14.9.02

Hvað í skrambanum á það að þýða hjá Gvendi jóns að gefa mér bara 8 í Í4. Það er augljóslega bara fasismi og djöfulgangur í manninum enda á ég mun meira skilið. Aldrei mun ég sækja kúrs hjá þeim manni aftur nema hann leiðrétti þetta hið snarasta. Það er ljóst að ég þarf að tala við hann undir fjögur augu nú í vikunni.
Óli Njáll  14:17| link ------------------

13.9.02

æja, nú þori ég ekki lengur að skrifa stakan staf hérna eftir að dýrin í 4-x grófu upp síðuna mína. Það er án efa hornafjarðarfúlmennið Bjarni Ólafur sem stendur fyrir því. Já, refsingin kemur næsta fimmtudag kallinn minn.
En í dag er föstudagurinn þrettándi og þá á víst að vera einhver voða óheppni í gangi. Ekki hef ég orðið var við hana. Á mínum yngri árum hafði ég gaman af að storka örlögunum með töluna 13 og líkt og annar hver krakki ákvað ég að það væri mín happatala. Fór m.a. að spila í treyju númer 13 í handbolta á tímabili. Það entist þó aðeins í ca. eitt tímabil þangað til ég ákvað að það væri ekki kúl, þá valdi ég töluna 7. Undir lok ferils míns valdi ég töluna 8. Það skal reyndar taka fram að í upphafi handboltaferilsins lék ég númer 1. gáfað fólk getur bara dregið sínar ályktanir út frá því. Hér hefur því verið rekinn ferill minn í númerum á keppnistreyjum í handknattleik og trúi ég ekki öðru en lesendur hafi skemmt sér konunglega. Í krikket eru engin númer.
Í kvöld nenni ég ekki neinu, í það minnsta nenni ég ekki á eitthvað aumt háskóladjamm á Astró. Ég mæti einungis á Fróðaskemmtanir ekki einhverjar háksólaréttir þar sem allar rollurnar eru dregnar í sama dilkinn. Ég er nefnilega enginn fjárbóndi, það eru kýr sem rúla.
Óli Njáll  20:17| link ------------------

12.9.02

Er enn eitt tímabilið að fara í hundana? Liverpool virðist ekki lengur geta klárað leiki nú síðast gegn Birmingham. Ógn og skelfing. Út af með Owen.
Mun Fylkir vinna tvöfallt í ár? Nei, bölvun hvílir á því liði að klúðra undir lokin. Þeir munu þó hirða aðra dolluna.
Í dag ætla ég svo sjálfur að spila bolta, það er Spartakusdagur í dag. Verst að rauðhærði risinn hyggst ekki mæta til leiks. Vonandi verður þó góð mæting. Ég held ég muni nú skora þau nokkur í dag enda í fantaformi.
Áðan heyrði ég lag um Þóri. Hvað skyldi það vera? Svör sendist á póstformi hingað.
Óli Njáll  12:22| link ------------------

11.9.02

Er sesame street ekki magnaður þáttur? Mér finnst það og Agnesi frænku minni líka. Hún er allavega límd við sjónvarpið japlandi á ís þessa stundina.
Í dag valdi ég ritgerðarefni í M1. Ég fór til Sveinbjörns og sagðist vilja skrifa eitthvað um svarta-dauða. Bjóst nú við að hann hefði einhverjar hugmyndir um gáfuleg efni tengd þeirri mögnuðu sótt. Sveinbjörn var þó ekkert að flækja málið. Ritgerðarefnið mitt er "Um Svarta-dauða". Og um þetta á ég að skrifa um 5-10 bls. Það er ljóst að hlaupið verður um víðan völl á þessum fáu síðum enda hafa menn skrifað doktorsritgerðir um mun afmarkaðari efni en þetta.
Óli Njáll  18:22| link

Af hverju held ég áfram að mæta í tíma í M1? tilgangsleysi dauðans sko þar á ferð.
Væri nú ekki sniðugt að gera eitthvað uppbyggilegt í dag? Fara með bíl í skoðun og smurningu t.d. Best að setja sér ekki of há markmið því þau nást aldrei.
Er húsvörðurinn í Árnagarði mest ógnevkjandi maður í geymi? Kanski ekki en hann er vissulega á topp 100 listanum.
Óli Njáll  11:20| link ------------------

10.9.02

Eftir að hafa frétt að nýji símavinur minn Sæmundur taki þátt í Kollgátunni breyti ég spádómi mínum. Sæmundur vinnur punktur.
Slæmt er það að Guðmundur Svansson þekki mig ekki í sjón. Þá hefði hann vitað að ekki keppti ég fyrir heimspekideild. Þá hefðu úrslit sko orðið á annan veg. Annars getur Guðmundur komið og litið á mig í hinum magnaða kúrsi Hagsögu til 1900 sem við erum báðir skráðir í. Já, það er magnaðasti kúrs í geymi sko. Byrjaði í honum í dag að undirlagi Björns Jóns Bragasonar, skáta og ofursniglings. Ég sé ekki eftir því.(allavega ekki enn).

Óli Njáll  20:56| link

einn af helstu kostum kennara er að í honum heyrist. Hér í HÍ er kennari sem ekki uppfyllir þær kröfur. HAns tímar verða því nokkuð gagnslausir. Hver skyldi það vera? Svör sendist á keikodude@hotmail.com
Annars er ég glaður núna. Af hverju? tja, kemur ykkur bara ekkert við.
Óli Njáll  12:40| link ------------------

9.9.02

Hvur þremillinn, stórstjörnulið heimspekideildar beið lægri hlut fyrir Eyjólfi í dag, já ég sagði Eyjólfi ekki læknadeild. 28-25 voru víst niðurstöðurnar eftir að staðann hafði verið 25-18 fyrir heimspekideild. Sennilega mun nú Eyjólfur fara alla leið enda tel ég þetta hafa verið úrslitakeppnina. Mér dettur allavega fáir í hug sem gætu tekið þetta þar sem mér skilst að Sæmundur taki ekki þátt. Reyndar gætu menn eins og Sverrir Guðmunds og Arnar Þór Stefánsson sett strik í reikninginn taki þeir þátt. Annars er náttúrulega staðreynd að í lið heimspekideildar vantaði bestu mennina s.s. Hjalta Snæ og Svan. En það gengur bara betur næst. Í dag fór svo FC Marwick í 8 liða úrslit í HM2002 eftir að hafa jarðað auma hagfræðinema í 16-liða úrslitum. Við komumst inn í 16 liða úrslitin án mikilla átaka. Einhverra hluta vegna fengu þó hagfræðingarnir að halda áfram keppni þrátt fyrir að hafa tapað fyrir okkur 3-2 í vítakeppni þar sem hvort lið tók 7 spyrnur. Þess má til gamans geta að þriðja markið skoraði undirritaður. Maður leiksins var þó tvímælalaust hann Hannes markmaður sem varði eins og berserkur en hann er einmitt á samning hjá KA. Jamm, í seinni leiknum var þol sagnfræðinema farið að þverra og niðustaðan dapur ósigur gegn einhverjum verkfræðinördum. Verkfræðinördar spiluðu nú ekki mjög drengilega og ljóst að á næsta ári verður einhver þeirra tæklaður lendi þeir aftur á móti oss.
Óli Njáll  20:12| link

já, djöfull er ég ferskur í dag. Bara vaknaður klukkan 7 og fór í sturtu. Svo er ég að prófa nýja Ferrari dótið sem hann bróðir minn gaf mér, snyrtivörur ekki bíll sko.
Nú er svo Valur Ingimundar að byrja fyrirlestur, best að fara að glósa.
Óli Njáll  11:22| link

jahérna, ég er orðinn þreyttur. Kominn tími til að sofa vel og vakna svo snemma, klukkan 7 eins og aðra morgna. Í kvöld hef ég aðhafst mest lítið. Spilað smá tölvuleiki og átt samskipti við hitt og þetta fólk, t.d. hálftímasamtal við mann sem ég hef hitt einu sinni um allt og ekkert. já, sumir eru ræðnari en aðrir.
Hvernig dettur nokkrum manni í hug að kalla sig Jónsi Gurður?????
Er Europa Universalis II gaggandi snigld? Já, því verður ekki neitað. Er það snigggld þegar að Englendingar leggja undir sig mest allt Frakkland um 1423? Já. Er ég kanski að spila þetta í of auðveldu level? Já. En ég hef gaman af því og þá er tilgangnum náð.
Vinnur bankastarfsfólk almennt klukkan 9 á sunnudagskvöldum? Mér þykir það ólíklegt en einn þeirra aðila sem ég er að skipta við gerir það augljóslega. Hann sendir allavega tölvupósta á þeim tíma. Undarlegt, menn eiga aldrei að vinna á Sunnudögum. Eða eins og stendur í fornum bókum: "Halda skaltu hvíldardaginn heilagan" Ég braut það þó aðeins í dag er ég bónaði bílinn ásamt Þorgeirsbola Woods. Hann á miklar þakkir skyldar fyrir hjálpina.
Óli Njáll  00:20| link ------------------

8.9.02

jahá, kennsla í bloggi, ekki er öll vitleysan eins. Ég hef í kjölfarið á þessum fréttum ákveðið að bjóða fólki upp á einkatíma í bloggkennslu, einungis 2500krónur á tímann og lofa því jafnframt að eftir tvo tíma verði nemendur orðnir fullfærir í fræðum bloggheimsins, meðal þess sem ég mun fara í verða linkar en ég veit um fólk sem þarf á þannig kennslu að halda.
Óli Njáll  18:53| link

djöfull er maður eitthvað dofinn í dag, vaknaður klukkan rúmlega 9 í morgun, tengist kanski því að ég var sofnaður fyrir miðnætti í gær. Hvað á maður svo að gera af sér í dag? Svar: Sem minnst, allra minnst og helst ekkert gagnlegt. Ég gæti jafnvel tekið upp á því að horfa á kvennabolta í sjónvarpinu. Og talandi um bolta. Hversu lélegir voru Íslendingar í gær gegn Ungverjum? Og hví í skrambanum var fertugur maður í markinu? Ætli Atli kalli þetta ekki að gefa nýjum mönnum tækifæri. Það er kominn tími til að losa sig við þennan bjálfa úr þjálfarastöðunni, því fyrr því betra. Jamm, eins og sjá má er ég ekki í sem allra bestu skapi núna.
Í hvaða kúrs á ég að fara? Trúarbragðasaga eða hagsaga til 1900? Ég held ég forði mér frá neysluháttum þar sem ég á víst annars að flytja verkefni um tísku og klæðaburð á fimmtudaginn. Ekki bað ég um það verkefni og enn síður bað ég um að hafa framsögu í fyrstu viku.
góðar stundir
Óli Njáll  12:27| link ------------------