26.7.03

Rokk (ekki) í Reykjavík
Rugguhestur og Uxakerra verða til sýnis í kvöld þar sem sænskir söngvar og fögur fljóð munu halda uppi stemmingu fram á rauða nótt. Helstu frumkvöðlar landsins á helstu sviðum menningarlífsins munu leiða saman hesta sína og gera einhvern óskunda. Jújú, partý hjá Tona, rétt er það. Magnað stuð í vændum enda kann drengurinn að halda partý.
Óli Njáll  18:39| link

Af gamlingjum
Afmæliskveðjur eru sívinsælt bloggefni. Tvíburarnir Ármann og Sverrir áttu afmæli um daginn, til hamingju með það. Öllu merkilegra er hins vegar að bróðir minn Þorgeirsboli átti afmæli í gær. Til hamingju með það. Svo stakk hann bara af úr bænum til að reyna að sleppa við að bjóða manni í kaffi og kökur, en ég gefst ekki upp í þeirri baráttu. Menn eiga vitanlega að gera vel við gesti á afmælum. Allavega mig.
Óli Njáll  13:11| link

Ég hef aldrei...
...tekið strætó á Hofsvallagötunni. Nauðsyn er þó að kanna það mál ef ég ílengist í þessu hverfi. Eftir margra ára einkabílsnotkun er ég nefnilega farinn að taka Strætó aftur í sátt. Ekki það að ég ætli að gerast reglulegur farþegi, samt ágætt að kíkja öðru hverju í strætó. Litli frændi minn Halldór er mesti strætófan á jarðríki. Við ætlum saman í strætó í næstu viku. Það verður bara gaman.
Óli Njáll  13:09| link

Nýtt lið
Bráðum verður hægt að tala um nýja ofurgrúppu, hún nefnist "Þórir og fiskarnir fjórir".
Óli Njáll  13:06| link

Stórstríð og annar óskapnaður
Spilakvöld í gær með Anton, Þóri og Skúla. Góðu kallarnir (augljóslega ég og Anton) sigruðum öxlulveldin í Axis&allies, þrátt fyrir að spilað væri með extra sterk öxulveldi. Erum við því augljóslega framtíðarefni í herforingja Íslandshersins ógurlega. Eða ekki, seint mun ég ganga í það apparat.
Partý í kvöld, það verður bara gaman. En í dag verður lítið afrekað, nema kannski lakka eitt borð eða svo. Já, ég er orðinn svaka duglegur í seinni tíð. Þarf líka að ná í bílinn minn, ble.
Leiknir heldur áfram að rústa 3. deild og Valur stefnir að sama skapi niður úr Úrvalsdeild. Ég hata nafngiftina Úrvalsdeild, eina sem það áorkar er endalaust vesen við að útskýra við hvað maður á þegar maður talar um deildakeppnina. Ha, fyrsta deild, meinaru gamla önnur? Jújú, þetta kannast allir við sem talal um fótbolta. Af hverju er þetta ekki lagað hið snarasta?

Óli Njáll  13:05| link ------------------

23.7.03

Hagnýt íslenska
Stórfyndið að í einhverju fyrirbæri sem kallað er hagnýt íslenska er kenndur kúrsinn íslenskt mál að fornu, gagnsemi slíks náms er tvímælalaust gríðarleg í daglegu lífi.
Óli Njáll  14:20| link

Logi
Ekki hef ég heyrt neitt í félaga Loga í allnokkurn tíma. Kannski herra Anton Karl geti bjargað því fljótlega...
Óli Njáll  11:27| link

Party
Ó já, það er sko útlit fyrir alveg hörkudjamm um næstu helgi. Ég veit þó um íbúa viss fjölbýlishúss sem munu eflaust upplifa það djamm á vondan hátt, rifja upp gamlar vondar minningar um fyrri óskunda íbúðareigandans og gera heiðarlega tilraun til að gráta sig í svefn áður en þau kalla á lögregluna. Ég mun hins vegar án efa skemmta mér konunglega.
Í gær fór ég út í fótbolta, meðspilari minn var mjög óviss um hvort fótbolti eða rennibraut væri skemmtilegri og úr varð eins konar rennibrautafótbolti. Einnig var nauðsyn að prófa alla 6 fótboltavellina á svæðinu.
Mánaðarmótin júlíágúst að nálgast, leiðinleg sökum þess að ég fæ enga útborgun:( Mánaðarmótin þar á eftir fæ ég hins vegar borgað tvöfallt, þau eru mjög skemmtileg.
Ég er að bræða með mér stórar ákvarðanir.
Óli Njáll  11:26| link ------------------

22.7.03

Flúðir
Ég fór á Flúðir í gærkvöldi í dýrindis grillmat, svínalund og fleira góðgæti þar á boðstólum. Það er því búinn að vera mikill þeytingur á mer enda var ég í fyrradag í Stykkishólmi. Svona stutt ferðalög eru fín, kannski fer maður fleiri slík í sumar. Annars langar mig einnig að komast á Vestfirðina, langt síðan maður kom þangað síðast.
Í morgun lét ég svo skoða í mér augun, þau eru í ágætis standi og hafa aðeins versnað um 0,25 á 5 árum. Ásættanlegt og kannski maður skelli sér bara í aðgerð til að eyða þessu með öllu.
Bíllinn minn ástkæri fór í eftirlit á föstudaginn og fékk nýja reim og sitthvað fleira. Er ég kom að sækja hann beið mín reikningur upp á 74000 krónur. Ég harðneitaði að borga og var tilbúinn að láta öllum illum látum yfir svínslegri græðgi starfsmanna Heklu. Tókst að lækka reikningin niður í 46000 krónur að lokum og undi sáttur við minn hlut. Nýju tryggingariðngjöldin af bílnum hafa einnig verið greidd, Sjóvá vill 64000 krónur meðan að VÍS vildi 200000 krónur, já maður lætur ekki bjóða sér slíka frekju. Þeir eiga bara að vera stolltir og glaðir yfir því að ég vilji tryggja hjá þeim enda er ég mikill fengur sem tryggjandi.
Óli Njáll  11:44| link ------------------

21.7.03

Uppgjör helgarinnar
Það var meira krikket á Laugardaginn og aftur töpuðum við, að þessu sinni 132-129. Þeir áttu 5-6 lok eftir þegar þeir náðu okkur, bömmer. Maður leiksins var þó tvímælalaust Alex Dean sem kom inn á þegar Kylfan var 12 fyrir 6 og skoraði rúm 50 stig. Þess má til gamans geta að ég stóð ekki mjög lengi, 4 hlaup úr 4 boltum. Lét fyrstu 2 fara, bombaði þann þriðja fyrir fjarka og var svo gripinn sökum ofmetnaðar og barnslegs ákafa. Mitt batting average er því 13 í international leikjum sem er nú ekkert agalegt. Einnig þyki ég minna á meistara Adam Gilchrist í því að bomba á allt sem hreyfist enda er scoring rate hátt í 100 hjá mér, 13 stig úr 14 boltum.
Í þessum sama leik tók ég einnig mitt fyrsta alþjóðlega wicket og er því aðeins rúmlega 400 á eftir Murali. Skilaði tölum upp á 3-0-25-1, já svoldið expencive en average upp á 25 er tvímælalaust stórgott.
Um kvöldið var svo veisla í breska sendiráðinu og tjamm á eftir, alls ekki leiðinlegt. Jafnframt er í burðarliðnum ferð Kylfunnar til Englands næsta sumar þar sem Effigies verða sóttir heim og jafnframt farið á leik Englands og Vestur-Indía. Það verður bara kúl. Já, kúl,kúl,kúl, Krikket er kúl!!!!!
Óli Njáll  10:25| link ------------------