1.9.00

CD-ROM
Það er nú merkilegt hversu margir stafir komast fyrir á einum litlum geisladisk.
Þegar maður er farinn að skrifa svona þá getur hver maður séð að manni leiðist.
Óli Njáll  16:37| link

Tölvuborð
Hefur einhver velt því fyrir sér hvað undarlegustu hlutir lenda oft á tölvuborðinu hjá manni t.d. gul gúmmíönd, skrúfjárn, clarins hreinsimaski, tómt glas, launaseðill, Dagfari, myndaalbúm, visanótur, kistill sem maður gerði í smíði hjá Þorsteini Sveinssyni í 10 ára bekk, Star wars glas frá McDonalds, skartgripaskrínið hennar mömmu og að sjálfsögðu eitt stykki dúkahnífur.
Óli Njáll  16:34| link ------------------

31.8.00

Garðabæjarbæjarstýra
Ætli þetta sé ekki bara ágætis val hjá Garðbæingum með hana Ásdísi. Allavega finnst mér hún hafa ágætis bakgrunn í starfið. Það vita náttúrulega allir að enginn annar en íhald kom til greina í starfið þó að sjálfstæðismenn neiti því opinberlega. Mér finnst reyndar að þeir þurfi ekkert að neita því. Hver myndi ekki velja mann úr eigin röðum. Það er þægilegra fyrir alla aðila að bæjarstjóri og bæjarstjórn geti unnið saman. Ekki það að mér standi ekki á sama hver stýri Garðabæ, þetta er í raun bara úthverfi Reykjavíkur og ætti að innlima ásamt hinum smábæjunum. Annars kemur það mér á óvart að kona skyldi ráðin í starfið. Mér fannst hún nú ekki hljóma skemmtilega í sjónvarpsfréttum áðan en það skiptir ekki máli. Bæjarstjóri Garðabæjar er ekki oft í fréttunum.
En það sem ég var að velta fyrir mér er það hvað hún muni fá í laun? Það kæmi mér ekki á óvart að launakostnaður Garðabæjar væri að lækka.
Óli Njáll  20:36| link

Veiðimenn
Mér finnst hálf fyndnar þessar deilur milli laxveiðimanna um það hvort réttara sé að veiða laxinn með flugu eða maðk. Hvaða máli skiptir það? Þeir eru hvort sem er allir að reyna að þurrausa árnar af fiski (enda skiljanlegt menn eru að stundum að borga á annað hundrað þúsund fyrir daginn). Síðan væla þeir endalaust hvor í öðrum um hvort er réttara.
Annars er þetta hálf undarlegt með þennan lax. Á næstum því hverju ári heyrir maður þann söng að minna sé af fiski í ánum en áður var. Samt reyna þeir alltaf að veiða eins mikið af honum og þeir geta. Og skilja náttúrulega ekkert í því hvers vegna minna kemur af fiski árið á eftir. Já, það gæti þó ekki verið að sömu lögmál giltu um vöxt laxastofnsins eins og annara fiska. Veiða minna og hann stækkar.
Óli Njáll  15:41| link

Hólagarður
Nú á víst að fara að opna Bónusvídeó í "nýja" Hólagarði þ.e. byggingunni við hliðina. Flestum finnst þetta sennilega ekki mjög merkilegt en þeir sem búsettir hafa verið hér í efri byggðum vita hversu stór atburður þetta er enda hefur húsið verið í byggingu frá því á fyrri hluta 9. áratugarins án þess að nokkur starfsemi hafi farið þar fram.(Reyndar er víst í 1 ár búinn að vera einhver vinnslustöð fyrir Domino's í húsinu og vitneskjan um hana gerir að verkum að ég skipti ekki meira við það fyrirtæki enda húsið óhrjálegt og maður myndi seint tengja það við matvælavinnslu).
Óli Njáll  15:29| link ------------------

30.8.00

Kók
Ég fékk mér kók áðan. Að vísu í dós en eki í gleri. Það kemur seinna.
Svo er skyr líka gott.
Óli Njáll  16:19| link

Geiri nakinn???
Heimdellingurinn og frelsispenninn Ásgeir Jóhannesson sendi mér póst. Þetta er nú skarpur strákur en ég bara skil ekki hvað hann er meina:
Hvað meinaru með að það sé ekki mannréttindabrot að banna fleiri nektardansstaði? Auðvitað er það mannréttindabrot. ÞAÐ ER ARGASTA MANNRÉTTINDABROT. Hvers á ég að gjalda. Ég hef hugsað mér að verða nektardansmaður þegar ég verð stór og ég vil getað unnið á Íslandi. Þú vilt að ég þurfi að yfirgefa land mitt og þjóð mína og haldi út í hinn stóra heim. Samt segistu vera þjóðernissinni!
jammogjæja
Óli Njáll  16:16| link

Lífrænt
Ég hef verið að spá aðeins í lífrænum mat. Núna er Nýkaup einmitt að dreifa einhverjum bækling um það. Ok. Mér finnst mjög sniðugt að beita þessum aðferðum í landbúnaði en ég skil ekki fólkið sem kaupir afurðirnar á 100% hærra verði en venjulegar afurðir. Tökum til dæmis grænmeti, íslenskt grænmeti. Mér finnst íslenskt grænmeti fremur gott af grænmeti að vera og alveg nógu dýrt. Íslenskt lífrænt grænmeti er samt ennþá dýrara og ég finn nákvæmlega engan mun á bragði og gæðum. Mér er persónulega alveg sama um það þó að menn noti skordýraeitur og ólífrænan áburð á grænmetið sem ég borða. Ég hef lifað það af hingað til og geri það eflaust áfram. Þess vegna skil ég ekki fólk sem borgar meira fyrir vöru bara út af því hvernig hún er ræktuð. Kanski er það bara ég sem finn ekki muninn.
Óli Njáll  16:12| link

Sigga
Sigga er byrjuð aftur. Nenni ekki að búa til link. sigridur.tripod.com
Óli Njáll  08:36| link

Vinnuleiðindi
Jæja, þessi vinnutími er farinn að vera þreytandi. Mæta klukkan 6 í vinnuna er of seint til að vera næturvinna og of snemmt til að vera dagvinna. Auk þess sem vinnuandinn í búðinni er ekkert altof góður. Ég veit ekki hvort ég nenni þessu mikið lengur.
Héldum netta æfingu í gær sem tókst vel. Borgarnesdýrið Greinar er allur að koma til eftir dapurt gengi framan af sumri og vekur vonir um sigra á komandi árum þar sem aðrir liðsmenn eru einnig að styrkjast óðfluga.
Mig langar enn í kók. ARG.
Óli Njáll  08:35| link ------------------

29.8.00

Kók
Mig langar í litla kók í gleri. Ég sé flöskuna í hillingum, ískalda. Enginn peningur. Bömmer
Óli Njáll  16:21| link

Einar
Litla krílið mitt, hann Einar, er byrjaður að blogga. Þessi drengur er mikill snillingur og mun koma inn í spurningalið VÍ annaðhvort á þessu ári eða næsta.
Óli Njáll  16:18| link

Fulgi og kapítalistinn
Um helgina var ég kona, ég er þegar búinn að greina frá þeirri lífsreynslu. En í morgun var ég allt í einu orðinn kapítalisti. Já, skjótt skipast veður í lofti. Ég er nú ekki alveg sáttur við þessa nafnbót sem Gústi gefur mér. Þannig að ég ætla að skilgreina mig aðeins pólitískt. (Ef það er þá hægt, ég er sennilega pólitískt viðrini).
Ég er VG maður. Ég aðhyllist svona netta vinstristefnu, ekki sósíalisti heldur aðeins nær miðju. Ég er hlyntur frelsi einstæklingsins í hófi(tel það t.d. ekki mannréttindabrot þó að bann sé lagt við fleiri nektardansstöðum) og líkar ágætlega við ríkisafskipti á hinum ýmsu sviðum. Einnig er ég dálítill þjóðernissinni í mér og lít á Íslendinga sem öðrum þjóðum fremri. Ég er á móti núverandi skattkerfi sem misþyrmir fólki sem reynir að vinna fyrir sér en á samt engann pening. Ég er hlyntur umhverfisvernd( þó ekki öfgastefnu, ég er t.d. hlyntur hvalveiðum), einnig er ég hlynntur því að Ísland standi utan ESB, ég er líka hlynntur því að gera róttækar breytingar á kvótakerfinu og vil þyngja refsingar við glæpum til muna. Og að lokum:
Ég trúi á heilagan anda, aðskilnað ríkis og kirkju, samfélag heilagra, fyrirgefningu syndana, Ísland úr nató og herin burt. Amen
Óli Njáll  16:15| link

Afsakið
Ég vil biðja Björgvin Guðmundsson innilega afsökunar á því ef að ummæli mín hafa sært hann. Þetta var nú bara sett fram sem góðlátlegt grín en ekki í illkvittnum tilgangi. Ég hef ávallt passað upp á í skrifum mínum að fara ekki út í skítkast og kalla menn illum nöfnum þar sem ég álít það fyrir neðan mína virðingu og þeirri stefnu hyggst ég halda áfram í framtíðinni.
Óli Njáll  08:52| link ------------------

28.8.00

NAUST
Ég verð að viðurkenna að mér finnst þetta undarleg taktík hjá Afli fyrir Austurland að ganga í heilu lagi inn í samtök andstæðinganna til að rústa þeirra starfsemi. Þetta er ámóta fáránlegt og ef Sjálfstæðisflokkurinn myndi ganga í samfylkinguna í heilu lagi og léti breyta stefnuskrá hennar og gera hana að frjálshyggjuflokki. Þetta er að sjálfsögðu fáránlegt dæmi hjá mér en í raun sama málið. Af hverju gátu þeir ekki bara verið í sínum samtökum og leyft andstæðingunum að vera í friði í sínum samtökum, og skiptir þá engu máli hvort maður er hlyntur virkjun eður ei.(Þetta orðatiltæki "eður ei" mynnir mig altaf á vídeóspólurnar þegar kallinn röflar um "hvort sem sýnt er gegn gjaldi eður ei.")
Annað sem ég var að velta fyrir mér. Hefur einhver annar en ég lent í því að allt í einu eru tveir felguboltar horfnir undan bílnum hjá manni. Mér finnst þetta alls ekki fyndið og skil ekki af hverju einhver hefur rænt af mér tveim felguboltum. Af hverju voru þá ekki teknir fjórir til að hægt væri að festa eitt dekk. Já, þetta er undarlegur heimur? Ef einhver hefur vitneskju um felguboltana mína er hann vinsamlegast beðinn um að hafa samband. Ég er að vísu búinn að kaupa nýju fyrir 370 krónur en altaf gott að eiga til vara. Hvað veit maður um hvað framtíðin ber í skauti sér.
Meistari Björgvin (og þá er ég að sjálfsögðu að tala um Björgvin Inga Ólafsson en ekki síblaðrandi heimdellinginn) notaði það sem afsökun í vor fyrir að hætta að blogga að hann væri í vinnu. Nú er skólinn að byrja og vinnan að hætta og ég skora hér með á drenginn að byrja aftur?
Óli Njáll  22:31| link ------------------

27.8.00

Blogger
Af hverju er bloggerinn altaf vondur við mig þessa dagana?
Óli Njáll  18:26| link

Gamli góði grunnskólinn minn
Ég er að horfa á Hólabrekkuskóla út um gluggann á tölvuherberginu heima. Þessa menntastofnun sem var mitt annað heimili um 10 ára skeið. Merkilegt hvað sumar byggingar eru altaf eins, það er eins og borgin vilji ekki gera við þetta gamalgróna hús sem þarf þó á því að halda. Einnig er merkilegt hvernig skólalóðin breytist. Eitt sinn iðaði hún af lífi. Krakkar í fótbolta, körfubolta o.fl. núna sést enginn þarna utan skólatíma. Krakkar eru held ég hættir að spila fótbolta, þeir eru nú til dags allir feitir aular á hlaupahjólum með buxurnar á hælunum. Sorgleg þróun. Einnig sakna ég gömlu kastalabygginganna hans Fredda gamla, sem voru rifnir fyrir nokkrum árum. Í staðinn komu svona örugg leiktæki. Þið vitið svona tæki úr marglitum plötum, ekkert skemmtilegt. Já, það er greinilegt að tímarnir eru að breytast.
Ætti ég kanski að gerast rithöfundur?
Óli Njáll  18:23| link

Chelsea
Það litla sem ég sá af Eið Smára Guðjónsen í dag gegn Aston Villa sannfærir mig um að hann á heima í byrjunarliðinu hjá Chelsea. Einnig er ég sannfærður um að T.A. Flo á heima á öskuhaugunum. Aleger auli.
Óli Njáll  18:14| link

Gunnar Dal
Mér líður eins og Gunnari Dal. Ástæðan er sé að "Í dag varð ég kona". Ég bakaði pönnukökur. Eins og allir vita er það kvenmannsverk sem helst á að framkvæmast að ömmum, mömmum og gömlum frænkum. Enda kom í ljós að ég var ekkert altof góður í bakstrinum, pönnsurnar urðu altaf of þykkar, þannig að kenningin stendur enn.

Óli Njáll  18:13| link ------------------