30.11.02

Egilsstaðagimp
Hvað á þessi færsla að þýða? Megi himnarnir hrynja ofan á hundingja þennan og alla hans ætt.
En þessi dagur er á góðri leið til helvítis. Eins og allir aðrir um þessar mundir:(
Óli Njáll  17:30| link

Á heilanum
Áðan datt inn í hausinn á mér lag sem Ólafur nokkur Hvanndal kynnti fyrir mér og fleirum í útilegu í sumar. Gott ef það er ekki eftir bróður hans eða eitthvað ámóta. Texti lagsins verður ekki gefinn upp hérna enda á efni hans ekkert skylt við öll almenn velsæmismörk. Ég vil gjarnan gleyma þessu lagi aftur og er jafnvel tilbúinn að kyrja Hemma gunn og dengsa ef það hjálpar mér í því. Já, jólatré úr hrífuskafti og vír.
Í dag koma svo víst framboðslistar sjallans í ljós á hinum ýmsu stöðum. Ég bíð og vona að þeir tefli fram karlaklúbbi Geirs í mínu kjördæmi. Annars er ég gríðarlega ósáttur við tilkynningu Sigursteins Mássonar um að hann ætli ekki í framboð. Nú tel ég það heilaga skyldu allra góðra manna að leggja ofurþrýsting á málið og fá hann til að breyta afstöðu sinni. Ekki vil ég sjá aldraðan æringja leiða sv-kjördæmið. Talandi um aldraða æringja. Hvaða flottu persónur eru aðalhetjurnar í samnefndri bók?
Óli Njáll  12:46| link ------------------

29.11.02

Ríkur
Líkt og Ágúst fékk hugmynd til að verða ríkur fékk ég það líka. Ég keypti mér getraunaseðil fyrir 480 kall. Á morgun mun ég eiga miljónir.
Óli Njáll  21:05| link

9,0
Ég mun ekki geta látið sjá mig á göngum VÍ eftir að 4-E hlaut 9,0 í meðaleinkunn í dag. Það er samt bara vonandi að þeim gangi jafnvel á jólaprófinu.
Óli Njáll  14:44| link

Nagli
ég hafði boðað léttan nagla hjá 4-E í morgun. Verst að ég gleymdi því sjálfur og mætti því í tímann án þess að hafa samið neinn nagla. Sem betur fer tvöfaldur tími þannig að eg gat bara haft hann í seinni tímanum og samið hann í frímínútum. Af niðurstöðunum að dæma var hann nokkuð léttur, ég held að meðaleinkunninn liggji í 9,0:(
Óli Njáll  11:32| link

Svefn
Suma daga er erfiðara að vakna en aðra. Ég var ekki að meika það að fara á fætur áðan, langaði að sofa til hádegis. Í staðinn verð ég geðvondur í vinnunni í allan dag.
Óli Njáll  08:05| link ------------------

28.11.02

Vælið
Áðan fór ég á Pepsivælið (einhvern tímann hét það verzlóvælið) og skemmti mér alveg konunglega. Atriðin voru hvert öðru betra og alveg stórkostlegt að sjá alla þessa talenta sem leynast í besta framhaldsskóla landsins. Umgjörðin öll var mjög flott og eiginlega allt pottþétt í alla staði. Ég var þó að vanda ósáttur við úrslitin, en það stafar aðallega af því að ég hélt að sjálfsögðu með mínum nemendum sem tóku þátt(sem augljóslega unnu ekki). Reyndar hef ég þá kenningu að sigurlagið hafi unnið vegna bassaleikarans sem er úr hinum kyngimagnaða bekk 4-X. Vinkona mín Telma úr 4-H átti frábært atriði sem Shakira og náði bronsverðlaununum og stefnumót með Magga Kjartans að launum. Grímur litli úr 3-G komst ekki á pall. Flottasti kórmeðlimurinn var að sjálfsögðu Stefán Einar Stefánsson, stórtenór. Ég vil einnig taka það fram að mér þótti Crikus geira smart magnað atriði og sömuleiðis fannst mér Sturla? vera öflugur með frumsamið lag.
Besti brandari kvöldsins hjá kynnum keppninnar: Hvað segir Baldur Sveinsson við þig þegar tölvan þín hrynur í prófi? Alltaf að vista, beibí!
Þetta þótti þunglyndum vélritunarkennurum mjög svo fyndið:)
Óli Njáll  23:51| link

Hjálp
Menn skulu ekki halda að ég taki þátt í einhverjum rökræðum á levelinu beta vs. katrín. Ég hef nefnilega einfaldann smekk og vel aðeins það besta, ég les bara blogg hjá fólki sem mér af einhverjum ástæðum finnst áhugavert og til þess verður fólk að segja eitthvað af viti og það á skiljanlegu máli.
Áðan fékk ég bréf frá LÍN þar sem krafist er skattframtalsins míns frá síðasta ári, væntanlega til að þeir geti verið vissir um að ég sé ekki að svíkja út úr þeim lánið sem þeir reiknuðu handa mér krónur 919000 í mínus. Já, ég held ég svíkist bara um að skila þessu.

Óli Njáll  17:49| link

Kex
Getur einhver sagt mér hver fékk þá vondu hugmynd að minka kremkexið frá Frón og setja það í nýjar umbúðir. Slík landráð verða ekki liðin til lengdar. Ég krefst þess að gamla góða kremkexið komi aftur.
Nú blogga ég í tölvunni hans Tona sem er týndur. Kanski að svartleðraði vélritunarkennarinn hafi náð honum!!!
Óli Njáll  14:45| link

Íslandssaga
Nú fer að hefjast kennsla mín í íslandssögu. Ég er að velta fyrir mér hvort ekki myndi mælast vel fyrir að taka til kennslu stórvirkið Upp er boðið Ísaland og einskorða kennsluna við einokunarverzlunina. Jamm...
Óli Njáll  11:11| link

ble
Ég nenni ekki að kenna í dag, langar miklu fremur að lesa smá um Gorba í viðbót. Svo í kvöld skylst mér að það sé vælið eftir að Anton ákvað að ég væri að mæta þangað. Það verður eflaust ágætt, fullt af laglausum og fölskum krökkum að syngja. Það má hafa gaman að því.
Óli Njáll  08:11| link ------------------

27.11.02

Aumt
Hvað segir það um ömurleika einnrar manneskju að reyna að gera lítið úr annari manneskju með þeim rökum að hún kunni ekki tegrun og hafi ekki klárað framhaldsskóla? Aldrei hef ég lent í samræðum um tegrun úti á götu og þurft að skammast mín fyrir það að kunnátta mín í því fagi er ekki góð. Ég myndi ekki vilja lenda í umræðum um tegrun því hversu leiðinlegur þarf viðmælandinn að vera ef tegrun er efst í huga hans þegar kemur að vali á umræðuefnum. Reyndar getur verið að raungreinafólki finnsti það áhugavert, sambærilegar hugvísindasamræður yrðu þá væntanlega um mismunandi uppsetningar á heimildaskrám. Mér finnst það ekki hljóma neitt betur þó ég telji mig alveg skammarlaust geta tjáð mig um það.
Annars er þetta nú bara augljóst dæmi um óþroskaðan og óvandaðan persónuleika hjá þeim sem svona ritar. Og honum er vorkunn.
Óli Njáll  23:55| link

Jóladjamm
Sagnfræðinemar eru tímanlega í hlutunum og búnir að taka frá Vídalín þann 21. des. Nú er bara að sannfæra íslenskunema um að það sé flottasti staðurinn. Svo hef ég frétt að hr. muzak verði þar að spila. Kanski ég hagi mér eins og grúppía og láti öllum illum látum.
Ég er búinn að vera öflugur í Gorba í kvöld. Þetta er allt að mjakast.
Óli Njáll  22:49| link

Kvöldmatur
Minn kvöldmatur samanstóð af samloku, jógúrt og salati úr dós.
Jógúrt fær mig alltaf reglulega til að minnast gamals brandara úr Fláráði stórvésír þar sem Mongólar voru á ferðinni og endalaus ruglingur á Júrt og jógúrt. Já, það er sko fyndið.
Óli Njáll  19:43| link

Vitleysa
Af hverju lagði ég mig í dag og eyddi þar með dýrmætum 2 klukkutímum? Ég er hoppandi illur út í sjálfan mig.
Hversu ókúl er það að krefjast ekki tilvísanna í ritgerðum? Það þykir mér vera örm vinnubrögð.
Óli Njáll  17:00| link

Abú
Þá er önnin að klárast og ég fór í minn síðasta tíma í dag. Ég þarf því ekki að mæta í tíma næst fyrr en 14. janúar eða eitthvað ámóta. Ég á hins vegar einhverjar ritgerðir eftir:(
Ég fór á Ara í gær með einhverjum rafvirkja. Eitt gott ráð hef ég handa þannig fólki, ef þú ert að útskýra einhvern hlut þá er orðið fourier-vörpun ekki gott til þess að gera hlutina auðskiljanlega. Laplace hjálpar heldur ekki mikið. Á Ara hittum við Kristbjörn sem var svekktur að heyra að léttlyndu lettlendingarnir væru bara djók.
Annars fékk maður nettan jólafíling í gær í bænum, röltandi laugavegin um kvöldið og jólaljósin úti um allt. Mér hlakkar til jólanna.(mér veit að þetta er vitlaus setning). En þægilegt kaffihúsakvöld í lok erfiðs dags er alltaf gott. Mér fílar nefnilega líka kaffihús.
Endum þetta sunudrlausa blogg með tilvitnun í Svarta dauða: "sko, munurinn á mér og þér Bryndís er að þú ert búin að vera að læra í allt haust meðan ég hef bara verið að krúsa með gellum, ýkt flottum 16 ára gellum". Við þessi orð sprungum við Palli úr hlátri.
Óli Njáll  14:21| link ------------------

26.11.02

Móri
Áðan hélt ég í smástund að ég hefði fundið Móra í Verzló. Eftir sekúndubrots umhugsun komst ég þó að því að þarna var um að ræða nemanda sem sat í hnipri úti í horni á myrkvaðri fjórðu hæðinni en ekki Móri. Móri hefur eflaust ekki verið vaknaður enda var klukkan einungis 19.
Ég hef áhyggjur af geðheilsu vissra manna, maður sem lætur sér detta í hug fyrirbærið svartleðraði vélritunarkennarinn hlýtur að eiga við vandamál að stríða.
Ég hef aldrei klæðst leðri á vélritunarkennaraferli mínum nema ef skór eru taldir með.
Óli Njáll  21:40| link

Af dugnaði í tímum
Svansonin bendir á bloggþörf mína í tímum Gísla Gunnarssonar. Hann reyndar fer ekki alveg með rétt mál því ég hef einungis tvisvar bloggað í hagsögutímum, ástæða þess er reyndar sú að mestalla önnina hefur verið ólag á einhverju netdrasli(skylst það sé kallað hub??) á efstu hæðinni og ég því ekki komist á netið. Annars er það góð iðja enda þarf maður lítið að glósa í tímum hjá Gísla, ágætt að fylgjast með með öðru eyranu og slappa af.
Óli Njáll  19:19| link

Hér er ég í tíma hjá Gísla og hér er líka herra Svansson, hann hefur nú ekki oft sést en er greinilega að taka sig á hér í lok annarinnar.
Annars er rétt að greina hér frá kennslulokafagnaðarsamkundu Fróða á föstudaginn þar sem fróðaliðar hyggjast skemmta sér í síðasta skipti fyrir próf. Skemmtileg skemmtiatriði verða svo sem baltneski dansflokkurinn Léttlyndu lettlendingarnir, Guðhjörtur Snót verður með upplestur og Sambó slær á létta strengi.
Nú styttist í próf, úffpúff segi ég nú bara.
Óli Njáll  15:48| link

Bambi
Ég var að átta mig á því að langt er síðan ég hitti hann Bamba handboltaþjálfara síðast. HVað skyldi kallinn vera að gera núna? Kannski fluttur til Króatíu, eða dauður úr elli? Ef einhver veit hvað Bambi, Slavko Helgi Bambir, er að gera má hann senda mér póst. Ég sakna kallsins.
Óli Njáll  11:01| link

Flaska
frh. Jú, flaskan var búin. Ég fékk mér því vatn.
Í nótt svaf ég lítið, það leiðir til mikillar þreytu núna og hugsanlegs skróps hjá Sveinbirni Rafnssyni. Þó finnst mér ekki sniðugt að skrópa vikuna fyrir próf.
Óli Njáll  07:56| link ------------------

25.11.02

Glas
Fyrir framan mig er tómt glas, í því var áðan pepsi max en nú er það búið. Nú langar mig í meira. En ég held að flaskan sé búin líka. Nú er illt í efni, hvað skal til bragðs taka? Best að hugsa málið ítarlega
Áðan var ég í fótbolta. Sumir eru virkilega að vinna sér inn eina góða skriðtæklingu með því að vera fífl. Njallinn reynir þó að halda aftur af sér þótt vissulega viti hann fátt skemmtilegra en að jarða menn með tveimur löppum. Eins og Neil Ruddock var þekktur fyrir "Brake his leg in the first tackle"
Óli Njáll  23:19| link

Yfirlýsing frá konungi
Nú þykir konungi sem hundingjar séu farnir að færa sig full mikið upp á skaftið, þannig mönnum er hent í útlegð af hinum alvalda konungi. Konungur gerir þetta að vísu með trega enda er honum gersamlega óskiljanlegt hvernig slíkur fantur og fúlmenni getur verið náskildur sjálfum stallara konungs. Konungur telur sig þó nú hafa fengið sönnun á því að genaskipting líkt og sú sem sást hjá tvíburunum í hinni ágætu mynd "Twins" á sér stoð í raunveruleikanum. Konungur vill að það komi fram að þrátt fyrir þessa atburði ber hann fullt traust til stallara síns sem tvímælalaust er einn fróðasti og besti maður konungsríkisins.
Konungur kynnir til söguna nýja þegna sem öðlast hafa sæti við hirð konungs. Annars vegar hinn kyngimagnaði Stefán Einar en sá mæti maður er í raun pólitískur vegvísir konungs, konungur tekur alltaf öndverða stefnu við hann. Hinn maðurinn er hinn eini sanni Gneisti. Um hann er fátt að segja enda hefur hann aðeins gengið fyrir konung 2 sinnum ef minni hans brestur eigi. Hann er skipaður menningarfulltrúi konungs eftir góða umfjöllun um hina mögnuðu hljómsveit Queen.
Óli Njáll  16:56| link

Sagnfræðin
Áðan kom til mín myndarleg dama og spurði hvort hún gæti fengið skirteini. Síðar kom í ljós að hún hafði ekki gengið í Fróða og einnig kom í ljós að hún var ekkert að biðja um Fróðaskirteini heldur nemendaskirteini, völd mín eru nú ekki alveg svo mikil.
Óli Njáll  13:21| link

Potter
nei, ég er ekki búinn að sjá Harry Potter. Fátt er ólíklegra en að ég fara fyrstur manna á slíkar myndir þar sem einungis krakkagríslingar og annar skríll láta sjá sig á fyrstu vikunum. Ef ég ákveð að fara á myndina þá verður hún eflaust kominn í sal sem rúmar ca. 20 manns eða eitthvað í þá áttina.
Óli Njáll  10:54| link

PP
Sá endursýndan popppunkt í gærkvöldi. Svakalega er Rokkslæðan óaðlaðandi hljómsveit og söngvarann í svörtum fötum þoli eg eigi. En það er gaman að punktinum.
Óli Njáll  08:13| link ------------------

24.11.02

Næturgestur
Aðfaranótt laugardagsins fékk ég næturgest í mitt stóra rúm. Sjaldan hef ég kynnst jafn plássfrekri dömu en alla nóttina hékk ég úti á kanti og gat mig varla hreyft. Einnig fékk ég reglulega lappir í hausinn enda virtist hún þurfa að prófa hinar ýmsu svefnstellingar og sneri sér því ansi oft við í rúminu, 360 gráður eða jafnvel meira. En þar sem hún Agnes frænka mín er yndislegur krakki þá fyrirgefst henni þetta alveg. Hún er sko 4 ára.
Óli Njáll  22:33| link

Gleði
Nú er ég með excelverkefnabúnka í annarri hendi og 7 bækur um Gobatsjof í hinni. Já, þetta rokkar. Að lokum mæli ég með kjúklingum.
Óli Njáll  20:24| link

Líf mitt næstu vikurnar verður leiðinlegt, ég ætla þó ekki að leggjast í jafn mikið bölsýnisblogg og sveppurinn ástundar nú af miklum móð. Það eru takmörk fyrir öllu þótt vissulega komi það oft fyrir að maður sé umkringdur hálvitum.
Óli Njáll  20:23| link

Sunnudagur
Ég er á bókhlöðunni. Hér hyggst ég finna mér heimildir um Gorba. Veit ekki hvað ég nenni að hanga lengi hérna. Ég þarf nefnilega líka að vinna svoldið. En ég á eflaust eftir að gramsa svoldið hér fram eftir degi.
Í gær áskotanist mér diskur með Bob Dylan er ég renndi við hjá ljónsmakkanum í hafnarfirðinum sem var önnum kafinn við að dansa trylltan sigurdans sökum árangurs Péturs Blöndals þegar mig bar að garði. Ágætt að taka kvöldið rólega og eiginlega bara alla helgina rólega.
Annars held ég að prófkjör íhaldsins sé þeim ekki mjög til framdráttar. Sérstaklega er áhugavert kjördæmið þar sem 5 karlmenn raðast í efstu sætin. Jafnrétti er augljóslega orð dagsins hjá sjallanum. Sólveig geit fær háðuglega útreið og sömuleiðis hinar óbreyttu þingkonur flokksins. Fyrirfram var augljóst að nýju konurnar myndu ekki gera baun í bala í þessu kjördæmi. Ég held líka að það verði flokknum ekki til góðs að tefla fram Sigurði Kára og hvað þá Guðlaugi Þór. Að lokum verð ég að játa að ég kaus ekki í prófkjörinu þrátt fyrir fyrri yfirlýsingar um að það hyggðist ég gera.
Óli Njáll  12:31| link ------------------