heim fyrr en um korter yfir 9 í fyrsta lagi. Þetta er þreytandi líf. Svo er ég orðinn alveg skelfilega svangur enda ekkert borðað síðan hálf 3 í dag er 2 bæjarins bestu var sporðrennt í smáranum. Þær voru reyndar alveg helvíti góðar og kókið einnig með.
Óli Njáll  20:33| link

Ammæli
Ég á víst ammæli eftir aðeins rúmar 5 klukkustundir. jibbíkajey fyrir því. Það verður ekkert partý þessa helgina en ég er enn að spá í að halda smá partý kanski næstu helgi. undarlegur maður ég, já ég veit það. Ég veit aftur á móti að ég mun sofna klukkan 10 á föstudaginn eftir þreytu vikunnar og er búinn að plana vinnudjamm á laugardaginn, þannig að næsta helgi er fyrsti möguleiki fyrir partý.
Óli Njáll  19:49| link ------------------

4.10.00

Hjalti
Hjalti HREINN Sigmarsson verkfræðinemi er tvítugur í dag. Til hamingju með það. Þessi drengur heldur með Chelsea og mér er enn illa við alla þá sem tengjast því liði eftir síðasta sunnudag sem ég er að spá í að kalla "bloody sunday".
Óli Njáll  16:50| link

Vinnan
Ég er að fara að leita að nýrri vinnu. Jón K Boss er farinn illilega í taugarnar á mér og ég segi eins og Snorri forðum "Út vil ek".
Öll aðstoð er vel þegin.
Óli Njáll  16:46| link

Baldur
Las hann Baldur áðan og ætla að benda á eina hugsanavillu hjá drengnum:

Vinstrimennska er ekki það sama og kommúnismi.

Takk fyrir
Óli Njáll  16:44| link ------------------

2.10.00

Brandari aldarinnar...
... er tvímælalaust Samfylkingin. Þeir eru víst orðnir minni en við græningjarnir sem mér finnst óheyrilega fyndið með tilliti til þess að alltaf er verið að láta okkur líta út fyrir að vera einhver agnarsmár afturkreistingsflokkur lengst út af hinu pólitíska korti sem enginn nenni að hlusta á. Á svona stundum get ég ekki annað en velt fyrir mér skemmtilegum frösum sem þeir samfylkingarmenn hafa notað í gegnum tíðina t.d. "Mótmægi við Sjálfstæðisflokksinn" og "Samfylkingin á að sameina alla vinstrimenn". Mótvægi hahaha, 17 móti hvað 46% það kalla ég rosalegt mótvægi og meirihluti vinstrimanna er sameinaður utan Samfylkingarinnar.
Óli Njáll  20:51| link

Halló
Hver gaf leyfi fyrir því að hafa snjókomu strax í byrjun október. Ég mótmæli slíkum ruddaskap. Annars tók ég ekkert eftir þessum snjó fyrr en ég kom heim upp í Breiðholt áðan, niðri á Miklubraut tók ég bara eftir rigningu og nóg af henni. Ég vil snjóinn burt og Halim heim.
Óli Njáll  20:47| link

Liverpool
LFC voru teknir í bakaríið í gær. Ég hata Chelsea. En ég hata Westerveld þó mest af öllum í dag. En koma tímar koma ráð. Ég vil sjá PEggy.
Óli Njáll  07:28| link ------------------

1.10.00

Silfur
Horfði á fyrsta hlutann af Silfri Egils áðan. Þetta var fínn þáttur með ungliðunum. Reyndar var samfylkingar-Björgvin úti á þekju og mér fannst þetta meira einvígi milli Steinþórs og Björgins G. Ekki ætla ég að dæma um frammistöðu einstakra manna en mér finnst merkilegt hversu lítið er um svör þegar Björgvinar eru spurðir um ástæður fyrir því að þeir vildu ekki mótmæla.
Óli Njáll  15:40| link

Bull
Var að skoða síðuna mína og sé að síðasta færsla kom alveg kolbrengluð út eins og allir sjá. Undarlega við málið er það að þegar ég skoða hana á blogger þá er hún alveg eðlileg. Ég skilja ekki alveg.
Óli Njáll  15:37| link ------------------