{ Óli Njáll - keikodude@hotmail.com }

[ Naggur | ASAT | UVG | Múrinn | Praxiteles | Gamalt ]

[ Húgó | Thors | Fimmtudagur | Ármann | Sverrir | Hilma ]

[ Kolla | Sigfús | Jóhann | Bendt | Steinunn | Linkur vikunnar ]

25.5.02

Djammið
Ég kíkti aðeins í sagnfræðipartý hjá honum Mása í gærkveldi. Það var ósköp rólegt og rómantískt eða aðeins um 10 manns og þar af hét helmingurinn Jón. Nei, þetta er ekki grín, 5 aðilar(Jón Sigurður, Jón, Björn Jón, Jón Skírnir, Jón Skapti). Þetta er náttúrulega slæm staðreynd en þó ekki jafnslæm staðreynd og sú að lengi framan af var aðeins ein dama í parýinu, hún Ágústa. Kynjahlutfallið lagaðist þó þegar Imba mætti á svæðið með stórfurðulega vinkonu sína. Annars var þetta bara ágætt, að sjálfsögðu var kveikt á sjónvarpinu og horft á krýningu Manúelu en ég var einmitt búinn að spá henni sigri. Ég fór svo snemma heim þetta kvöld enda mættur í vinnu klukkan 6:40 í morgun. Í vinnunni er annars allt í besta lagi og er ég að skora feit stig þessa dagana hjá hinum ýmsu yfirmönnum því ég er frábær. Það er einmitt jákvæður hlutur við breytinguna í Hagkaup að þá kom nýr yfirmaður, hún Silvía. Silvía er beib.
Ég er búinn að kjósa. Ég ákvað að hætta við stuðning minn við Vinstri Hægri Snú og kjósa r-listann í þeirri von að 9 maðurinn gæti dottið inn sem yrði frábær rassskelling fyrir íhaldið. ekki kaus ég þó Alfreð, Stefán Jón og Steinunni.
Ég kíkti einnig í grill hjá VG í Hafnarfirði í dag, þar voru ekki margir en þar mátti þó finna efsta mann R-listans(Það er Árni Þór, ekki Stefán Jón). Hinn huglausi Huginn var flúinn af vettvangi og tyrkneskur hundingi hans einnig. Við Strumpur fengum okkur því köku hjá Samfylkingunni.
Í kvöld er svo eitthvað kosningadjamm, mér skilst að ég sé að fara að hitta ungkomma á hinum ýmsu stöðum. Þetta mun allt ráðast. En VG rokkar, það er á hreinu.
Óli Njáll  19:54| 
link

Helgi skila núna!!!
Jæja, 3 vikurnar eru liðnar fyrir stórvin minn Helga Þodláksson. Hvað skildi orsaka þessa löngu bið. Ætli
kötturinn sé í letikasti og nenni ekki að klára að fara yfir ritgerðirnar. Nei, því trúi ég ekki. Ætli núna sé ekki síðasti séns að lýsa því yfir að kötturinn sé ofurgóður bloggari í von um að hann hækki einkunina mína(ef svo líklega vildi til að hann læsi þessa síðu eins og allir aðrir landsmenn)
Óli Njáll  10:35| link

Kox
Að eyða mestöllum kosningadeginum í Hagkaup er minn draumur um himnaríki.
Óli Njáll  09:05| 
link
------------------

24.5.02

Baldur er hetja
Já, ég á að sjálfsögðu við ofurmennið
Baldur Sveinsson, kennslustjóra VÍ, en nú eru yfirgnæfandi líkur á að ég verði í hans þjónustu næsta vetur við að kenna gríslingum á excel. Ég sé sumsé fram á það að vera laus úr búðabransanum næsta vetur. Þetta verður mega mikið rokk.
Óli Njáll  20:04| link
------------------

23.5.02

Fréttatilkynning
ASAT samtökin hafa tekið í notkun nýja heimasíðu. Þetta er liður í þeirri stefnu samtakanna að ná heimsyfirráðum. Lítið á dýrðina
hér.
Óli Njáll  19:30| link

Star wars
Ég er ekki enn búinn að sjá þessa nýju starwarsmynd með vonda nafninu. Ég auglýsi því hér með eftir einhverjum til að fylgja mér í bíó. Ef þú, lesandi góður, ert fallegur, skemmtilegur og einhleypur kvenmaður skal ég jafnvel bjóða þér í bíó. Hafið samband við keikodude@hotmail.com
Óli Njáll  19:07| 
link

Úff
jibbý, Bryndís frá Patéhúsinu var hér rétt áðan. Það er ávallt mikil gleði. Verst að Viddi afgreiddi hana en ekki ég. (menn mega skilja þessa setningu eins og þeir vilja)
Óli Njáll  12:17| 
link

GDR...
...hefur ekki enn vitjað pepsiflöskunnar:(
Óli Njáll  09:02| 
link
------------------

22.5.02

Af geldingum
Geldinganesið afgreitt í eitt skipti fyrir öll. Ég er hlynntur því að sprengja Geldinganesið, okkur vantar grjót og þarna er nóg af grjótinu. Það er því ósköp eðlilegt að ná í þetta grjót, láta það fljúga yfir Reykjavík og dömpast niður úti á Granda. Hvers vegna má ekki taka grjótið úr Geldingarnesinu? Nú er Geldingarnesið enginn "náttúruperla". Geldingarnesið er daunillt annes af verstu gerð, það er ljótur grasbali úti í rokraskati. Kanski finnst einhverjum þetta fallegur staður, ekki mér. D-listinn vill byggja á Geldingarnesinu. Þá verður væntanlega ekki mikið eftir af "náttúrufegurðinni" heldur munu steypuklumpar liggja yfir landinu, ekki mikið um ósnortna náttúrufegurð undir einbýlishúsum! Er eitthvað verra að byggja þarna þó að búið sé að taka slatta af grjóti? Nei, það er ósköp auðvellt að hanna byggðina inn í landslagið, vilji menn skella íbúðabyggð þarna er það lítið mál þrátt fyrir öll "gríðarlegu umhverfisspjöllin" sem þarna hafa verið framin. En þarna verður alls enginn íbúðabyggð heldur höfn og iðnaður. Það er jafnvel enn auðveldarara að hanna þannig dæmi inn í umhverfið. Það eru því engin rök fyrir því að ekki megi taka grjótið úr geldingarnesinu. Nema ef hægt er að sýna fram á hagkvæmari grjóttöku annars staðar. Slíkt hefur þó ekki komið frá D-listanum enda fátt gott sem þaðan kemur.
Óli Njáll  22:54| 
link

Vinnan kallar
jamm, best að leggja af stað, núna!
Óli Njáll  09:50| 
link

Linkur vikunnar
Linkur vikunnar er að þessu sinni Sigríður Reynisdóttir, aka Siggabeib. Sigríður er bloggheimum af góðu kunn og verðskuldar fyllilega þennan heiður. Því má jafnframt uppljóstra hér að Sigríður er kóngulóin sem spinnur hinn magnaða vef ASAT samtakanna sem mun birtast fljótlega. Hennar stærsti ókostur er það að hún er Norðmaður í húð og hár.
Óli Njáll  00:12| 
link

Lengi lifi geldingarnesið
Geldingarnesið er cool! Nei, heldur betur ekki. Var þar áðan, sprengjum það í tætlur!!!!
Óli Njáll  00:03| 
link
------------------

21.5.02

Bra
Nú er komið kvöld. Búinn að dreifa uvg blaðinu víða.Mikið stuð það. Fór m.a. í þann guðsvolaða stað sem í daglegu tali nefnist "musteri illskunnar" og einnig í Lögberg sem er ljótasta hús háskólans enda einungis vont fólk sem þar stundar nám. Einnig fór ég í fyrsta skipti inn ´´i þann torfkofa er nefnist gamli skólinn í MR. Það er nú meiri hjallurinn enda þurfti maður að beygja sig til að komast inn þar, áhugavert þar sem ég mun seint teljast stór maður. Álit mitt á mr batnaði ekkert við þessa heimsókn. Einnig fór ég í verzló þar sem vörðurinn ógurlegi virðist vera farinn í frí og því hljóta allir menn að fagna. Samt spurning hversu mikinn tilgang það hefur að dreifa blöðum frá uvg í verzló þar sem óðir menn munu eflaust brenna þau.
Hvað er málið með blogspot síður í dag. Helmingur þeirra virðist vera dauður. Ég ekki skilja.
Nú er ég svo víst á leiðinni í undarlega samkomu manna þar sem munu hittast
Stalínskur Trotskýisti, geðklofa marxisti, hýr framsóknarmaður og dulbúið samfylkingarfól.
Ég á enn eftir að blogga ferðasöguna, kemur fljótlega. Jafnframt þarf ég að hafa samband fljótlega við ofurvefara ASAT samtakanna en þar munu stórir hlutir vera að ske. Jafnframt þarf ég að díla við þann aðila um verð þar sem engir minjagripir voru keyptir í London( nánari umfjöllun um það fylgir þegar ferðasagan verður birt).
Óli Njáll  19:28| link

UVG
Nú er verið að dreifa blaði UVG sem kom sjóðheitt út úr prentsmiðju Morgunblaðsins(kaldhæðni) nú um hádegið. Þetta blað á eftir að slá í gegn enda ofurglæsilegt. Páll Hilmarsson á hrós skilið fyrir flotta uppsetningu.
Óli Njáll  16:45| 
link

blogger með bögg
Óli Njáll  13:12| 
link

Gott símtal
Það er sjaldan gaman þegar verzlunarstjórinn manns hringir í mann fyrir hádegi. Dagurinn í dag er þó stór undantekning þar sem mér var tilkynnt það að ég ætti ekki að mæta í vinnuna 10. júní eins og gert var ráð fyrir heldur strax á morgun. Þetta hefur mjög svo góð áhrif á mín fjármál og veitir ekki af(þótt ekki ætli ég að væla yfir peningum eins og ónefndir millistjórnendur)
Óli Njáll  12:40| 
link

nei
ekki hleypur fylgið upp í Hafnarfirði. Þó er augljóst að Ágúst Flygenring kýs VG.
Óli Njáll  01:56| 
link
------------------

20.5.02

Ferðasagan...
...kemur síðar. Það verður sennilegast nokkuð langt blogg og ég nenni ekki að skrifa hana núna. Ég get þó stolltur sagt frá því að ég hélt upp á heimkomuna með því að gera nákvæmlega ekki neitt í dag.
Annars er jákvætt að koma heim og sjá að Vg er að sópa að sér fylginu í Kópavoginum, ég spái að HafnarfjarðarHúgó nái samt enn betri árangri í könnuninni sem mér skilst að komi á morgun. R-listinn er með skitu og ekki ætla ég að skeina honum. Ef þeir geta ekki hagað sér eins og menn þá mega þeir bara tapa mín vegna. Pólitíkin er skemmtileg.
Ýmsir bloggarar hafa verið latir meðan ég var úti. Svo virðist sem ég þurfi að hafa svipuna á fólki. Nenni því samt ekki og letibloggarar verða bara að vera það í friði.
Ekki get ég látið það liggja milli hluta að skella inn link á
Kollu sem ku vera að búa til nýja heimasíðu. Ég stend að sjálfsögðu við mína spá um að sú síða muni ekki klárast í sumar og heiti veglegum verðlaunum ef henni tekst að brjóta bölvun mína á bak aftur. (þessi partur af færslunni er einungis fyrir þá fjölmörgu sem hafa undrað sig á óheyrilegum fjölda linka á Kollu undanfarnar vikur, já ekki bregast ég aðdáendum mínum)
Jamm, talandi um vegleg verðlaun. GDR svaraði getrauninni hér um daginn rétt. Þetta var að sjálfsögðu úr kvikmyndinni The last Boyscout. Í verðlaun fær hann tóma beyglaða 2lítra pepsi max flösku og getur hann vitjað vinningsins heima hjá mér. Ég skal jafnvel hella upp á kaffi.
Nú ætla ég að kíkja á Þóri. Þórir fær engann link núna.
Óli Njáll  23:39| link

I'm back
Fréttir herma að ég sé snúinn aftur á frónið. Slíkt hlýtur að teljast mikið gleðiefni fyrir land og þjóð en kanski minni gleði fyrir mig sjálfan þar sem ég gæti alveg verið lengur í London. Nánar um það síðar.
Óli Njáll  02:05| 
link
------------------




Powered by Blogger