26.8.00

Ofurþriðjubekkingurinn
Verzló byrjar á mánudaginn. Þá munum við Hallur gettubeturliðsþjálfarar hefja leitina að ofurþriðjubekkingnum. Fyrir þá sem ekki eru kunnugir goðsögninni um ofurþriðjubekkinginn þá er það maðurinn sem er snillingur og mun vinna Gettu betur öll ár sín í skólanum. Þessi goðsögn hefur aldrei komið fram en sá komst næst því var Haukur nokkur Eggertsson sem nú leggur stund á verkfræði. Hann komst þrisvar í úrslit keppninnar og tapaði reyndar altaf fyrir MR. (Stefán Pálsson, þér verður aldrei fyrirgefið fyrir Sjöundá). Annars hitti ég þennann mann í fótbolta í dag. Mjög sérstakur en nokkuð skemmtilegur gaur, alveg stórfurðulegur. Ég held að það sé eitthvað lögmál að Gettu betur snillingar séu undarlegir.
Óli Njáll  21:38| link

Liverpool
Ég er ósáttur við Liverpool í dag að tapa niður 3 marka forskoti gegn Southampton
Óli Njáll  20:33| link

Laugardagur
Ég vil benda mönnum á afbragðs góðan pistil Geirs Freyssonar um Kínverjann Peng.
Ágúst var eitthvað að tjá sig í alveg geisilega pirruðu skapi. Ágúst þú verður að sætta þig við það að einhver sé ósammála þér og verða ekki fúll ef fólk tjáir sig um það. Ég vil setja fram nokkrar athugasemdir.
1. Casa Fiesta og heildsalarnir. Mér finnst það mjög sniðug hugmynd að kaupmennirnir á hornunum komi inn í vöruhúsin t.d. Aðföng og Búr og fái vörurnar frá þeim en ekki frá heildsölum. Öll smákaupfélögin úti á landi verzla nú við Búr sem lækkar þeirra kostnað við vörukaup um miljónir á ári. Ef að vöruhúsin gætu flutt fleiri vörutegundir beint inn án viðkomu hjá heildsala þá myndi verð til verzlana lækka ekki bara Baugsófreksjunnar þinnar heldur hinna líka. Það myndi stuðla að betri afkomu kaupmannsins á horninu.
2. Baugur hf. stendur ekki í neinni spriklstarfsemi og stendur ekki til. Þó að Jónína ben unnusta Jóhannesar í Bónus reyni að leggja undir sig spriklið er það Baug algerlega óviðkomandi.
3. Það kemur mér undarlega spánskt fyrir sjónir að kapítalistinn Fligering sé ósáttur við fjölgun fataverzlana hér á landi. Samkeppni á þessum markaði hefur verið ansi lítil hingað til og mestur hluti tízkumarkaðarins í höndum 17 grúppunnar sem ég man ekki skammstöfunina á. Aukið úrval og meiri samkeppni kemur neytendum til góða. Það sér hver heilvita maður.
4. Ég er búinn að fá nóg af Ping en vil aðeins benda á einn hlut áður en ég hætti að tjá mig um málið. Þetta gerðist fyrir 11 árum, hefði ekki verið sniðugra að mótmæla enn meira þá en gert var. Það þýðir ekkert að koma löngu seinna með einhver mótmæli. Það að reyna að einangra Kínverja hjálpar ekki lýðræðissinnum. Lítið bara á t.d. á ástandið í Írak.
5. Bónus mun að sjálfsögðu ekki verða einn á matvörumarkaði í framtíðinni. Það stangast á við lög. Auk þess sem það væri ekki mjög sniðugt af þeim að henda út þeim vörum sem viðskiptavinirnir vilja kaupa. Það er eftirspurnin sem ræður vöruúrvalinu í matvörubúðum. Ástæðan fyrir því að Pepsi er ekki selt í Bónus er sú að 99,9% landsmanna er nákvæmlega sama um það.
Óli Njáll  20:30| link ------------------

25.8.00

Enn af blessuðum Li Peng
Jæja, þessi ágæti Kínverji er farinn að verða þreytandi og ég er búinn að fá nóg af honum. Samt get ég ekki sleppt því að svara skipstjóra dallsins sem varpar fram spurningu í dag?
Var barátta lýðræðissinna til einskis? Já. Ég sé ekki að aðgerðir þeirra árið 1989 hafi skilað miklum árangri. Þeir voru murkaðir niður og lýðræðisþróun í Kína hefur ekki verið mjög mikil að því ég best veit. Allavega hafa Falung Gong (ég vona að ég skrifi þetta rétt) menn ekki fengið mikið frelsi hjá þarlendum stjórnvöldum. Peng og félagar gerðu það sem þeir töldu að þyrfti að gera til að halda völdum og það tókst.
Ég vil einnig benda mönnum aðeins á mismuninn á Kínverjum og vesturlandabúum. Lýðræði og mannréttindi eru hugtök kominn frá vestrænu samfélagi. Kínverjar þekkja ekkert slíkt enda verður hvorki kínverska kommúnistaflokknum, Koumingtang eða fyrrum keisurum landsins líkt við vestræn lýðræðisöfl. Einnig er skilyrðislaus hlýðni við yfirboðara sína mjög rótgróin í kínverska þjóðarsál enda aðhillist stór hluti landsmanna kenningar Konfúsiusar sem m.a. boðar þessa hegðun. Enda er það ekki almenningur í Kína sem berst gegn stjórnvöldum heldur nær eingöngu ungt menntafólk sem er frekar lítill hluti þessarar þjóðar. Li Peng og félagar voru því aðeins að stjórna í ljósi rótgróinna hefða þegar þeir ákváðu að útrýma mótmælendum á torgi hins himneska friðar.( Já ég nota íslenskuna bara, þarf ekkert að þykjast meiri maður með því að skella útlenska nafninu á þetta). Ég er ekki að segja að það réttlæti þessi morð, enda hef ég aldrei sagst vera mjög hlynntur þessum manni, heldur einungis að benda á þjóðfélagslegan mun sem er á íbúm Kína og vesturlanda. Og ég skil nokkuð vel að kínversk stjórnvöld vilji ekki taka upp þá mannréttindastefnu sem hinn vestræni heimur reynir að þröngva upp á þá. Það boðar ekki gott að reyna að troða skoðunum sínum upp á aðra, sem eru vanir öðrum gildum og siðum, í óþökk þeirra.
Óli Njáll  19:50| link

Gettu Betur
Illugi Jökulsson kominn aftur í dómarasætið. Ég fagna því heilshugar .
Óli Njáll  19:31| link

Gústi
Skjóta mig í fótinn. Nei, ég held nú ekki. Maður getur syrgt það gamla þó að maður lifi og hrærist í nútímanum, kallinn minn. Auk þess sem heildsalar á Íslandi eru virkilega til travala. Þeir hækka vöruverð á Íslandi um tugi prósenta, fer eftir hvers konar vöru um ræðir. Annars skil ég ekki af hverju þú setur link á danól sem er nú mín uppáhaldsheildsala eða réttara sagt sú eina sem hægt er að skipta við og veitir almennilega þjónustu.
Auk þess sem ég undrast þetta röfl þitt um bónusfeðga enda skiptir Lúllabúð þá litlu máli enda með veltu á við 1/50 af Hagkaupsbúð. Ég held að þú þurfir að láta af þessu hatri þínu á Baug því það skaðar bara sjálftan þig fjárhagslega. Það er fásinna að verzla í 11-11 frekar en Bónus og vera tilbúinn að borga 50% hærra vöruverð bara af því að Bónus selur ekki Pepsi max.
Óli Njáll  08:45| link ------------------

24.8.00

Maddamman
Ég gleymdi næstum að minnast á maddömmu þeirra framsóknarmanna. Þeir líkja Li Peng við Hitler og Stalín. Mig minnti nú einhvern veginn að heimstyrjöldin síðari hafi nú verið stærri í sniðum og skelfilegri en voðaverkin hans Pengs. En gloppurnar í söguþekkingu framsóknarmanna koma mér ekki á óvart.
Óli Njáll  21:11| link

Geir
Jú jú vissulega eru það Reykvíkingar sem borga brúsann. Það veit og sér hver heilvita maður. En ég held að lesendur frelsis.is séu í flestum tilfellum eitthvað inni í stjórnmálum og séu (jafnvel) hugsandi fólk. Það þarf því ekki að varpa fram aulaspurningum(afsakið að ég taki svona til orða) um jafn einfalda hluti og þetta?
Óli Njáll  20:59| link

Peng
Hann Tomas var eitthvað ósáttur við gagnrýni mína á kursk svo að ég skal útskýra aðeins betur. Ég var nú bara ekki búinn að lesa neina aðra netmiðla í dag og fór því og skoðaði grósku og andríki eftir að hafa lesið pistilinn hans Tómasar og mér finnst mótmæli þeirra alveg jafn ógáfuleg og frelsissíðunnar. Einnig leit ég við á múrnum sem tjáði sig ekki um málið. Mál þetta er bara stormur í vatnsglasi að mínu mati. Ég þakka Tómasi samt fyrir pistilinn.
Óli Njáll  20:53| link

Menningarsjokk
Ég er í sjokki. Stoðunum hefur verið kippt undan tilveru minni. Heimsendir nálgast óðfluga.
Jæja, ástandið er ekki alveg svona slæmt en slæmt samt. LÚLLABÚÐ ER HÆTT. Mér finnst þetta einn mesti sorgaratburður í langan tíma í lífi mínu. Enn og aftur er gamli kaupmaðurinn á horninu að gefast upp. Bráðum mun þessi tegund kaupmanna heyra sögunni til og þar með hverfur að mínu mati mikilvægur þáttur í sögu landsins.
Annars rambaði ég inn á síðu dallsins sem ég er að hugsa um að kalla Kursk í framtíðinni. Ég hef jafnmikið álit á báðum. Ég fatta nú ekki þessi læti í þeim yfir því að Li Peng sé að koma til landsins. Hvað vilja þeir eiginlega? Viðskiptabann á Kína? Hernaðarinnrás Íslenska hersins í Kína? Ég held að kínverjarnir myndu deyja úr hræðslu (en sennilega meira úr hlátri). Ég er að vísu alveg sammála þeim um að þessi maður er ekkert altof vandaður pappír en tilgangslaust röfl kemur engu til leiðar. Íslendingar græða ekkert á því að fara einir og óstuddir út í aðgerðir gegn kínverjum nema það að viðskiptasambönd myndu glatast. Mun gáfulegra væri að hvetja til einhvers konar fjölþjóðlegra mótmæla eða refsiaðgerða ef aðrar þjóðir væru tilbúnar að taka þátt í þeim. Einnig vil ég dást að spurningakeppninni þeirra um flugeldana. Eru þeir að athuga hversu margir bjánar koma á síðuna eða hvað? Ég verð að viðurkenna að ég sé ekki tilganginn með spurningunni.
Óli Njáll  18:56| link

Bókabónus
Fræbær hlutur fjárhagslega að vera búinn í Verzló. Maður græðir peninga á því að selja bækurnar sínar. Gróðinn í ár nemur yfir 20.000 kr..
Núna er svo að styttast í helgi og ég fer í klippingu í dag og er að hugsa um að fá mér strípur líka. Kostar pening en á móti kemur að ég fann 5000 kall um daginn sem dugar fyrir þessum kostnaði. En fyrst talið beinist að klippingu þá var ég að velta fyrir mér svolitlu með karlklippara. Það er merkilegt hvað margir halda að karlmenn geti ekki verið klipparar án þess að vera hommar, t.d. hún Sigga sem er sann færð um að klipparinn minn og allir 3 sem vinna á stofunni séu hommar og það skiptir hana engu máli þó að þeir séu að ég held allir giftir.(allavega 2 þeirra). Sérstaklega er það þó manngreyið Fausto Bianci sem hún grunar um hommaskap. Bara af því maðurinn heitir Fausto og er klippari.(come on, maðurinn er ítali). Ég er algerlega ósammála þessum fordómum og það sem meira er mér er alveg sama hvort að þeir séu hommar. Þeir mega vera leðurhommar þess vegna bara ef þeir sinna sínu starfi vel.
Hvernig væri annars að hafa skoðanakönnun um þetta? Eru karlklipparar hommar? Já eða nei.
Óli Njáll  08:40| link ------------------

22.8.00

Bloggbeljan
Bloggbeljan að stríða mér. Ekki fallega gert.
Óli Njáll  18:29| link

Skandall
Graham Poll á ekki að dæma knattspyrnuleiki. Þetta er heilagur sannleikur sem ekki er hægt að mótmæla. Að vísu verður að viðurkennast að Liverpool voru ömurlegir í gærkveldi en dómarabj... eyðilagði leikinn algerlega.
Annars var Hallur vinur minn skráður í sjálfstæðisflokkinn á dögunum án þess að sækja um sjálfur og án þess að hafa nokkurn áhuga á því. Merkilegt með sjálfstæðismenn að þeir bara skrá hina og þessa í flokkinn til að fjölga sér. (Ásgeir, þú ert grunaður um þetta). Annars finnst mér það undarlegt að hægt sé að skrá fólk í stjórnmálaflokka án þeirra samþykkis. Það ætti allavega að vera gerð krafa um undirskrift. Ég veit allavega að ég yrði ekki sáttur ef ég yrði skráður í íhaldið án samþykkis.
Óli Njáll  08:42| link ------------------

20.8.00

Sunnudagur
Það er kominn sunnudagur. Sunnudagar eru afslappidagar þá gerir maður lítið. Annars var helgin góð. Við Sigga kíktum á Amigos á föstudaginn. Snilldar veitingastaður það, sérstaklega syngjandi mexíkaninn og ótrúlega mikið magn af mat á diskunum. Í gær átti síðan að vera menningarkvöld(nótt). Það fór eitthvað út um þúfur. Fórum í staðinn í partý í Dúfnahólum 10 (Þrastarhólum ??) til hans Egils krulluhaus. Þar horfðum við á flugeldana en eftir ca. 4 rakettur var kominn svo mikill reykur að við sáum ekki neitt. En algert snilldar partý hjá Agli og hann fær ***. Að lokum kom gústi fulgi og við fórum í bæinn. Öll menning greinilega löngu búinn og venjuleg íslensk drykkjumenning í óvenjulega miklu magni kominn í staðinn.
Ég verð að viðurkenna að ég framdi synd í gærkvöldi. Ég sveik bæjarins bestu og fór í staðinn í pulsuvagninn á torginu. Stór mistök. Guð refsaði mér og gaf mér viðbjóðs pulsu.
Annars talar gústi um að Hjalti vinur minn sé eitthvað klikkaður. Að vísu alveg rétt hjá honum en Hjalti var samt með skársta móti í gær. Þegar þessi drengur er hvað verstur þá slær hann flest alla út í perraskap og geðveiki. (Ok kanski ekki Geirag)
Óli Njáll  15:33| link ------------------